• ¹ Ginv mengh dauh longx se gauh longx ginv zinh zoih camv
• duqv mienh taaih se gauh longx jiem nyaanh.
• ² Mienh maaih mienh caux mienh jomc mienh maaih yietc diuc fih hnangv,
• se Ziouv zeix ninh mbuo yietc zungv daaih.
• ³ Mienh guai mienh buatc haih maaih sic cuotv ziouc simv nqoi,
• mv baac maiv hiuv haaix nyungc nyei mienh hungx jienv mingh ziouc zuqc kouv aqv.
• ⁴ Nyiemc ganh zoux faix yaac taaih Ziouv
• bun mienh duqv zinh zoih, duqv mienh taaih yaac duqv maengc ziangh.
• ⁵ Buv longh buv dangv mienh nyei jauv maaih njimv caux koux,
• haaix dauh goux duqv ganh zungv leih nqoi naaiv deix ga'naaiv go.
• ⁶ Njaaux fu'jueiv gan ninh horpc zuqc yangh nyei jauv,
• gox daaih ninh ziouc maiv leih nqoi.
• ⁷ Butv-zoih mienh gunv mienh jomc mienh,
• gaav zaeqv nyei mienh benx zaeqv-ziouv nyei nouh.
• ⁸ Mienh zuangx orqv nyei jauv * Fai “maiv baengh fim nyei sic”. ziouc siou zeqc naanc,
• Tin-Hungh nouz mienh nyei biaav yaac oix bun ninh zuqc mietc. * Maaih deix sou gorngv “Ninh nouz mienh nyei biaav yaac oix zuqc mietc”.
• ⁹ Haaix dauh mangc maiv jiex mueic, zoux hnyouv jangv, ziouc duqv fuqv,
• weic zuqc ninh zorqv buonc ganh nyei nyanc hopv bun mienh jomc mienh.
• ¹⁰ Oix zuqc zunc cuotv huotv mienh nyei mienh, nzaeng jaax nyei jauv ziouc baac mi'aqv.
• Nzaeng jaax, gorngv doqc nyei jauv yaac sekv nzengc.
• ¹¹ Haaix dauh a'hneiv maaih cing-nzengc hnyouv, ninh nyei waac yaac maaih en-zingh,
• wuov dauh ziouc duqv hungh diex zoux ninh nyei doic.
• ¹² Ziouv nyei m'zing goux jienv wuonh zaang,
• mv baac ninh mbienv maiv ziepc zuoqv nyei mienh nyei waac.
• ¹³ Mienh lueic mienh gorngv, “Ga'nyiec maengx maaih dauh sienh.
• Nziex yiem wuov jaai-horngc yie haih zuqc ninh ngaatc daic.”
• ¹⁴ Hienx nqox nyei m'sieqv dorn * Fai “buangh liouh nyei m'sieqv dorn”. nyei nzuih hnangv ndo haic nyei kuotv,
• Ziouv qiex jiez nyei mienh zungv zuqc ndortv bieqc gu'nyuoz.
• ¹⁵ Hngongx nyei jauv m'daaih yiem fu'jueiv nyei hnyouv,
• mv baac longc biaav mborqv njaaux haih zunc cuotv leih ninh go.
• ¹⁶ Haaix dauh zeix mienh jomc mienh weic douh ganh butv zoih,
• fai fungx zingh nyeic bun butv-zoih mienh,
• setv mueiz ninh ganh jomc mi'aqv. * Fai “setv mueiz i dauh zungv jomc mi'aqv.” Naaiv yiemc nyei Hipv^lu waac se maiv nangc mengh ziouc maaih ziex nyungc za'eix faan.

Faah Ziepc Ginc Cong-Mengh Waac

• ¹⁷ Meih oix zuqc baeng m'normh muangx cong-mengh mienh nyei waac.
• Yie njaaux nyei waac oix zuqc longc hnyouv muangx.
• ¹⁸ Se gorngv meih zaangh jienv naaiv deix waac yiem hnyouv,
• yaac liuc leiz ziangx zanc-zanc haih gorngv,
• ziouc tengx meih horpc hnyouv aqv.
• ¹⁹ Yie ih hnoi njaaux nyei se dongh meih, meih ziouc haih hiuv duqv naaiv deix waac
• weic bun meih kaux Ziouv.
• ²⁰ Yie weic meih fiev faah ziepc ginc kuinx nyei waac
• caux wuonh zaang nyei waac maiv zeiz?
• ²¹ Yie oix bun meih hiuv duqv haaix nyungc horpc, haaix nyungc zien,
• weic bun meih haih longc zien waac dau paaiv meih mingh nyei mienh.
• ²² Maiv dungx caangv mienh jomc mienh nyei ga'naaiv weic zuqc ninh jomc,
• yaac maiv dungx yiem zingh gaengh zeix doh naanc mienh,
• ²³ weic zuqc Ziouv oix tengx ninh mbuo caengx sic.
• Haaix dauh hoic ninh mbuo, Ziouv oix hoic wuov dauh nyei maengc.
• ²⁴ Maiv dungx caux hungh hec qiex jiez siepv nyei mienh daav loz-gaeng,
• yaac maiv dungx caux ga'qiex beqv nyei mienh mingh.
• ²⁵ Nziex meih haih zuotc ninh nyei nyungc zoux,
• yaac zuqc koux hlopv zuqc ganh.
• ²⁶ Maiv dungx hnangv mienh laengz nzuih beu mienh nyei zaeqv,
• yaac maiv dungx laengz zoux ndaam-daauh.
• ²⁷ Se gorngv meih maiv maaih haaix nyungc jaauv sung,
• liemh meih bueix jienv nyei coux ninh mbuo ziouc zorqv mingh.
• ²⁸ Meih nyei ong-taaix liepc nyei deic-jaaix,
• meih maiv dungx suiv.
• ²⁹ Meih buatc maaih banh zeic zoux gong longx nyei mienh,
• ninh duqv souv jienv hungh diex nyei nza'hmien,
• maiv zeiz souv maiv maaih mengh dauh nyei mienh nyei nza'hmien.