×
Cong-Mengh Waac 21
-
1 Hungh diex nyei hnyouv se hnangv diuh ndoqv yiem Ziouv
nyei buoz,
- sueih Ziouv
nyei eix bun ninh huin mingh haaix bung.
-
2 Mienh zoux nyei sic ziux ganh nyei m'zing mangc ninh zoux duqv horpc,
- mv baac Ziouv
zaah
mienh nyei hnyouv.
-
3 Ziouv
a'hneiv mienh zoux duqv horpc, baengh fim nyei,
- gauh camv dorh ga'naaiv fongc horc ziec.
-
4 Orqv mienh m'zing-jaax hlang, hnyouv yaac maux,
- naaiv se benx zuiz aqv.
-
5 Mienh jienh mienh nyei za'eix ndongc haaix zungv bun ninh mbuo duqv kuh yiem,
- mv baac zoux sic beqv nyei mienh kungx zuqc jomc hnangv.
-
6 Nzuih gorngv-baeqc nduov duqv daaih nyei zinh zoih,
- se hnangv buonc mingh nyei mouc yaac zoux koux hlopv ganh daic.
-
7 Orqv mienh zoux doqc nyei sic oix guaatv ninh mbuo ganh mingh,
- laaix ninh mbuo maiv kangv zoux baengh fim nyei jauv.
-
8 Dorngc zuiz nyei mienh nyei jauv se ngau njuotv,
- mv baac cing-nzengc mienh zoux nyei sic se horpc nyei.
-
9 Yiem biauv-ngorh gu'nguaaic nyei gorqv
- corc gauh longx caux zanc-zanc nzaeng jaax nyei m'sieqv dorn juangc biauv yiem.
-
10 Orqv mienh nyei hnyouv kungx oix orqv sic hnangv,
- ziux ninh nyei m'zing mangc duqv jiex mueic, maiv korv-lienh juangc laangz mienh.
-
11 Huotv mienh nyei mienh zuqc dingc zuiz,
- maiv hiuv haaix nyungc nyei mienh duqv cong-mengh.
- Cong-mengh mienh duqv mienh njaaux,
- ninh jaa duqv wuonh zaang.
-
12 Gong-Fim nyei Tin-Hungh
samx mangc orqv mienh nyei biauv,
- orqv mienh zuqc zoi njiec bun ninh zuqc mietc.
-
13 Haaix dauh zotv jienv m'normh maiv muangx mienh jomc mienh heuc jienv tov nyei qiex,
- ninh ganh heuc jienv tov nyei ziangh hoc yaac maiv maaih haaix dauh dau.
-
14 Bingx jienv fungx zingh nyeic haih donv jienv qiex jiez nyei jauv,
- beic ndiev nzuiz nyaanh
hmuangx
haih tengx ciouv nyei ga'qiex fiu.
-
15 Haaix zanc zoux baengh fim
nyei jauv, kuv mienh maaih orn-lorqc,
- mv baac orqv mienh zuqc mietc.
-
16 Haaix dauh leih nqoi bieqc hnyouv nyei jauv,
- ziouc caux daic mingh nyei mienh gapv zunv yiem.
-
17 Haaix dauh kungx hnamv njien-youh nyei jauv, zungv oix zuqc jomc.
- Haaix dauh oix haic a'ngunc diuv caux ga'lanv youh maiv haih butv zoih.
-
18 Orqv mienh zuqc kouv div
kuv mienh,
- maiv ziepc zuoqv nyei mienh yaac zuqc kouv div hnyouv zingx nyei mienh.
-
19 Yiem deic-bung-huaang zungv gauh longx
- caux nzaeng jaax la'ngopv nyei m'sieqv dorn yiem.
-
20 Cong-mengh mienh nyei biauv maaih jaaix nyei ga'naaiv caux ga'lanv youh,
- mv baac mienh hngongx mienh naqv nzengc ninh maaih nyei yietc zungv.
-
21 Zimh lorz zoux horpc zoux longx nyei jauv nyei mienh
- duqv maengc ziangh yaac duqv mienh taaih.
-
22 Cong-mengh mienh nyorng faaux mienh henv mienh nyei zingh laatc,
- yaac baaic waaic mienh kaux wuonv nyei dorngx.
-
23 Haaix dauh goux ganh nyei nzuih caux mbietc,
- beu duqv ganh maiv zuqc sic.
-
24 Zoux maux, ceng-hlo nyei mienh duqv mbuox heuc, “Ga'naaiv-huotv.”
- Ninh kungx zoux maux, ceng-hlo hnangv.
-
25 Mienh lueic mienh nyei hnyouv oix nyei se hnangv daix ninh ganh,
- weic zuqc ninh nyei buoz maiv kangv zoux gong.
-
26 Ninh ziangh hnoi mauv oix duqv ga'naaiv,
- mv baac kuv mienh bun yaac maiv korv-fiqv.
-
27 Orqv mienh ziec nyei ga'naaiv se gamh nziev nyei,
- ninh longc orqv nyei za'eix dorh daaih zungv gauh fatv kouv.
-
28 Zoux jaav zorng-zengx nyei mienh oix zuqc mietc,
- mv baac muangx zien zorng-zengx nyei waac wuov dauh, ninh nyei waac yietc liuz yiem.
-
29 Orqv mienh zoux hmien hoz, maiv hiuv duqv nyaiv,
- mv baac hnyouv zingx nyei mienh longx-longx nyei hnamv taux ganh nyei jauv.
-
30 Maiv maaih haaix nyungc cong-mengh fai wuonh zaang fai caangh laangh nyei waac
- haih hingh jiex Ziouv.
-
31 Maaz liuc leiz ziangx weic mborqv jaax nyei hnoi,
- mv baac se Ziouv
bun duqv hingh.
