¹ Mbaa^laa^am hiuv duqv Ziouv a'hneiv ceix fuqv bun
I^saa^laa^en Mienh, ninh ziouc maiv zoux haaix nyungc faatv hnangv da'hnaav nzunc nor. Ninh huin mingh mangc deic-bung-huaang, ² buatc I^saa^laa^en Mienh ziux yietc fingx yietc fingx corng ndopv-liuh yiem ninh mbuo nyei ciangv. Tin-Hungh nyei Singx Lingh njiec daaih yiem jienv ninh, ³ ninh ziouc douc naaiv deix waac,

• “Naaiv se Mbe^o nyei dorn, Mbaa^laa^am, douc nyei waac.
• Se m'zing tong nyei mienh douc waac gorngv,
• ⁴ dongh haiz Tin-Hungh nyei waac wuov dauh douc nyei waac.
• Yie nyei m'zing tong, haih mangc duqv buatc * Faan zaqc Hipv^lu waac gorngv “Yie king njiec ndau, m'zing nungx jienv”.
  
• Nernh Jiex Wuov Dauh * Hipv^lu waac gorngv Satv^ndai. hinc yaangh nyei sic.
• ⁵“O Yaakopv nyei zeiv-fun aac, meih mbuo nyei ndopv-liuh nzueic haic.
• O I^saa^laa^en Mienh aac, meih mbuo nyei ciangv za'gengh kuh mangc.
• ⁶ “Meih mbuo hnangv horngz cuotv mingh jangv nyei nor, * Maaih deix sou faan daaih gorngv hnangv yietc liouz yietc liouz nyei daau.
• hnangv yiem ndaaih hlen nyei huingx.
• Hnangv Ziouv zuangx nyei aa^lo miev-ndaang,
• hnangv yiem wuom-hlen nyei
  si^ndaa zongh ndiangx.
• ⁷ Wuom oix liouc cuotv ninh mbuo nyei tongv,
• ninh mbuo nyei zeiv-fun * zeiv-fun Hipv^lu waac gorngv nyim. oix yiem maaih wuom camv nyei dorngx.
• “Ninh mbuo nyei hungh oix gauh hlo jiex Aagakc Hungh,
• ninh mbuo nyei guoqv yaac oix duqv njang-laangc.
• ⁸ “Tin-Hungh dorh ninh mbuo cuotv I^yipv Deic-Bung,
• ninh mbuo maaih qaqv hnangv hieh ngongh nor.
• Ninh mbuo naqv nzengc win-wangv nyei guoqv,
• wuotv win-wangv nyei mbungv nauv nzengc,
• longc forng-cang buonv tong ninh mbuo. * Fai “mborqv ninh mbuo nyei forng-cang muonc nzengc”.
• ⁹ Ninh mbuo mbaapv njiec bueix jienv hnangv sienh gouv,
• yaac hnangv sienh nyeiz, haaix dauh gaamv mingh heuc ninh mbuo jiez sin? * Tin Deic Douh 49:9
• “Haaix dauh buang waac meih mbuo, tov bun wuov dauh duqv fuqv.
• Haaix dauh zioux meih mbuo, tov bun wuov dauh zuqc zioux.” * Tin Deic Douh 12:3

¹⁰ Mbaalaakv qiex jiez! haic Mbaa^laa^am, ninh ziouc mbaix buoz-zaangv-taatv, doix Mbaa^laa^am gorngv, “Yie heuc meih daaih tengx yie zioux win-wangv. Daaux nzuonx meih buang waac bun ninh mbuo buo nzunc. ¹¹ Ih zanc meih biaux nzuonx meih nyei dorngx aqv. Yie gorngv oix bun zingh nyeic hlo nyei, mv baac Ziouv dangv jienv bun meih maiv duqv zipv.”

¹² Mbaa^laa^am dau Mbaalaakv, “Yie m'daaih mbuox jiex meih paaiv daaih nyei mienh, ¹³ ‘Maiv gunv Mbaalaakv zorqv nzengc buangv hungh dinc nyei jiem nyaanh bun yie, yie yaac maiv haih zoux jiex ndaangc Ziouv mbuox nyei waac, ei yie ganh nyei za'eix zoux longx fai zoux waaic. Ziouv hnangv haaix nor gorngv, yie yaac oix zuqc hnangv wuov nor gorngv.’ ¹⁴ Ih zanc yie nzuonx yie nyei buonv-fingx mienh wuov mv baac daaih maah! Yie mbuox meih nqa'haav hingv naaiv fingx I^saa^laa^en Mienh oix hnangv haaix nor zoux bun meih nyei baeqc fingx.”

Mbaa^laa^am Douc
Da'feix Nzunc Waac

¹⁵ Mbaa^laa^am ziouc douc naaiv deix waac,

• “Naaiv se Mbe^o nyei dorn, Mbaa^laa^am, douc nyei waac.
• Se m'zing tong nyei mienh douc waac gorngv, * Beiv mangc Saauv Mienh 24:4 .
• ¹⁶ dongh haiz Tin-Hungh nyei waac wuov dauh douc nyei waac,
• se Yiem Hlang Jiex Wuov Dauh bun hiuv nyei jauv.
• Yie nyei m'zing tong haih mangc duqv buatc * Beiv mangc Saauv Mienh 24:4 .
• nernh jiex nyei Tin-Hungh hinc yaangh nyei sic.
• ¹⁷ “Yie buatc ninh mv baac maiv zeiz ih zanc.
• Yie mangc ninh mv baac maiv zeiz fatv nyei.
• Oix maaih norm hleix yiem Yaakopv nyei zeiv-fun cuotv daaih,
• maaih hungh nyei ndaangh ngau yiem I^saa^laa^en Mienh cuotv.
• Ninh oix mborqv huv Mo^apc Mienh nyei biorngh,
• yaac baaic nzengc Setv nyei zeiv-fun.
• ¹⁸ E^ndom oix zuqc suei benx ganh dauh nyei.
• Ninh nyei win-wangv, Se^i,
  yaac oix zuqc mienh hingh.
• Mv baac I^saa^laa^en Mienh oix henv jienv faaux.
• ¹⁹ Maaih dauh Yaakopv nyei zeiv-fun oix cuotv daaih gunv.
• Ninh oix mietc nzengc yiem zingh mborqv liuz jaax zengc njiec nyei mienh.”

Mbaa^laa^am Douc
Nqa'haav Laai Nyei Waac

²⁰ Yiem Mbaa^laa^am buatc hinc yaangh nyei sic ninh buatc Aa^maa^lekv Mienh ziouc douc naaiv deix waac,

• “Yiem maanc guoqv Aa^maa^lekv zoux da'yietv,
• mv baac setv mueiz ninh zungv zuqc baaic nzengc.”

²¹ Ninh aengx buatc Kenai Mienh ziouc douc waac gorngv,

• “Meih yiem nyei dorngx se wuonv haic,
• meih nyei lauz yiem mbaengx-ngaamh gu'nyuoz.
• ²² Maiv gunv hnangv naaic meih mbuo Kenai Mienh oix zuqc mietc.
• Atc^su Mienh oix caangv meih mbuo mingh ndongc haaix lauh?”

²³ Mbaa^laa^am aengx douc waac gorngv,

• “Kouv aav loh! Tin-Hungh hnangv naaiv zoux,
• haaix dauh haih maaih maengc ziangh?
• ²⁴ Maaih mienh nzaeng nzangv yiem Kitv^tim Guoqv daaih
• zoux bun Atc^su caux E^mbe zuqc baaic,
• mv baac ninh mbuo ganh yaac oix zuqc mietc.”

²⁵ Gorngv liuz, Mbaa^laa^am jiez sin nzuonx aqv. Mbaalaakv yaac ziux ninh ganh nyei jauv nzuonx mi'aqv.