Ziouv Gox I^saa^laa^en Mienh

¹ I^saa^laa^en Mienh aah! Muangx Ziouv gox nyei waac.

• “Jiez daaih dorng jienv domh mbong gorngv meih gox nyei waac,
• bun mbong-aiv muangx haiz meih nyei qiex.
• ² O zuangx mbong caux ndau yietc liuz wuonv nyei gorn-ndoqv aac,
• oix zuqc muangx Ziouv gox nyei waac.
• Weic zuqc Ziouv oix gox ninh nyei baeqc fingx,
• oix caux I^saa^laa^en Mienh luonx leiz.
• ³ “O yie nyei baeqc fingx aac, yie zoux haaix nyungc bun meih mbuo?
• Yie zoux haaix nyungc bun meih mbuo kouv? Dau yie maah!
• ⁴ Yie dorh meih mbuo yiem I^yipv Deic-Bung cuotv daaih,
• yaac zuoqc meih mbuo cuotv zuqc zoux nouh nyei dorngx.
• Yie yaac paaiv Mose, Aalon caux Miliem dorh meih mbuo. * Cuotv I^yipv 4:10-16 ; 12:50-51 ; 15:20
• ⁵ O yie nyei baeqc fingx aah!
• Jangx jienv Mo^apc nyei hungh, Mbaalaakv, hnamv cuotv guv guaix nyei za'eix,
• caux Mbe^o nyei dorn, Mbaa^laa^am, hnangv haaix nor dau ninh. * Saauv Mienh 22:2-24:25
  
• Jangx jienv yiem Sitv^tim taux Gin^gaan buangh nyei sic,
• weic bun meih mbuo hiuv duqv
• Ziouv zoux nyei sic se weic njoux meih mbuo. * fai “Ziouv weic meih mbuo zoux nyei se baengh fim nyei”. * Yo^su^waa 3:1-4:19

Tin-Hungh Oix Mienh
Hnangv Haaix Nor Zoux

• ⁶ Yie oix zuqc dorh haaix nyungc daaih yiem Ziouv nyei nza'hmien,
• gueic njiec baaix Yiem Hlang Jiex nyei Tin-Hungh?
• Yie horpc zuqc dorh buov ziec nyei ga'naaiv daaih yiem ninh nyei nza'hmien fongc horc,
• se dorh doix hnyangx nyei ngongh dorn fai?
• ⁷ Ziouv a'hneiv yie fongc horc cin-cin ba'gi yungh gouv fai?
• Oix zuqc dorh waanc-waanc diuh ga'lanv youh nyei ndoqv?
• Yie horpc zuqc weic ganh nyei zuiz fongc horc yie nyei dorn-hlo fai?
• Se weic hnyouv gu'nyuoz nyei zuiz fongc horc ganh nyei cien dorn fai?
• ⁸ O baamh mienh aac, Ziouv zungv bun meih hiuv duqv haaix nyungc se longx nyei,
• ninh yaac oix meih hnangv haaix nor zoux.
• Oix zuqc baengh fim nyei zoux, maaih hnyouv oix korv-lienh mienh, * Fai “ziepc zuoqv nyei hnamv Tin-Hungh yaac hnamv mienh”.
• nyiemc ganh zoux faix, gan jienv meih nyei Tin-Hungh mingh.
• ⁹ Ziouv nyei qiex heuc jienv zunh mbuox naaiv norm zingh.
• Cong-mengh mienh oix zuqc taaih meih nyei mengh.
• “O yiem zingh gapv zunv nyei zuangx mienh aah! Muangx maah!
• ¹⁰ Yie maiv haih la'kuqv yiem orqv mienh nyei biauv
• longc hnyouv maiv zingx pienx daaih nyei ga'naaiv.
• Ninh mbuo longc ga'naaiv-hlaau pienx mienh, yie yaac nzorng haic. * Ziux Hipv^lu waac naaiv yiemc se maiv nangc mengh.
• ¹¹ Se gorngv mienh longc waengc mienh nyei nziangx
• caux kuei mienh nyei nziangx-dorh,
• yie haih guangc nqoi bun ninh fai?
• ¹² Yiem zingh gu'nyuoz meih mbuo nyei butv-zoih mienh za'gengh! doqc haic,
• yiem zingh nyei mienh kungx gorngv-baeqc nduov mienh hnangv.
• ¹³ Weic naaiv yie jiez gorn mborqv meih mbuo,
• oix bun meih mbuo zuqc baaic waaic nzengc laaix meih mbuo nyei zuiz.
• ¹⁴ Meih mbuo duqv nyanc mv baac nyanc maiv beuv,
• ga'sie-mbuoqc corc kungx nyei.
• Meih mbuo siou mv baac njoux maiv duqv,
• dongh meih mbuo siou daaih nyei yie bun mborqv jaax nyei jauv mietc nzengc. * Faan zaqc Hipv^lu waac gorngv “yie oix jiu bun nzuqc ndaauv”.
• ¹⁵ Meih mbuo duqv zuangx mv baac maiv duqv siou.
• Meih mbuo duqv zaax ga'lanv biouv
• mv baac maiv duqv longc ga'lanv youh nzaatv ganh nyei sin.
• Meih mbuo duqv a'ngunc biouv mv baac maiv duqv hopv a'ngunc diuv,
• ¹⁶ meih mbuo zuotc Omli Hungh orqv nyei leiz,
• caux ninh nyei dorn, Aa^hapc Hungh, nyei zeiv-fun zoux nyei yietc zungv. * 1 Hungh Douh 16:23-34 ; 21:25-26
• Meih mbuo ei jienv ninh mbuo nyei za'eix zoux.
• Weic naaiv yie oix bun meih mbuo zuqc baaic huaang nzengc,
• yie oix bun meih mbuo zuqc mienh jatv.
• Meih mbuo oix zuqc diev maanc fingx mienh huotv meih mbuo.”