Yopv Dau

Yopv Gorngv Ninh
Nzaeng Maiv Hingh Tin-Hungh

¹ Yopv ziouc dau,

• ² “Yie za'gengh hiuv duqv se hnangv naaic.
• Mv baac mienh hnangv haaix nor haih yiem Tin-Hungh nyei nza'hmien
• benx zoux duqv horpc nyei mienh? * Yopv 4:17
• ³ Se gorngv haaix dauh maaih hnyouv oix caux ninh nzaeng,
• ninh gorngv yietc cin nzunc, mienh yaac maiv haih dau yietc nzunc.
• ⁴ Tin-Hungh nyei hnyouv maaih cong-mengh,
• ninh nyei qaqv yaac henv.
• Haaix dauh haih ngaengc Tin-Hungh yaac ngaengc duqv hingh?

Yopv Nyiemc Tin-Hungh Se Henv Haic

• ⁵ “Ninh qiex jiez wuov zanc, ninh zorqv mbong mbienv nzuonx daaih.
• Ninh suiv mbong, mbong zungv maiv hiuv.
• ⁶ Tin-Hungh nqamv baamh gen dongz cuotv ninh nyei dorngx,
• ndau nyei ndiouh yaac dongz nzengc.
• ⁷ Ninh hatc mba'hnoi, mba'hnoi ziouc maiv cuotv,
• ninh aengx buang jienv zuangx hleix.
• ⁸ Ninh ganh nduqc dauh corng lungh,
• yaac caaiv koiv nyei wuom-laangc. * Fai koiv nyei jung-hungh. Hipv^lu waac se maiv nangc mengh.
• ⁹ Ninh zeix Ba'dauv Hleix caux Siec Muoz-Sieqv Hleix,
• Faam-Cing Hleix caux naamh bung nyei hleix. * Yopv 38:31 ; Aamotv 5:8
• ¹⁰ Ninh zoux hlo haic nyei sic jiex ndaangc yie mbuo haih mengh baeqc,
• zoux mbuoqc horngh nyei sic zungv saauv maiv hingh.
• ¹¹ Tin-Hungh yangh yie nyei ga'hlen jiex, yie yaac mangc maiv buatc.
• Ninh yangh nza'hmien maengx jiex, yie yaac maiv hiuv.
• ¹² Ninh zorqv ninh oix longc nyei,
• maiv maaih haaix dauh haih laanh ninh.
• Haaix dauh gaamv naaic ninh,
• ‘Meih zoux haaix nyungc?’
• ¹³ Tin-Hungh maiv bun ninh nyei ga'qiex fiu,
• ninh bun tengx Laa^hapc * Ei gouv-nyinh waac Laa^hapc se yiem koiv nyei yietc nyungc hieh ga'naaiv yaac beiv taux zoux orqv zoux lunc nyei qaqv. Beiv mangc Yopv 26:12 . wuov deix zuqc yiem ninh nyei zaux-ndiev.

Yopv Ndongc Haaix Oix Bun Tin-Hungh Hiuv Duqv Ninh Maiv Dorngc

• ¹⁴ “Wuov nyungc yie hnangv haaix nor haih dau ninh?
• Yie hnangv haaix nor haih ginv waac caux ninh luonx?
• ¹⁵ Maiv gunv yie maiv zoux dorngc,
• yie yaac maiv haih dau ninh.
• Yie oix zuqc tov siemv yie wuov dauh * Maaih deix sou faan daaih gorngv gox yie wuov dauh. Naaiv gorngv zuqc Tin-Hungh, dongh liemh gox, liemh siemv wuov dauh. korv-lienh yie.
• ¹⁶ Se gorngv yie heuc ninh, ninh yaac dau yie,
• yie zungv maiv sienx ninh muangx yie nyei qiex.
• ¹⁷ Ninh longc domh nziaaux buonc mborqv yie,
• bun yie zuqc mun nyei dorngx camv jienv faaux yaac maiv maaih gorn-baengx.
• ¹⁸ Ninh zungv maiv bun yie tauv qiex,
• daaux nzuonx bun yie nyei maengc kouv taux ndiev.
• ¹⁹ Se gorngv saaix qaqv, mangc maah! Ninh ndongc haaix henv!
• Se gorngv weic siemv zuiz nyei jauv, haaix dauh haih heuc ninh * ninh beiv mangc Gikc waac. Hipv^lu waac gorngv yie. daaih?
• ²⁰ Maiv gunv yie maiv dorngc, yie ganh nyei nzuih oix dingc yie maaih zuiz.
• Maiv gunv yie maiv maaih dorngx nqemh, ninh oix bun cing yie dorngc.
• ²¹ “Yie maiv maaih dorngx nqemh, mv baac yie maiv gunv ganh aqv.
• Yie youx haic yie nyei maengc.
• ²² Yietc zungv fih hnangv nzengc. Weic naaiv yie gorngv,
• maiv gunv maiv maaih dorngx nqemh nyei mienh
• caux orqv mienh, ninh mietc nzengc mi'aqv.
• ²³ Mienh zuqc zeqc naanc liemh zeih daic,
• Tin-Hungh jatv maiv zoux dorngc nyei mienh buangh nyei zeqc naanc.
• ²⁴ Tin-Hungh zorqv baamh gen jiu bun yiem orqv mienh nyei buoz-ndiev.
• Ninh buang jienv baamh gen siemv zuiz mienh nyei hmien.
• Se gorngv maiv zeiz ninh, benx haaix dauh?

Yopv Zieqv Duqv Maiv Maaih
Mbu'ndongx Mienh Tengx Ninh
Caux Tin-Hungh Gorngv

• ²⁵ “Yie nyei hnoi-nyieqc jiex siepv hnangv saaix tiux nyei mienh tiux nor.
• Yie nyei hnoi liemh zeih jiex mi'aqv, yaac maiv buatc haaix nyungc longx.
• ²⁶ Yie nyei hnoi jiex siepv hnangv siepv haic nyei nzangv nor, * Hipv^lu waac gorngv “hnangv longc cie-doix yienh miev zoux daaih nyei nzangv-dorn.” Naaiv nyungc nzangv faix nyei, mingh duqv siepv haic.
• hnangv domh jaangv njiec siepv zorqv ga'naaiv nyanc.
• ²⁷ Se gorngv yie gorngv, ‘Yie oix la'kuqv yie ngopv nyei sic,
• yie oix guangc nqoi hmien nzauh nyei jauv, zoux njien-youh aqv,’
• ²⁸ yie ziouc gamh nziex yie nyei yietc zungv kouv naanc,
• weic zuqc yie hiuv duqv meih maiv funx yie maiv maaih dorngc nyei dorngx.
• ²⁹ Yie zungv zuqc dingc zuiz.
• Wuov nyungc yie weic haaix diuc baeqc baeqc zoux kouv?
• ³⁰ Se gorngv yie longc sorng nzaaux sin,
• longc nzie nyei wuom nzaaux buoz,
• ³¹ mv baac meih zoi yie ndortv kuotv,
• liemh yie nyei lui-houx oix youx yie.
• ³² “Tin-Hungh maiv zeiz baamh mienh hnangv yie nor,
• yie ziouc maiv haih caux ninh zoux sic.
• ³³ Feix duqv maaih * Fai maiv maaih haaix dauh. dauh yiem yie mbuo mbu'ndongx tengx muangx,
• yaac haih tengx yie mbuo i bung dunx sic. * Hipv^lu waac gorngv maan jienv yie mbuo.
• ³⁴ Tov Tin-Hungh zorqv nqoi ninh nyei biaav maiv mborqv yie,
• yaac tov maiv dungx zoux gamh nziex nyei sic haeqv yie.
• ³⁵ Wuov nyungc yie ziouc gorngv waac yaac maiv gamh nziex ninh,
• weic zuqc yie hiuv duqv yie nyei hnyouv maiv hnangv naaic.