Yopv Gorngv Yiem Lungh Ndiev
Kungx Zuqc Kouv

• ¹ “Baamh mienh yiem lungh ndiev kungx zuqc zoux kouv, * Naaiv joux Hipv^lu waac nyei eix leiz se baeng-guanh, yaac beiv zuqc aapv zoux baeng nor.
• ninh nyei hnoi-nyieqc hnangv zuqc maaic gong nyei mienh,
• ² hnangv nouh za'gengh oix lorz dorngx bingx laangh,
• hnangv maaic gong nyei mienh zuov ninh nyei gong-zinh.
• ³ Fih hnangv nyei, yie hlaax jiex hlaax ziangh jienv maiv lamh longc,
• yaac muonz jiex muonz zuqc diev kouv.
• ⁴ Yie bueix njiec nyei ziangh hoc, yie gorngv, ‘Yie taux haaix zanc cingx duqv jiez sin?’
• Mv baac lungh muonz zanc ndaauv haic.
• Yie kungx mbienv mingh mbienv daaih, noic maiv duqv lungh njang.
• ⁵ Yie nyei sin butv gaeng buangv nzengc, nie-mbung yaac dorngx lui zuqv.
• Yie nyei ndopv butv faang, aengx nzaeqv, butv nongc.
• ⁶ “Yie nyei hnoi-nyieqc gauh siepv nzenc suix ndatv ndie nyei biaav,
• taux setv mueiz yaac maiv lamh hnamv dorngx aqv.
• ⁷ O Tin-Hungh aac, tov jangx jienv oc,
• yie nyei maengc se hnangv tauv yietc nzunc qiex.
• Yie nyei m'zing maiv duqv aengx buatc longx nyei jauv.
• ⁸ Ih zanc mangc jienv yie wuov dauh nyei m'zing maiv duqv aengx buatc yie.
• Meih oix lorz yie, mv baac yie maiv yiem aqv.

Yopv Oix Tin-Hungh Bungx Nqoi Ninh

• ⁹ “Hnangv mbuonx nzaanx mitc nzengc,
• mienh njiec yiemh gen maiv haih aengx faaux daaih.
• ¹⁰ Ninh maiv aengx nzuonx ganh nyei biauv.
• Ninh yiem nyei dorngx nyei mienh yaac la'kuqv ninh mi'aqv.
• ¹¹ “Weic naaiv yie ziouc maiv nqapc yie nyei nzuih,
• yie nyei hnyouv mun jienv
  oix gorngv aqv.
• Yie hnyouv kouv haic
  ziouc oix zuqc gorngv.
• ¹² Yie zoux koiv fai koiv nyei domh mbiauz
• meih cingx oix zuqc bun mienh zuov jienv yie?
• ¹³ Yie gorngv, ‘Yie nyei coux haih tengx yie kuh yiem.
• Yie bueix nyei dorngx haih jaiv deix yie nyei kouv naanc.’
• ¹⁴ Mv baac meih bun yie mbeix buatc haeqv yie,
• longc hinc yaangh nyei sic
  bun yie gamh nziex haic.
• ¹⁵ Weic naaiv yie oix ginv goh jaang daic
• gauh longx yiem jienv yie naaiv norm sin. * Faan zaqc gorngv “...gauh longx yiem naaiv deix mbungv”.
• ¹⁶ Yie youx yie nyei maengc, maiv oix yietc liuz ziangh.
• Bungx yie, sueih yie ganh yiem,
• weic zuqc yie nyei hnoi-nyieqc kungx hnangv tauv yietc nzunc qiex.

Yopv Ngopv Tin-Hungh
Zanc-Zanc Mangc Jienv

• ¹⁷ “Baamh mienh benx haaix nyungc meih cingx funx longc jienv
• yaac hietv hnyouv ninh? * Singx Nzung 8:4 ; 144:3
• ¹⁸ Meih ndorm-ndorm mingh zaah mangc ninh,
• mouz buon ziangh hoc yaac kauv ninh.
• ¹⁹ Aengx ndongc haaix lauh meih cingx huin ganh bung maiv mangc yie,
• fai bungx yie ganh yiem taux haih duqv naqv aax yie nyei wuom-nzuih?
• ²⁰ Mangc mienh nyei Tin-Hungh aah?
• Se gorngv yie baamz zuiz yie hnangv haaix nor hoic zuqc meih?
• Meih weic haaix diuc zorqv yie dorngx meih nyei forng-cang nyei mbaeqc?
• Yie weic haaix diuc benx meih oix zuqc ndaam hniev nyei ga'naaiv?
• ²¹ Meih weic haaix diuc maiv guangc yie dorngc nyei dorngx,
• yaac zorqv nqoi yie nyei zuiz?
• Weic zuqc maiv lauh yie oix bueix nie-mbung gu'nyuoz.
• Meih oix lorz yie mv baac yie maiv yiem aqv.”