Yopv Dau E^li^fatv

Yopv Nyei Naanc Zingh Siem Haic

¹ Yopv ziouc dau,

• ² “Feix duqv haih zorqv yie nzauh faanh nyei jauv daaih nziang,
• yie nyei yietc zungv kouv naanc an jienv tin-baengh nziangx,
• ³ zungv gauh hniev koiv nyei saa-ziou.
• Weic naaiv yie nyei waac beqv nyei,
• ⁴ weic zuqc Nernh Jiex Wuov Dauh nyei forng-cang yiem yie nyei sin,
• forng-cang nyei ndie-doqc biaux gormx sin, * Faan zaqc Hipv^lu waac gorngv “yie nyei lingh wuonh hopv forng-cang nyei ndie-doqc”.
• yie zuqc Tin-Hungh longc nyungc-nyungc haeqv yie.
• ⁵ Hieh lorh maaih miev nyanc,
  ninh heuc nyei fai?
• Ngongh maaih mbiauh nqaauv nyanc, ninh heuc nyei fai?
• ⁶ Maiv maaih mueix nyei ga'naaiv maiv an nzauv haih nyanc duqv nyei fai?
• Jaux-orv * Naaiv joux Hipv^lu waac se maiv nangc mengh. maaih haaix nyungc mueix doc fai?
• ⁷ Weic yie naaiv se gamh nziev nyei ga'naaiv,
• yie nyei hnyouv siouc maiv duqv.

Yopv Maiv Lamh Hnamv Dorngx

• ⁸ “Feix duqv ziux yie tov nyei yie gengh haih duqv,
• Tin-Hungh yaac oix ceix bun dongh yie oix duqv nyei.
• ⁹ Feix duqv Tin-Hungh hlienx yie huv muonc,
• sung ninh nyei buoz pai yie guangc.
• ¹⁰ Hnangv naaic zoux haih orn yie nyei hnyouv,
• maiv gunv yie nyei baengc siem yie zungv njien-youh nyei tiux, * Naaiv joux Hipv^lu waac se maiv nangc mengh.
• weic zuqc yie maiv ngaengc Cing-Nzengc Wuov Dauh nyei waac.
• ¹¹ “Yie maaih haaix nyungc qaqv
  bun yie corc haih zuov jienv?
• Yie nyei setv mueiz hnangv haaix nor, yie cingx daaih oix zuqc maaih noic diev?
• ¹² Yie nyei qaqv se la'bieiv nyei qaqv fai?
• Yie nyei orv sin benx dongh siqv fai?
• ¹³ Yie ganh zungv maiv maaih qaqv tengx yie ganh aqv.
• Yie yaac jomc za'eix mi'aqv.

Yopv Ngopv Loz-Gaeng Doic Nduov Ninh

• ¹⁴ “Haaix dauh duqv-eix maiv zoux longx bun ninh nyei loz-gaeng doic,
• wuov dauh guangc, maiv taaih Nernh Jiex nyei Tin-Hungh. * Da'yietv liouz nyei Hipv^lu waac se maiv mengh. Maaih deix sou faan daaih gorngv “Mienh kouv qiemx zuqc loz-gaeng doic zoux longx bun ninh, maiv gunv ninh guangc, maiv taaih Nernh Jiex nyei Tin-Hungh”.
• ¹⁵ Yie nyei gorx-youz nduov yie hnangv wuom-seix,
• aengx hnangv ndoqv-zuonx haih nqaai nzengc. * Maaih deix loz-hnoi sou faan daaih gorngv “hnangv ndoqv nyei wuom buangv kamx mienz cuotv”.
• ¹⁶ Ndoqv gitv sorng ziouc hmuangx,
• sorng yaac ndui gu'nguaaic torngv jienv.
• ¹⁷ Yuoqv nyei ziangh hoc
  sorng yuqc mi'aqv.
• Nyutc jorm ziouc mitc nzengc, maiv yiem ninh nyei dorngx.
• ¹⁸ Gapv doic cuotv jauv nyei mienh
  leih ninh mbuo nyei jauv,
• ninh mbuo bieqc deic-bung-huaang ziouc zuqc mietc.
• ¹⁹ Yiem Temaa Deic gapv doic cuotv jauv nyei mienh lorz wuom,
• Qe^mbaa nyei jiex jauv saeng-eix mienh maaih lamh hnamv.
• ²⁰ Ninh mbuo maaih lamh hnamv haih duqv mv baac maiv duqv aqv.
• Mingh taux wuov ninh mbuo ziouc hnyouv lunc nzengc.
• ²¹ Ih zanc meih mbuo weic yie se hnangv naaic aqv.
• Meih mbuo buatc yie zuqc kouv nyei sic ziouc haeqv meih mbuo gamh nziex.
• ²² Yie gorngv jiex ‘Tov meih mbuo bun zingh nyeic yie’?
• Fai ‘Longc meih mbuo nyei zinh zoih nzuiz nyaanh hmuangx bun yie’?
• ²³ Fai yie gorngv jiex ‘Njoux yie biaux ndutv yie nyei win-wangv nyei buoz-ndiev’?
• Fai ‘Zuoqc yie yiem zeix mienh nyei mienh nyei buoz-ndiev cuotv daaih’?

Yopv Gorngv Ninh Maiv Zoux Dorngc

• ²⁴ “Njaaux yie maah! Yie ziouc maiv ko lo.
• Tov bun yie bieqc hnyouv yie hnangv haaix nor zoux dorngc.
• ²⁵ Zingx nyei waac maaih hatc maaz hlo,
• meih mbuo gorngv-hemx mv baac gorngv-hemx haaix nyungc?
• ²⁶ Maiv lamh hnamv nyei mienh gorngv nyei waac se hnangv nziaaux nor,
• wuov nyungc meih mbuo weic haaix diuc oix dau wuov deix waac?
• ²⁷ Meih mbuo zungv dingc maengc mangc weic duqv guh hanh fu'jueiv,
• yaac maaic ganh nyei loz-gaeng doic weic duqv nyaanh.
• ²⁸ “Ih zanc tov meih mbuo mangc yie,
• yie maiv dorng jienv meih mbuo gorngv-baeqc.
• ²⁹ Tov meih mbuo aengx hnamv nzunc. Maiv dungx zoux maiv baengh fim.
• Ih zanc tov aengx hnamv nzunc. Oix zuqc bun cing yie zoux duqv zingx nyei.
• ³⁰ Yie gorngv nyei waac * Faan zaqc Hipv^lu waac gorngv yie nyei mbietc. maaih haaix nyungc dorngc fai?
• Meih mbuo hnamv daaih yie maiv haih seix maiv cuotv zeqc naanc? * Fai “bun nqoi haaix nyungc longx haaix nyungc ciouv?”