Yopv Ngaengc Jienv Gorngv
Ninh Maiv Dorngc

¹ Yopv aengx borqv jienv gorngv ninh nyei jauv-louc. Ninh gorngv,

• ² “Yie ziangv jienv yietc liuz ziangh nyei Tin-Hungh,
• dongh maiv bun yie duqv baengh fim nyei leiz,
• se ziangv jienv Nernh Jiex nyei Tin-Hungh,
• dongh bun yie hnyouv mun wuov dauh, houv waac,
• ³ da'faanh yie corc maaih qiex tauv,
• yaac maaih Tin-Hungh nyei qiex yiem yie nyei mba'zorng,
• ⁴ yie nyei nzuih meix zungv maiv gorngv jaav nyei waac,
• yie nyei mbietc yietc liuz maiv gorngv-baeqc.
• ⁵ Yie ndongc haaix zungv maiv gorngv meih mbuo horpc,
• taux yie daic yie corc ngaengc jienv gorngv yie maiv zoux dorngc.
• ⁶ Yie ngaengc jienv gorngv yie zoux duqv horpc, maiv bungx guangc.
• Da'faanh yie yiem seix zaangc nyei hnoi-nyieqc, yie nyei hnyouv maiv nqemh yie ganh.

Yopv Tov Tin-Hungh Dingc
Caux Yopv Doix-Dekc
Wuov Deix Mienh Nyei Zuiz

• ⁷ “Tov bun yie nyei win-wangv hnangv orqv mienh nor,
• yaac bun caux yie doix-dekc wuov deix hnangv maiv baengh fim nyei mienh.
• ⁸ Maiv taaih Tin-Hungh nyei mienh zuqc Tin-Hungh pai guangc,
• se zorqv ninh nyei maengc nyei ziangh hoc,
• ninh maaih haaix nyungc maaih lamh hnamv?
• ⁹ Ninh zuqc zeqc naanc nyei ziangh hoc,
• Tin-Hungh oix muangx ninh tov nyei waac fai?
• ¹⁰ Ninh ziouc a'hneiv Nernh Jiex Wuov Dauh fai?
• Ninh oix zanc-zanc heuc Tin-Hungh fai?

Yopv Haiz Oix Njaaux
Caux Ninh Doix-Dekc Wuov Deix

• ¹¹ “Yie oix njaaux meih mbuo hiuv duqv Tin-Hungh nyei qaqv ndongc haaix hlo, * Hipv^lu waac gorngv “hiuv taux Tin-Hungh nyei buoz”.
• Nernh Jiex Wuov Dauh nyei za'eix yie yaac maiv bingx.
• ¹² Naaiv meih mbuo yietc zungv buatc jiex.
• Wuov nyungc meih mbuo weic haaix diuc gorngv cuotv maiv lamh longc nyei waac?

Tin-Hungh Hnangv Haaix Nor
Dingc Orqv Mienh Nyei Zuiz

• ¹³ “Naaiv se Tin-Hungh bun orqv mienh duqv nyei buonc,
• se Nernh Jiex Wuov Dauh bun zeix mienh wuov deix nzipc nyei buonc. * Maaih deix funx Yopv 27:13-15 nyei waac se Sofaa gorngv nyei waac.
• ¹⁴ Maiv gunv ninh nyei fu'jueiv hiaangx camv, se weic bun zuqc nzuqc ndaauv daix.
• Ninh nyei fun-faqv yaac yietc liuz maiv duqv nyanc beuv.
• ¹⁵ Ninh zengc njiec nyei mienh zungv zuqc wuon-baengc daic,
• ninh mbuo nyei auv-guaav yaac maiv nyiemv.
• ¹⁶ Maiv gunv orqv mienh zornc nyaanh ndui jienv hnangv nie-mbung,
• maaih lui-houx camv zungv zuqv maiv hingh, * Hipv^lu waac gorngv “ndui jienv hnangv ba'naih nie”.
• ¹⁷ maiv gunv ninh ndui jienv, mv baac kuv mienh duqv zuqv,
• maiv zoux dorngc nyei mienh duqv bun nqoi ninh nyei nyaanh.
• ¹⁸ Orqv mienh zoux biauv hnangv gaeng-nyorc mbiorngz, * Hipv^lu waac gorngv baeqc yieqc nyei kuqv fai norqc lauz.
• hnangv siouv gaeng mienh zoux nyei liuh.
• ¹⁹ Ninh bueix njiec nyei ziangh hoc ninh butv zoih nyei, mv baac jiex mingh maiv duqv hnangv naaic, * Hipv^lu waac gorngv maiv duqv siou.
• ninh nungx nqoi m'zing, maiv buatc nzengc ninh nyei zinh zoih mi'aqv.
• ²⁰ Ninh zuqc gamh nziex haic nyei sic hnangv wuom yiemx nor.
• Lungh muonz zanc nziaaux-zunc hlorv ninh mingh mi'aqv.
• ²¹ Dong bung nyei nziaaux hlorv ninh mingh, ninh ziouc mingh mi'aqv.
• Nziaaux guaatv ninh mingh leih nqoi ninh nyei dorngx.
• ²² Nziaaux * Hipv^lu waac gorngv ninh. zorqv ninh zoi mingh yaac maiv korv-lienh.
• Ninh njiec qaqv biaux nziaaux * Fai ninh nyei buoz. nyei qaqv.
• ²³ Mienh * Hipv^lu waac gorngv ninh. Maaih deix faan daaih gorngv nziaaux. mbaix buoz haav-haav nyei jatv,
• zunc ninh cuotv ninh nyei loz-dorngx.