Baatc^he Zorqv Ye^le^mi
1 Imme nyei dorn, Baatc^he sai mienh, zoux bieiv gunv zaangc Ziouv
nyei biauv. Ninh haiz Ye^le^mi douc waac gorngv naaiv deix sic.
2 Baatc^he ziouc mborqv douc waac mienh,
Ye^le^mi, aengx yiem zaangc Ziouv
nyei biauv wuov jiex bung Mben^yaa^min Gaengh nyei gapc buoz-zaux ga'naaiv gapc jienv ninh.
3 Da'nyeic hnoi, Baatc^he bungx Ye^le^mi cuotv gapc buoz-zaux nyei ga'naaiv wuov zanc, Ye^le^mi gorngv mbuox ninh, “Ziouv
maiv zeiz heuc meih nyei mbuox zoux Baatc^he. Ninh heuc meih zoux Maago Mitv^saa^mbipc.
4 Weic zuqc Ziouv
hnangv naaiv gorngv, “Yie zungv oix bun meih haeqv meih ganh gamh nziex, aengx haeqv meih nyei yietc zungv loz-gaeng doic gamh nziex. Meih mangc jienv nyei ziangh hoc, ninh mbuo yiem win-wangv nyei nza'hmien zuqc nzuqc ndaauv daix. Yie yaac oix zorqv Yu^ndaa nyei zuangx mienh jiu bun Mbaa^mbi^lon nyei hungh. Ninh yaac oix zorqv ninh mbuo guaatv mingh taux Mbaa^mbi^lon, yiem wuov longc nzuqc ndaauv daix ninh mbuo.
5 Maiv daan mbuoqc naaiv. Yie oix zorqv yiem naaiv norm zingh nyei yietc zungv zinh zoih, yietc zungv zornc daaih nyei ga'naaiv, caux Yu^ndaa hungh yietc zungv jaaix nyei ga'naaiv, jiu bun yiem ninh mbuo nyei win-wangv nyei buoz luv, oix zorqv aengx bienh mingh Mbaa^mbi^lon.
6 Baatc^he aah! Meih aeqv, caux yietc zungv yiem meih nyei biauv nyei mienh oix zuqc guaatv mingh. Meih ziouc mingh Mbaa^mbi^lon. Meih zungv oix zuqc yiem wuov daic aengx zangx jienv wuov, se meih caux meih nyei zuangx loz-gaeng doic, dongh meih douc jaav waac bun wuov deix.”
Ye^le^mi Ngopv
-
7 Ziouv
aac, meih nduov yie, yie yaac zuqc nduov aqv.
- Meih maaih qaqv gauh henv yie ziouc hingh yie.
- Yie ziangh hnoi zuqc mienh jatv yie,
- dauh dauh huotv yie.
-
8 Weic zuqc yie haaix zanc gorngv, yie heuc cuotv.
- Yie heuc jienv gorngv, “Zuqc heiv sic, baaic waaic aqv loh!”
- Weic zuqc Ziouv
nyei waac ziangh hnoi
- bun yie zuqc mienh gorngv doqc, zuqc mienh huotv.
-
9 Se gorngv yie maiv aengx gorngv, “Yie maiv gorngv taux ninh,
- fai aengx dengv ninh nyei mbuox gorngv,”
- ninh nyei waac yiem yie nyei hnyouv hnangv douz buov nor,
- yaac zotv jienv yie nyei mbungv gu'nyuoz.
- Yie nyienz jienv haiz kouv haic,
- nyienz maiv duqv aqv.
-
10 Weic zuqc yie haiz mienh camv nyei waac-sapv gorngv,
- “Gamh nziex haic nyei sic yiem weih gormx.”
- Yie zuoqc haic nyei yietc zungv loz-gaeng doic gorngv,
- “Gox ninh maah! Mbuo lomh nzoih gox ninh aqv.”
- Ninh mbuo yaac zuov jienv yie zoux dorngc.
- Ninh mbuo gorngv, “Nziex ninh haih zuqc nduov,
- yie mbuo ziouc haih hingh ninh,
- aengx jaauv win bun ninh.”
-
11 Mv baac Ziouv
caux yie yiem
- hnangv mborqv jaax henv nyei baeng nor.”
- Zoux doqc yie wuov deix ziouc ndiqv zuqc ndorpc.
- Ninh mbuo maiv haih hingh yie.
- Ninh mbuo zungv zuqc baaic hmien camv nyei,
- weic zuqc ninh mbuo zoux maiv cuotv.
- Ninh mbuo zuqc baaic hmien,
- mienh yietc liuz maiv la'kuqv.
-
12 Nernh Jiex nyei Ziouv
aah!
- Meih seix kuv mienh,
- yaac mangc mienh nyei hnyouv caux hnamv nyei sic.
- Tov bun yie buatc meih jaauv win bun ninh mbuo,
- weic zuqc yie zorqv yie nyei sic jiu bun meih mi'aqv.
-
13 Oix zuqc baaux nzung bun Ziouv,
- oix zuqc ceng Ziouv,
- weic zuqc ninh njoux dangx-donx mienh nyei maengc,
- biaux ndutv orqv mienh nyei buoz-ndiev.
-
14 Tov bun yie cuotv seix wuov hnoi zuqc zioux aqv.
- Tov maiv dungx bun yie nyei maa yungz yie daaih wuov hnoi duqv fuqv.
-
15 Tov bun dorh fienx daaih mbuox yie nyei die,
- “Meih duqv dauh dorn daaih aqv,”
- bun yie nyei die a'hneiv wuov dauh mienh zuqc zioux aqv.
-
16 Tov bun wuov dauh mienh
- hnangv Ziouv
baaic waaic wuov deix zingh,
- maiv duqv korv-lienh.
- Tov bun ninh lungh ndorm muangx haiz nzauh nyiemv nyei qiex,
- lungh aanx haiz mborqv jaax nyei qiex mbui.
-
17 Weic zuqc yie yiem maa nyei ga'sie wuov zanc ninh maiv daix yie,
- bun yie nyei maa benx zangx yie nyei zouv,
- ninh nyei ga'sie yietc liuz hlo.
-
18 Yie weic haaix diuc cuotv seix daaih?
- Weic buatc laauh luic, nzauh kouv,
- bun zuqc nyaiv nyei jauv
- nyanc nzengc yie nyei hnoi-nyieqc.
