Njoux En Nyei Kuv Fienx
Daaih Taux Si^on

• ¹ Ziouv Tin-Hungh nyei Singx Lingh caux yie yiem,
• weic zuqc Ziouv longc youh orn * Fai ginv. yie daaih
• zunh kuv fienx mbuox mienh jomc mienh.
• Ninh paaiv yie daaih zorc hnyouv mun nyei mienh longx,
• zunh mbuox zuqc caangv nyei mienh ninh mbuo oix duqv bungx nqoi,
• zuqc wuonx nyei mienh yaac oix duqv cuotv loh, * Matv^taai 11:5 ; Lugaa 4:18-19 ; 7:22
• ² aengx zunh gorngv, Ziouv ceix en nyei hnyangx-daauh taux aqv,
• yie mbuo nyei Tin-Hungh jaauv win nyei hnoi-nyieqc taux.
• Ninh paaiv yie orn yietc zungv nzauh nyiemv nyei mienh nyei hnyouv, * Matv^taai 5:4
• ³ bun yiem Si^on nzauh nyiemv nyei mienh
• maaih njien-youh a'hneiv div saaiv, * Faan zaqc Hipv^lu waac gorngv “ndongx norm nzueic nyei ningv div saaiv.”
• yaac maaih ceng nyei nzung div hnyouv nzauh. * Faan zaqc Hipv^lu waac gorngv “duqv ceng nyei lui div hnyouv nzauh kouv”.
• Mienh oix heuc ninh mbuo hnangv zoux horpc nyei ndiangx,
• dongh Ziouv ganh zuangx daaih weic biux mengh ninh nyei njang-laangc.
• ⁴ Ninh mbuo oix ceix jiez loz! hnoi mbaang waaic nyei ga'naaiv,
• aengx liepc jiez zinh ndaangc guangc huaang nyei dorngx.
• Ninh mbuo oix zorc baaic waaic nyei zingh,
• se zorc ziex doic guangc huaang nyei zingh.
• ⁵ Ganh fingx mienh oix daaih goux meih mbuo nyei ba'gi yungh guanh.
• Ganh guoqv mienh oix zoux meih mbuo nyei ndeic
• yaac goux meih mbuo nyei a'ngunc huingx.
• ⁶ Mv baac mienh oix heuc meih mbuo zoux Ziouv nyei sai mienh.
• Mienh yaac oix gorngv meih mbuo zoux bou fu-sux yie mbuo nyei Tin-Hungh.
• Meih mbuo duqv nyanc camv-guoqv nyei zinh zoih.
• Weic duqv ninh mbuo nyei zinh zoih meih mbuo ziouc a'hneiv haic. * Fai bungx waac-maux.
• ⁷ Meih mbuo zuqc nyaiv,
• daaux nzuonx meih mbuo oix duqv longx i gouv.
• Meih mbuo zuqc baaic hmien,
• daaux nzuonx meih mbuo a'hneiv meih mbuo duqv nzipc nyei buonc.
• Hnangv naaic meih mbuo yiem meih mbuo nyei deic-bung
• duqv nzipc sung-gouv benx meih mbuo nyei buonc,
• yaac duqv yietc liuz njien-youh.
• ⁸ “Weic zuqc yie, Ziouv, hnamv baengh fim nyei jauv.
• Yie nzorng zoux zaqc caux zoux dorngc nyei sic.
• Yie oix ziepc zuoqv nyei winh bun yie nyei baeqc fingx,
• yaac oix caux ninh mbuo liepc jiez yietc liuz nyei ngaengc waac.
• ⁹ Yiem maanc guoqv mbu'ndongx,
• mienh ziouc zieqv duqv ninh mbuo nyei hoz doic zeiv-fun,
• yiem maanc fingx mbu'ndongx yaac zieqv duqv ninh mbuo nyei fun-faqv.
• Da'faanh buatc ninh mbuo nyei mienh
• ziouc zieqv duqv ninh mbuo se Ziouv ceix fuqv nyei baeqc fingx.”
• ¹⁰ Yie weic Ziouv za'gengh! njien-youh.
• Yie nyei hnyouv kaux yie nyei Tin-Hungh maaih orn-lorqc,
• weic zuqc ninh longc njoux en zoux lui bun yie zuqv,
• longc zoux horpc nyei jauv benx domh lui-ndaauv bun yie buix jienv,
• hnangv siang-laangh ndongx norm nzueic nyei ningv zorng jienv,
• yaac hnangv siang-mbuangz longc siou-setv zorng sin. * Laauc Yaangh 21:2
• ¹¹ Weic zuqc ndau hnangv haaix nor bun ga'naaiv cuotv,
• huingx gu'nyuoz nyei nyim hnangv haaix nor guqc nyaah, * Faan zaqc gorngv “huingx hnangv haaix nor bun nyim guqc nyaah’.
• Ziouv Tin-Hungh oix hnangv wuov nor
• bun zoux horpc nyei jauv caux ceng Tin-Hungh nyei waac
• dorng jienv maanc fingx cuotv daaih.