Si^on Nqa'haav Hingv
Oix Duqv Nyei Njang-Laangc

• ¹ “Jiez daaih, ziux jienv njang,
• weic zuqc meih nyei njang taux aqv.
• Ziouv nyei njang-laangc cuotv daaih ziux jienv meih.
• ² Mangc maah! Hmuangx oix gomv buangv lungh ndiev,
• mapv maengh nyei hmuangx gomv maanc fingx.
• Mv baac Ziouv oix ziux jienv meih,
• mienh ziouc buatc ninh nyei njang-laangc yiem meih gu'nguaaic.
• ³ Maanc guoqv mienh oix daaih lorz meih nyei njang,
• hungh diex oix daaih lorz meih lungh ndorm nziouv nyei njang.
• ⁴ “Cau meih nyei hmien mangc biei bung,
• buatc meih nyei baeqc fingx yietc zungv gapv zunv daaih meih naaiv.
• Meih nyei dorn mbuo yiem go nyei dorngx nzuonx,
• meih nyei sieqv yaac hnangv fu'jueiv nor, duqv hlorpv jienv daaih.
• ⁵ Wuov zanc meih mangc buatc ziouc a'hneiv haic,
• njien-youh gau, mba'nziu mbokc mbokc nyei,
• weic zuqc koiv bungx-zuoqc nyei huox huin daaih lorz meih,
• maanc guoqv nyei zinh zoih yaac oix daaih guei meih.
• ⁶ Lorh torh guanh, liemh Mi^ndien caux E^faa daaih nyei lorh torh lunx,
• oix buangv meih nyei deic-bung.
• Yiem Qe^mbaa nyei zuangx mienh oix daaih,
• yaac dorh jiem caux faan^gen^sen * faan^gen^sen benx yietc nyungc ndaang haic nyei ndiangx-zung. daaih
• zunh gorngv ceng Ziouv nyei waac.’
• ⁷ Ke^ndaa nyei yietc zungv ba'gi yungh guanh oix gapv zunv meih naaiv.
• Ne^mbaa^yotv nyei ba'gi yungh gouv oix fu-sux meih.
• Ninh mbuo oix faaux yie nyei ziec-dorngh,
• benx yie a'hneiv zipv fongc horc ziec nyei ga'naaiv.
• Yie oix bun yie nyei biauv
• gauh njang-laangc jiex zinh ndaangc.
• ⁸ “Ndaix daaih hnangv mbuonx
• yaac hnangv baeqc gopv nzuonx ninh nyei lauz naaiv deix se haaix dauh?
• ⁹ Zuangx koiv-nzou zungv zuov jienv yie,
• Taansitv nyei nzangv-guanh dorh jauv,
• dorh jienv meih nyei dorn mbuo yiem go nyei dorngx nzuonx,
• aengx dorh jienv ninh mbuo nyei jiem nyaanh daaih,
• weic taaih Ziouv, meih nyei Tin-Hungh nyei mbuox,
• se I^saa^laa^en nyei Cing-Nzengc Tin-Hungh,
• weic zuqc ninh bun meih maaih njang-laangc.
• ¹⁰ “Ganh fingx mienh oix ceix meih nyei zingh laatc.
• Ninh mbuo nyei hungh diex oix fu-sux meih.
• Weic zuqc yie qiex jiez meih ziouc mborqv meih,
• mv baac ih zanc yie korv-lienh meih, ceix en bun meih.
• ¹¹ Meih nyei zingh gaengh oix zanc-zanc koi nqoi,
• ziangh hnoi ziangh muonz maiv guon,
• weic bun mienh dorh maanc guoqv nyei zinh zoih daaih bun meih,
• liemh ninh mbuo nyei hungh diex yaac yienz jienv daaih. * Laauc Yaangh 21:25-26
• ¹² Weic zuqc haaix norm guoqv, haaix fingx mienh
• maiv fu-sux meih, zungv zuqc baaic waaic.
• Wuov deix norm-norm guoqv yaac oix zuqc baaic waaic nzengc.
• ¹³ “Le^mbaa^norn gauh longx jiex nyei ndiangx, * Faan zaqc Hipv^lu waac gorngv Le^mbaa^norn nyei njang-laangc. Mienh ceng
  Le^mbaa^norn nyei ndiangx se hlo haic, yaauc haic nyei ndiangx. oix taux meih naaiv,
• buo kuaaiv normh nyei zongh caux i nyungc zongh ndiangx,
• weic zorng yie nyei singx dinc nyei dorngx nzueic,
• yaac bun yie nyei zaux caaiv nyei dorngx maaih njang-laangc.
• ¹⁴ Zeix meih wuov deix mienh nyei zeiv-fun
• oix daaih yiem meih nyei nza'hmien ndoqv njiec.
• Mangc piex meih wuov deix,
• oix gueic njiec meih nyei zaux-hlen baaix.
• Ninh mbuo oix heuc meih zoux Ziouv nyei zingh,
• I^saa^laa^en nyei Cing-Nzengc Tin-Hungh nyei zingh, Si^on. * Laauc Yaangh 3:9
• ¹⁵ “Maiv gunv meih zuqc guangc zuqc nzorng,
• maiv maaih mienh jiex jauv.
• Yie oix bun meih zoux hlo, puix duqv ceng,
• doic jiex doic benx njien-youh nyei dorngx.
• ¹⁶ Maanc guoqv maanc hungh oix goux jienv meih,
• hnangv maa goux ninh nyei fu'jueiv nor. * Faan zaqc Hipv^lu waac gorngv “Meih oix hopv maanc guoqv nyei wuom-nyorx, yaac sorqv hungh diex nyei nyorx”.
• Meih ziouc hiuv duqv yie, Ziouv, dongh meih nyei Njoux Ziouv,
• Zuoqc Meih Wuov Dauh se, Yaakopv nyei Henv Haic nyei Tin-Hungh.
• ¹⁷ Yie oix dorh jiem daaih div dongh siqv,
• dorh nyaanh div hlieqv.
• Yie oix dorh dongh siqv daaih div ndiangx,
• dorh hlieqv div la'bieiv.
• Yie oix longc baengh orn weic zoux meih nyei jien,
• bun zoux horpc nyei jauv gunv meih.
• ¹⁸ Yiem naaiv mingh yiem meih nyei deic-bung
• maiv haiz ciouv nyei, doqc nyei sic.
• Yiem meih nyei gapv-jaaix gu'nyuoz
• yaac maiv haiz baaic waaic baaic huaang nyei jauv.
• Meih ziouc bun meih nyei zingh laatc maaih mbuox heuc “Njoux En,”
• yaac bun meih nyei zingh gaengh
• maaih mbuox heuc “Ceng.”
• ¹⁹ Mba'hnoi maiv aengx zoux meih lungh hnoi zanc nyei njang,
• hlaax-nyutc maiv aengx ziux meih,
• weic zuqc Ziouv oix zoux meih nyei yietc liuz nyei njang,
• meih nyei Tin-Hungh oix benx meih nyei njang-laangc. * Laauc Yaangh 21:23 ; 22:5
  
• ²⁰ Meih nyei mba'hnoi maiv muotv,
• meih nyei hlaax maiv aengx faix,
• weic zuqc Ziouv zungv oix zoux
• meih nyei yietc liuz nyei njang,
• meih zuqc nzauh nyiemv nyei hnoi-nyieqc
  yaac jiex mi'aqv.
• ²¹ Meih nyei yietc zungv baeqc fingx ziouc benx kuv mienh.
• Ninh mbuo duqv nzipc deic-bung benx ninh mbuo yietc liuz nyei buonc.
• Ninh mbuo se yie zuangx nyei cunx,
• benx yie nyei buoz zoux nyei gong
• weic biux mengh yie nyei njang-laangc.
• ²² Gauh zoqc jiex nyei mienh oix benx yietc fingx,
• gauh faix jiex nyei fingx oix benx yietc domh guoqv mienh.
• Yie se Ziouv.
• Taux ziangh hoc yie oix siepv-siepv nyei zoux naaiv deix sic.”