Mbaa^mbi^lon Nyei Miuc-Fangx

• ¹ Mben * Mben fai Maa^ndukc se Mbaa^mbi^lon Mienh zaangc benx ninh mbuo hlo jiex nyei zienh. Ziux Hipv^lu waac gorngv Mbaa^an. ndoqv njiec,
  Ne^mbo * Ne^mbo se Mben nyei dorn. Ninh zoux Mbaa^mbi^lon Mienh nyei da'nyeic dauh zienh. Ninh mbuo funx ninh gunv hoqc hiuv nyei jauv. jaaiv jutv njiec.
• Mbaa^mbi^lon nyei miuc-fangx yiem saeng-kuv caux ngongh nyei diqc daanz tor.
• Meih mbuo gaeng nyei ga'naaiv,
• bun saeng-kuv tor hniev yaac kouv.
• ² Ninh mbuo jaaiv jutv, lomh nzoih ndoqv njiec,
• maiv haih beu ganh tor nyei ga'naaiv.
• Ninh mbuo ganh zungv zuqc caangv mingh.
• ³ “O Yaakopv nyei zeiv-fun aac,
• se I^saa^laa^en nyei zeiv-fun zengc njiec nyei yietc zungv mienh,
• yiem meih mbuo cuotv seix daaih yie hlorpv jienv meih mbuo.
• Yiem maa nyei ga'sie wuov zanc yie zungv baav jienv meih mbuo.
• ⁴ Taux meih mbuo hnyangx-jeiv gox, mba'biei baeqc,
• yie, se yie Ziouv, oix baav jienv meih mbuo.
• Yie oix beu jienv yaac oix njoux meih mbuo.
• ⁵ “Meih mbuo oix zorqv yie beiv haaix dauh? Oix bun yie caux haaix dauh fih ndongc?
• Meih mbuo oix zorqv yie beiv yie caux haaix dauh fih hnangv?
• ⁶ Zorqv mbuoqc dox cuotv jiem,
• yaac longc tin-baengh dangv nziang nyaanh nyei mienh,
• cingv jiem-zaangc dox benx zienh nyei fangx,
• ninh mbuo ziouc gueic njiec baaix.
• ⁷ Ninh mbuo zorqv zienh nyei fangx an jienv mba'dauh gaeng mingh.
• Ninh mbuo orn jienv yietc norm dorngx, fangx ziouc yiem jienv wuov.
• Miuc-fangx maiv haih suiv mingh ganh norm dorngx.
• Maiv gunv maaih mienh daaih heuc jienv tov ninh,
• miuc-fangx maiv haih dau,
• yaac maiv haih njoux mienh biaux ndutv ninh nyei kouv naanc.
• ⁸ “Jangx jienv, longx-longx nyei hnamv.
• Meih mbuo zuiz-mienh oix zuqc yiem hnyouv hnamv longx.
• ⁹ Jangx jienv loz-hnoi cuotv daaih nyei sic,
• weic zuqc yie se Tin-Hungh yaac maiv maaih ganh dauh.
• Yie se Tin-Hungh. Maiv maaih ganh dauh hnangv yie.
• ¹⁰ Yiem dongh cor wuov yie gorngv setv mueiz oix cuotv daaih nyei sic,
• yaac yiem loz-hnoi gorngv maiv gaengh duqv zoux nyei sic.
• Yie nyei za'eix liepc dingc mi'aqv.
• Da'faanh yie a'hneiv zoux nyei yie zungv oix zoux ziangx.
• ¹¹ Yie oix heuc domh jaangv yiem dong bung daaih,
• se heuc dauh mienh yiem go nyei deic-bung daaih
• ei yie nyei za'eix zoux ziangx.
• Yie gorngv liuz, yie za'gengh oix bun cuotv daaih,
• yie dingc liuz nyei, yie za'gengh zoux.
• ¹² Meih mbuo hnyouv ngaengc,
• leih baengh fim jauv nyei mienh aah!
• Muangx yie maah!
• ¹³ Yie bun yie hingh jiex nyei hnoi * Fai zoux horpc nyei jauv. daaih fatv,
• zungv leih maiv go aqv.
• Yie nyei njoux en yaac maiv ngaih.
• Yie oix bun Si^on duqv njoux en,
• bun I^saa^laa^en duqv yie nyei njang-laangc.