Daux Gaux Tov Tengx

• ¹ Meih zoux mietc nyei mienh aah!
• Se ganh maiv gaengh zuqc mietc nyei mienh,
• meih oix zuqc kouv aqv.
• Zoux guv guaix sic nyei mienh,
• se ganh maiv gaengh zuqc mienh zoux guv guaix nyei sic bun nyei mienh,
• meih oix zuqc kouv aqv.
• Meih dingh njiec maiv zoux mietc nyei ziangh hoc,
• meih ganh oix zuqc mietc.
• Meih dingh njiec maiv zoux guv guaix nyei sic wuov zanc,
• mienh ziouc zoux guv guaix nyei sic bun meih.
• ² O Ziouv aac, tov korv-lienh yie mbuo.
• Yie mbuo zuov jienv meih.
• Tov ndorm-ndorm zoux yie mbuo nyei qaqv. * Hipv^lu waac gorngv buoz.
• Yie mbuo zuqc kouv nyei ziangh hoc, tov zoux yie mbuo nyei njoux en.
• ³ Haiz njunh njunh nyei qiex mbui, * Fai “meih nyei qiex hnangv mba'ong mbui nor”.
• maanc fingx mienh ziouc biaux.
• Meih jiez daaih wuov zanc,
• maanc guoqv mienh nzaanx nzengc.
• ⁴ Ninh mbuo nyei ga'naaiv zuqc mienh caangv mingh,
• hnangv jopv-nyeic lunx nyanc nzengc,
• mienh ndutc ndutc nyei zorqv hnangv guanh jopv-nyeic nzopc buangv nor.
• ⁵ Ziouv duqv mienh taaih weic zuqc ninh yiem hlang nyei dorngx,
• ninh bun baengh fim * Fai “ninh oix bun baengh fim”. caux zoux horpc nyei jauv buangv Si^on.
• ⁶ Yiem meih nyei seix zeiv ninh oix liepc gorn-ndoqv wuonv,
• maaih bungx-zuoqc nyei njoux en caux cong-mengh caux wuonh zaang.
• Ninh taaih Ziouv benx ninh jaaix haic nyei zinh zoih.
• ⁷ Mangc maah! Ninh mbuo henv haic nyei baeng yiem jaai-horngc qaqv nyiemv mbui nyei.
• Liepc taaix-baengh nyei gong-zoh nyiemv duqv hnyouv mun nyei.
• ⁸ Domh jauv huaang-huaang wuov,
• jiex mingh jiex daaih nyei mienh maiv yangh.
• Liepc jiez nyei ngaengc waac ndortv mi'aqv,
• mienh mangc piex zorng-zengx mienh, * Fai zingh.
• yaac maiv taaih haaix dauh.
• ⁹ Ndau huaang-huaang nzauh nzauh wuov,
• Le^mbaa^norn zuqc nyaiv yaac kou nqaai,
• Saalon hnangv deic-bung-huaang.
• Mbaasaan caux Kaanmen nyei ndiangx-normh bioh nzengc.

Ziouv Donv Ninh Nyei Win-Wangv

• ¹⁰ Ziouv gorngv, “Ih zanc yie oix jiez daaih.
• Ih zanc yie oix duqv mienh taaih.
• Ih zanc yie oix duqv mienh ceng.
• ¹¹ Meih mbuo daav nyei za'eix se hnangv mbieqv,
• meih mbuo zoux nyei jauv hnangv mbiauh nqaauv.
• Meih mbuo tauv nyei qiex * Fai yie tauv nyei qiex. se hnangv douz buov qui meih mbuo ganh.
• ¹² Maanc fingx oix zuqc buov qui hnangv hui nor,
• hnangv njimv zuqc hngaqv daaih buov douz.”
• ¹³ Meih mbuo yiem go nyei mienh aah!
• Muangx haiz yie zoux nyei sic.
• Meih mbuo yiem fatv nyei mienh aah!
• Oix zuqc nyiemc yie maaih qaqv.
• ¹⁴ Yiem Si^on nyei zuiz-mienh gamh nziex haic.
• Maiv gan Tin-Hungh nyei mienh sin zinx jienv.
• “Yiem yie mbuo mbu'ndongx, haaix dauh haih caux buov qui nyei douz yiem?
• Yiem yie mbuo mbu'ndongx, haaix dauh haih caux yietc liuz zieqc nyei douz yiem?” * Hipv^lu 12:29
• ¹⁵ Se dongh gan zoux horpc nyei jauv,
• yaac gorngv zien waac wuov dauh.
• Ninh nqemh zeix mienh weic duqv nyaanh nyei sic,
• yaac fengx buoz maiv zipv nyaanh hmuangx.
• Ninh zotv jienv m'normh maiv muangx daix mienh bun nziaamv liouc cuotv nyei waac,
• yaac njipv jienv m'zing maiv mangc orqv sic.
• ¹⁶ Ninh zungv oix yiem hlang nyei dorngx.
• Ninh ndaauh kaux nyei dorngx se wuonv haic nyei la'bieiv.
• Ninh zungv duqv laangh ziqc nyanc.
• Ninh hopv nyei wuom yaac maiv dangx.

Hoz Nqaang Nyei Njang-Laangc

• ¹⁷ Meih mbuo nyei m'zing zungv duqv buatc maaih njang-laangc nyei hungh,
• yaac duqv buatc jangv haic nyei deic-bung. * Fai “duqv buatc go nyei deic-bung”.
• ¹⁸ Meih mbuo nyei hnyouv ziouc fei-fangv
• zinh ndaangc cuotv daaih gamh nziex haic nyei sic. * Maaih deix sou kungx gorngv gamh nziex haic nyei sic. Maiv maaih zinh ndaangc cuotv daaih... Ganh ziouc naaic ganh,
• “Tengx saauv wuov dauh yiem haaix?
• Nziang nzou-zinh wuov dauh yiem haaix?
• Saauv laauh wuov dauh yiem haaix?”
• ¹⁹ Meih mbuo maiv duqv aengx buatc wuov fingx ciouv nyei mienh,
• se gorngv ndo nyei, aqc duqv bieqc hnyouv nyei waac,
• se ganh fingx gorngv ganh nyungc,
• dongh meih mbuo maiv hiuv nyei waac.
• ²⁰ Mangc Si^on Zingh maah! Se yie mbuo dingc daaih jiex zipv nyei zingh.
• Meih mbuo nyei m'zing oix duqv buatc Ye^lu^saa^lem,
• se baengh orn yiem nyei dorngx, maiv zuqc suiv nyei ndopv-liuh.
• Corng ndopv-liuh nyei dongc yietc liuz maiv baeng cuotv,
• ninh nyei yietc diuh hlaang yaac maiv dangx.
• ²¹ Yiem wuov Ziouv oix weic yie mbuo hinc ninh nyei njang-laangc, * Fai haangh daauh.
• yiem wuov maaih ndoqv maaih ndaaih jangv nyei dorngx.
• Longc zeih nzaeng nyei nzangv maiv gan wuov deix wuom,
• yaac maiv maaih nzueic nyei domh nzangv jiex.
• ²² Weic zuqc Ziouv zoux yie mbuo nyei siemv zuiz jien.
• Ziouv se jiu leiz-latc bun yie mbuo wuov dauh.
• Ziouv dongh yie mbuo nyei hungh.
• Ninh oix njoux yie mbuo.
• ²³ Meih mbuo corng nyei hlaang ndanh mi'aqv.
• Corng hlaang nyei ndiouh ziouc maiv haih wuonv.
• Ndie-mbuangh yaac corng maiv duqv jangv.
• Wuov zanc ninh mbuo ziouc bun nqoi caangv daaih nyei ga'naaiv camv nyei.
• Liemh zaux mbai nyei mienh yaac duqv caangv daaih nyei ga'naaiv.
• ²⁴ Yiem Si^on Zingh nyei mienh maiv maaih haaix dauh gorngv, “Yie butv baengc.”
• Yiem wuov nyei baeqc fingx nyei zuiz yaac duqv guangc liuz aqv.