Douc Waac Gorngv Ye^lu^saa^lem

¹ Naaiv se gorngv Hinc Yaangh nyei Horngz nyei waac.

• Meih mbuo maaih haaix nyungc sic cuotv
• meih mbuo yietc zungv cingx faaux biauv-ngorh? * Ninh mbuo nyei biauv-ngorh baengh nyei.
• ² Meih mbuo nyei mungv maaih mbui nyei qiex buangv nzengc.
• Maaih mbiouh mbiouh, nauc nyitc nyei zingh aah!
• Yiem meih mbuo mbu'ndongx zuqc daix nyei mienh,
• maiv zeiz zuqc nzuqc ndaauv daix,
• yaac maiv zeiz weic mborqv jaax daic.
• ³ Meih mbuo nyei yietc zungv jien lomh nzoih biaux,
• liemh juang-zinx maiv duqv buonv yaac zuqc zorqv mi'aqv.
• Maiv gunv biaux mingh ndongc haaix go,
• da'faanh lorz buatc nyei, meih mbuo yietc zungv zuqc zorqv mi'aqv.
• ⁴ Weic naaiv yie gorngv,
• “Maiv dungx mangc yie aqv.
• Weic yie nyei baeqc fingx * Hipv^lu waac gorngv baeqc fingx nyei sieqv. zuqc mietc,
• bun yie hnyouv mun nyei nyiemv.
• Maiv dungx guangc qaqv orn yie nyei hnyouv aqv.”
• ⁵ Weic zuqc Ziouv, Nernh Jiex nyei Tin-Hungh, maaih norm hnoi
• bun Hinc Yaangh nyei Horngz
• maaih mienh mbiouh mbiouh nyei, maaih ceux lunc nyei, maaih caaiv nyei sic.
• Zingh laatc oix zuqc mborqv mbaang,
• maaih heuc nyei qiex mbui aengv taux mbong.
• ⁶ Elaam dorh jienv forng-ndongh,
• aengx maaih mborqv jaax nyei maaz-cie caux geh maaz baeng.
• Ki^aa zorqv cuotv torngv-baaih.
• ⁷ Meih mbuo gauh longx jiex nyei horngz maaih mborqv jaax nyei maaz-cie buangv nzengc.
• Geh maaz baeng yaac mingh yiem jienv zingh gaengh ndaangc.
• ⁸ Tin-Hungh zorqv nqoi torngv
  Yu^ndaa nyei ga'naaiv.
• Taux wuov hnoi meih mbuo ziouc yiem maaih mbuox heuc Gemh wuov norm Biauv,
• zorqv mborqv jaax nyei wuoqc ginc cuotv.
• ⁹ Meih mbuo buatc Ndaawitv nyei Zingh nyei zingh laatc tong ziex norm dorngx.
• Meih mbuo yaac siou wuom
• yiem wuov ndiev nyei wuom-domh.
• ¹⁰ Meih mbuo saauv yiem Ye^lu^saa^lem nyei biauv,
• yaac caeqv biauv weic longc zorc zingh laatc.
• ¹¹ Yiem i bung zingh laatc mbu'ndongx
  ninh mbuo zoux norm dorngx
• weic siou loz-wuom-domh nyei wuom.
• Mv baac meih mbuo maiv kaux * Fai mangc.
• zoux cuotv naaiv deix sic nyei Tin-Hungh.
• Meih mbuo maiv jangx * Fai muangx.
• loz-hnoi daav cuotv naaiv nyungc za'eix Wuov Dauh.
• ¹² Yiem wuov hnoi, Ziouv, Nernh Jiex nyei Tin-Hungh,
• heuc meih mbuo nyiemv duqv nzauh nyei,
• teix m'nqorngv njang,
• zuqv la'maah ndie-cou.
• ¹³ Daaux nzuonx, maaih njien-youh nauc nyitc,
• daix ngongh daix ba'gi yungh,
• nyanc orv, hopv a'ngunc diuv.
• Meih mbuo gorngv, “Gunv nyanc gunv hopv
• weic zuqc njang hnoi yie mbuo daic aqv.” * 1 Ko^lin^to 15:32

¹⁴ Nernh Jiex nyei Ziouv ganh hnangv naaiv nor gorngv bun yie muangx, “Naaiv deix zuiz yie ndongc haaix zungv maiv guangc taux meih mbuo daic.” Naaiv se Ziouv, Nernh Jiex nyei Tin-Hungh, gorngv nyei waac.

Donv Sepv^naa Nyei Waac

¹⁵ Ziouv, Nernh Jiex nyei Tin-Hungh, hnangv naaiv nor gorngv,

• “Mingh aqv. Mingh lorz gunv hungh dinc nyei domh jien,
• se mingh lorz Sepv^naa gorngv mbuox ninh,
• ¹⁶ ‘Meih maaih haaix nyungc leiz yiem naaiv?
• Maaih meih nyei haaix dauh mienh yiem naaiv
• meih cingx yiem naaiv weic ganh zuqc norm zouv?
• Meih yiem naaiv hlang nyei dorngx zuqc zouv,
• se zuqc la'bieiv weic zoux meih ganh nyei zouv.
• ¹⁷ “‘O meih naaiv dauh mienh henv mienh aah!
• Ziouv oix longc domh qaqv zoi meih guangc.
• Ninh oix zorqv meih nanv zietc,
• ¹⁸ zorqv meih njunh jienv hnangv norm ga'naaiv junh nyei,
• aengx zoi bieqc norm hlo, jangv nyei deic-bung.
• Yiem naaic meih ziouc daic,
• meih nyei njang-laangc nyei maaz-cie yaac oix zuqc guangc jienv naaic.
• Meih se bun meih nyei ziouv nyei biauv zong mienh zuqc nyaiv.
• ¹⁹ Yie oix zunc meih cuotv zoux jien nyei mengh,
• oix tuix meih cuotv maiv duqv zoux jien.’

²⁰ “Wuov hnoi yie oix heuc yie nyei bou, Hin^ki^yaa nyei dorn, E^li^yaa^kim, daaih. ²¹ Yie oix zorqv meih nyei lui-ndaauv bun ninh zuqv, aengx zorqv meih sai jaaiv nyei ndie tengx ninh sai jienv. Yie yaac oix zorqv meih nyei hatc maaz jiu bun ninh, ninh ziouc zoux hnangv die weic Ye^lu^saa^lem Mienh caux Yu^ndaa nyei zeiv-fun. ²² Yie oix zorqv Ndaawitv nyei zeiv-fun nyei forv-zeih jiu bun ninh. * Hipv^lu waac aengx tipv waac gorngv an ninh nyei mba'dauh. Ninh koi, maiv maaih haaix dauh guon. Ninh guon, maiv maaih haaix dauh koi. * Laauc Yaangh 3:7 ²³ Yie oix bun ninh yiem duqv wuonv nyei, hnangv longc ndiangx-ding ding jienv wuonv nyei dorngx nor. Weic ninh zoux nyei sic, * Faan zaqc gorngv ninh nyei weic. mienh ziouc taaih ninh nyei douh zong. ²⁴ Ninh nyei douh zong mienh yietc zungv dorn sieqv zeiv-fun oix bangc ninh hnangv fiuv-jaa-dorngx, se diuv-zaanv caux diuv-gorngc, kuangx jienv ninh.”

²⁵ Nernh Jiex nyei Ziouv gorngv, “Taux wuov hnoi, ding jienv wuonv nyei dorngx nyei ndiangx-ding ziouc zuqc gaatv ndutv mingh, ndortv ga'ndiev ndau. Kuangx jienv ndiangx-ding nyei ga'naaiv ziouc zuqc pai njiec nzengc.” Weic zuqc naaiv se Ziouv gorngv nyei waac.