I^saa^laa^en Caux Yu^ndaa
Zuqc Dingc Zuiz

• ¹ “Sai mienh aah! Muangx naaiv maah!
• I^saa^laa^en nyei zeiv-fun aah! Oix zuqc longc hnyouv muangx.
• Hungh nyei zeiv-fun aah! Oix zuqc baeng m'normh muangx longx,
• weic zuqc meih mbuo oix zuqc siemv aqv.
• Laaix meih mbuo yiem Mitv^baa hnangv norm hlaang-hlopv nor,
• yaac yiem Taa^mbo Mbong hnangv zaeng nyei mungz.
• ² Ninh mbuo yiem Sitv^tim * Maaih deix sou gorngv Aa^kaa^sie. zoux daix mienh nyei sic siem haic, * Mienh maiv hiuv dingc naaiv joux Hipv^lu waac nyei eix leiz. Maaih deix sou faan daaih gorngv wetv kuotv ndo haic.
• mv baac yie oix mborqv njaaux ninh mbuo yietc zungv.
• ³ Yie hiuv E^faa^im nyei,
• I^saa^laa^en yaac bingx yie maiv mbueiz.
• E^faa^im aah! Ih zanc meih zoux hienx nyei sic,
• I^saa^laa^en zuqc maaih uix.
• ⁴ “Ninh mbuo zoux nyei sic dangv jienv
• bun ninh mbuo maiv haih nzuonx mingh lorz Tin-Hungh,
• weic zuqc ninh mbuo maaih hnyouv hienx,
• ninh mbuo yaac maiv hiuv duqv Ziouv.
• ⁵ I^saa^laa^en zoux maux nyei jauv
• dorng jienv ninh ganh nyei hmien zoux zorng-zengx gox ninh ganh.
• I^saa^laa^en caux E^faa^im
• laaix ganh zoux dorngc nyei zuiz ndiqv zuqc ndorpc.
• Yu^ndaa yaac caux jienv ninh mbuo ndiqv zuqc ndorpc.
• ⁶ Ninh mbuo dorh jienv ba'gi yungh guanh, ngongh guanh
• mingh lorz Ziouv,
• mv baac ninh mbuo lorz maiv buatc ninh.
• Ziouv zungv leih nqoi ninh mbuo mi'aqv.
• ⁷ Ninh mbuo maiv ziepc zuoqv nyei zoux bun Ziouv,
• weic zuqc ninh mbuo yungz nyei se gu'nguaaz-toi.
• Taux siang-hlaax ninh mbuo,
• liemh ninh mbuo nyei gaeng-zuangx
• oix zuqc mienh naqv nzengc. * Faan zaqc gorngv “Ih zanc siang-hlaax oix mietc ninh mbuo, liemh ninh mbuo nyei ndeic”.
• ⁸ Oix zuqc yiem Gi^mbe^aa biomv jorng,
• yiem Laamaa biomv nzatc.
• Yiem Mbetc Aawen * Beiv mangc Ho^se^yaa 4:15 . heuc cuotv qiex mbui,
• Mben^yaa^min aah! Oix zuqc sin zinx. * Naaiv se gan Gikc waac. Hipv^lu waac gorngv gan meih aqv.
• ⁹ Taux dingc zuiz nyei hnoi
• E^faa^im zuqc benx ndau-huaang.
• Yiem I^saa^laa^en nyei fingx mbu'ndongx
• yie zunh gorngv zien nyei sic.
• ¹⁰ Yu^ndaa nyei jien
• ih zanc hnangv suiv gapv-jaaix nyei mienh.
• Yie nyei ga'qiex oix baetv cuotv
• hnangv dox wuom njiec ninh mbuo.
• ¹¹ E^faa^im zuqc zeix,
• zuqc ngatv jienv laaix zuqc dingc zuiz,
• weic zuqc ninh mbuo dingc hnyouv
• gan maiv lamh longc nyei jauv.
• ¹² Hnangv naaic yie weic E^faa^im hnangv norm baeqc yieqc,
• yaac weic Yu^ndaa nyei zeiv-fun hnangv ndiangx-latv.
• ¹³ E^faa^im buatc ganh butv baengc,
• Yu^ndaa buatc ganh zuqc siang nyei dorngx,
• E^faa^im ziouc mingh lorz Atc^si^lie,
• paaiv mienh mingh lorz domh hungh diex.
• Mv baac ninh maiv haih zorc meih mbuo,
• yaac maiv haih zorc meih mbuo zuqc siang nyei dorngx.
• ¹⁴ Yie zungv oix doix E^faa^im hnangv dauh sienh,
• yaac doix Yu^ndaa nyei zeiv-fun hnangv dauh sienh lunx.
• Yie, se dongh yie ganh, oix betv ninh mbuo.
• Yie betv liuz, mingh mi'aqv.
• Yie tor ninh mbuo mingh yaac maiv maaih haaix dauh haih njoux duqv.
• ¹⁵ Yie oix nzuonx yie nyei dorngx,
• zuov taux ninh mbuo nyiemc ninh mbuo zoux dorngc nyei zuiz
• aengx lorz yie nyei nza'hmien.
• Ninh mbuo zuqc kouv nyei ziangh hoc
• ninh mbuo ziouc jienh lorz yie.