Ziouv Gox I^saa^laa^en Mienh

• ¹ I^saa^laa^en Mienh aah! Meih mbuo oix zuqc muangx Ziouv nyei waac,
• weic zuqc Ziouv maaih dorngx gox naaiv norm deic-bung nyei baeqc fingx. * Fai “caux naaiv norm deic-bung nyei baeqc fingx nzaeng”.
• “Yiem deic-bung maiv maaih ziepc zuoqv nyei jauv
• fai zoux longx nyei sic fai haaix dauh nyiemc Tin-Hungh.
• ² Maaih houv nyei sic, mienh gorngv-baeqc, daix mienh,
• nimc ga'naaiv caux hienx nyei sic.
• Ninh mbuo qangv maanh zoux doqc,
• daix mienh linh jienv yietc dauh jiex yietc dauh.
• ³ Weic naaiv deic-bung nzauh nyiemv * Fai deic-bung nqaai.
• yiem deic-bung gu'nyuoz nyei yietc zungv mienh kouv jienv njiec,
• liemh lomc-huaang nyei hieh zoih,
• ndaamv-lungh nyei norqc,
• liemh koiv gu'nyuoz nyei mbiauz daic. * Hipv^lu waac gorngv zuqc zorqv mingh.

Ziouv Gox Sai Mienh

• ⁴ Mv baac maiv dungx bun haaix dauh gorngv baeqc fingx
• fai bun haaix dauh gox haaix dauh,
• yie gox nyei se meih mbuo sai mienh. * Hipv^lu waac se maiv nangc mengh. Kungx gorngv meih, maiv zeiz meih mbuo. Maiv hiuv dingc gorngv zuqc dauh dauh sai mienh fai gorngv zuqc zoux bieiv wuov dauh. Maaih deix sou faan daaih gorngv “Meih mbuo nyei baeqc fingx se hnangv gox sai mienh nyei mienh.”
• ⁵ Lungh hnoi zanc meih mbuo ndiqv zuqc ndorpc,
• lungh muonz zanc douc waac mienh yaac caux jienv meih mbuo ndiqv zuqc ndorpc,
• yie zungv oix mietc meih mbuo nyei maa. * maa “beiv taux ninh mbuo nyei deic-bung”.
• ⁶ Yie nyei baeqc fingx zuqc mietc laaix maiv maaih wuonh zaang.
• “Weic zuqc meih mbuo nqemh wuonh zaang,
• yie ziouc nqemh meih mbuo, maiv bun meih mbuo zoux sai mienh fu-sux yie.
• Weic zuqc meih mbuo la'kuqv meih mbuo nyei Tin-Hungh nyei leiz-latc,
• yie yaac oix la'kuqv meih mbuo nyei zeiv-fun.
• ⁷ Sai mienh yietc zei camv yietc zei baamz zuiz dorngc yie.
• Yie oix zorqv ninh mbuo nyei njang-laangc tiuv benx nyaiv nyei sic.
• ⁸ Ninh mbuo bangc yie nyei baeqc fingx nyei zuiz nyanc,
• zungv a'hneiv yie nyei baeqc fingx baamz zuiz.
• ⁹ Sai mienh hnangv haaix nor, baeqc fingx ziouc hnangv wuov nor.
• Yie oix dingc ninh mbuo nyei zuiz weic ninh mbuo zoux nyei jauv,
• yaac ziux ninh mbuo zoux nyei sic winh bun ninh mbuo.
• ¹⁰ “Ninh mbuo duqv nyanc mv baac maiv beuv.
• Ninh mbuo oix hienx mv baac maiv hiaangx, * Maaih deix m'jangc m'sieqv yiem jienv ninh mbuo zaangc zienh nyei biauv hienx mienh weic zuqc zaangc wuov nyungc zienh nyei mienh sienx ninh mbuo hnangv naaiv zoux haih duqv fu'jueiv camv, cun-gaeng liangx-ndeic longx, saeng-kuv hiaangx lo haaix.
• laaix ninh mbuo guangc Ziouv
• weic gan nyiec nyei zienh. * Faan zaqc gorngv “weic oix gan
  hienx nyei jauv”.

Ziouv Dingc
Baaix Miuc-Fangx Nyei Zuiz

• ¹¹ “Loz-a'ngunc diuv caux siang-a'ngunc diuv
• caangv cuotv mienh bieqc hnyouv nyei jauv.
• ¹² Yie nyei baeqc fingx naaic longc ndiangx zoux daaih nyei ga'naaiv,
• aengx longc diuh biaav dau ninh mbuo.
• Weic zuqc ninh mbuo hienx nyei hnyouv dorh ninh mbuo mingh dorngc jauv,
• ninh mbuo guangc ninh mbuo nyei Tin-Hungh mingh zoux hienx nyei sic.
• ¹³ Ninh mbuo yiem mbong-ningv gu'nguaaic,
• caux mbong-aiv gu'nguaaic,
• yiem mba'ong zuei ndiangx, borpc^laah ndiangx caux mba'ong zuei ndiangx ga'ndiev fongc horc ziec yaac buov hung,
• weic zuqc yiem naaiv deix ndiangx ga'ndiev laangh nyei.
• Hnangv naaic meih mbuo nyei sieqv maaic sin,
• meih mbuo nyei siang-mbuangz yaac hienx.
• ¹⁴ Meih mbuo nyei sieqv mingh maaic sin,
• meih mbuo nyei siang-mbuangz hienx nyei ziangh hoc,
• yie maiv dingc ninh mbuo nyei zuiz,
• weic zuqc m'jangc dorn ganh mingh caux maaic buonv-sin nyei m'sieqv dorn,
• yaac caux jienv wuov deix
• maaic buonv-sin nyei m'sieqv dorn fongc horc ziec. * Se yiem ninh mbuo nyei zienh nyei biauv hienx wuov deix.
• Maiv hiuv haaix nyungc nyei fingx zungv oix zuqc mietc.
• ¹⁵ “I^saa^laa^en Mienh aah! Maiv gunv meih mingh hienx,
• maiv dungx bun Yu^ndaa zoux dorngc zuiz.
• Maiv dungx bieqc Gin^gaan Mungv
• fai faaux mingh Mbetc Aawen. * Mbetc Aawen nyei eix leiz se orqv nyei biauv fai miuc-fangx nyei biauv. Mv baac yiem naaiv douc Ging-Sou gorngv zuqc Mbetc^en Zingh. Mbetc^en wuov joux waac nyei eix leiz se Tin-Hungh nyei biauv. Yiem Ho^se^yaa 5:8 , 10:5 , 8 fih hnangv nyei.
• Yaac maiv dungx houv waac gorngv,
• ‘Yie ziangv jienv ziangh jienv nyei Ziouv. ’
• ¹⁶ I^saa^laa^en Mienh hnyouv ngaengc
• hnangv maiv muangx waac nyei ngongh nyeiz.
• Ih zanc Ziouv haih yungz ninh mbuo
• hnangv bungx ba'gi yungh dorn yiem jangv nyei miev-ciangv fai?
• ¹⁷ E^faa^im mingh gan miuc-fangx mi'aqv,
• sueih ninh mingh aqv.
• ¹⁸ Ninh mbuo benx guanh hopv diuv nquin nyei mienh,
• gan jienv hienx nyei jauv mingh.
• Ninh mbuo oix haic nyaiv nyei sic
• gauh camv ninh mbuo nyei njang-laangc. * Naaiv yiemc Hipv^lu waac se maiv nangc mengh.
• ¹⁹ Nziaaux oix buonc ninh mbuo mingh, * Faan zaqc gorngv “Nziaaux longc ninh nyei ndaatv beu jienv ninh mbuo”.
• ninh mbuo ziouc laaix ninh mbuo ziec nyei ga'naaiv * Fai ziec-dorngh. zuqc nyaiv.