Weic Tailaqv Baaux Nyei
Naanc Zingh Nzung

¹ Yie aengx duqv zipv Ziouv nyei waac gorngv, ² “Baamh mienh aah! Meih oix zuqc weic Tailaqv baaux diuh naanc zingh nzung. ³ Tailaqv yiem bieqc koiv nyei dorngx yaac maaiz maaic bun yiem camv-norm koiv-hlen nyei ziex fingx mienh. Oix zuqc gorngv mbuox Tailaqv, ‘Ziouv Tin-Hungh hnangv naaiv gorngv,

• “‘“O Tailaqv aac, meih ceng ganh gorngv,
• ‘Yie nzueic taux daauh aqv.’
• ⁴ Meih nyei gapv-jaaix yiem koiv mbu'ndongx.
• Ceix meih daaih wuov deix bun meih nzueic taux daauh aqv. * Maaih deix sou gorngv “ceix meih hnangv poux nzueic haic nyei nzangv”.
• ⁵ Ninh mbuo longc Seni * Se Hemon. nyei zongh ndiangx
• zoux meih nyei yietc zungv ndiangx-benv.
• Ninh mbuo longc diuh Le^mbaa^norn nyei si^ndaa zongh ndiangx
• zoux meih nyei corng ndie-mbuangh nyei ndiouh.
• ⁶ Ninh mbuo longc Mbaasaan nyei domh mba'ong zuei ndiangx
• zoux meih nyei nzangv-zeih.
• Ninh mbuo longc Saibatc Koiv-Nzou-hlen nyei zongh ndiangx * Maaih deix sou gorngv saibatc ndiangx. Aengx maaih deix sou gorngv ganh nyungc ndiangx. diu daaih,
• aengx zorqv zaangz-nyaah fapv jienv zoux meih nyei nzangv-paangh.
• ⁷ Meih nyei ndie-mbuangh longc
  I^yipv daaih nyei
• la'maah ndie-muonc congx jienv biangh,
• longc dorngx meih nyei geh.
• Meih mbaeqc gu'nguaaic nyei ndie,
• se yiem E^li^se^aa koiv-hlen nyei
• ndie-mbuov ndie-luoqc zoux daaih.
• ⁸ Sai^ndorn caux Aanwatv Mienh
• zoux meih nyei nzaeng nzangv mienh.
• O Tailaqv aac, meih nyei zaangc mienh
• yiem meih nyei nzangv zoux meih nyei nzangv-jien.
• ⁹ Ge^mbaan nyei mienh gox caux maaih buoz-dauh nyei zaangc mienh
• yiem meih gu'nyuoz mbiev meih nyei nzangv-gapv nyei dorngx.
• Koiv nyei yietc zungv nzangv caux ninh mbuo nyei nzangv-nouh
• daaih yiem meih nyei ga'hlen caux meih zoux saeng-eix yienc huox.
• ¹⁰ “‘“Besie Mienh, Lu^nde Mienh, * Fai Li^ndie Mienh. caux Putv Mienh
• yiem meih nyei jun-baeng guanh zoux meih nyei mborqv jaax baeng.
• Ninh mbuo zorqv ninh mbuo nyei torngv-baaih caux hlieqv-muoc
• kuangx jienv meih nyei zingh laatc,
• ninh mbuo bun meih duqv njang-laangc.
• ¹¹ Aanwatv Mienh caux Helekc Mienh
• yiem gormx meih nyei zingh laatc gu'nguaaic.
• Gaamatv Mienh yaac yiem meih nyei laauh.
• Ninh mbuo zorqv ninh mbuo nyei torngv-baaih
• kuangx jienv weih gormx meih nyei zingh laatc.
• Ninh mbuo bun meih nzueic taux daauh.

¹² “‘“Taansitv Mienh daaih caux meih maaiz maaic weic zuqc meih maaih nyungc-nyungc ga'naaiv camv. Ninh mbuo longc nyaanh, hlieqv, yangh tiec caux jungz tengx meih yienc huox.

¹³ “‘“Yaawaan Mienh, * Se Janx-Gikc. Tu^mban Mienh caux Mesekv Mienh caux meih tiuv ga'naaiv. Ninh mbuo zorqv mienh caux dongh siqv jaa-sic yienc meih nyei huox.

¹⁴ “‘“Mbetc To^gaan^maa Mienh longc maaz caux mborqv jaax nyei maaz caux lorh yienc meih nyei huox.

¹⁵ “‘“Nde^ndaan Mienh caux meih maaiz maaic. Koiv-hlen nyei dorngx camv nyei benx meih maaiz maaic nyei hei. Ninh mbuo dorh zaangz-nyaah caux ngaengc nyei ndiangx-jieqv yienc huox.

¹⁶ “‘“Silie Mienh * Fai Aalam Mienh. Maaih deix sou gorngv E^ndom Mienh. mingh mingh daaih daaih caux meih maaiz maaic, weic zuqc meih maaih huox camv. Ninh mbuo longc ndiemh maeng, nzang nyei la'bieiv-jaaix caux ndie-luoqc, longc congx jienv biangh nyei ndie, la'maah ndie-muonc, yiem koiv jaaix nyei la'bieiv * Janx-Taiv heuc baqc^gaa^lang. caux siqv nyei la'bieiv-jaaix yienc meih nyei huox.

¹⁷ “‘“Yu^ndaa Mienh caux I^saa^laa^en Mienh caux meih zoux saeng-eix. Ninh mbuo longc Minnitv nyei mbiauh witv, ga'lanv biouv, * Fai njuov. mueiz-dorngh, ga'lanv youh caux ndie-ndaang yienc meih nyei huox.

¹⁸ “‘“Ndaa^matv^gatc Mienh caux meih zoux saeng-eix, weic zuqc meih maaih maaiz maaic nyei ga'naaiv camv, nyungc-nyungc maaih nzoih. Ninh mbuo longc Hen^mbon daaih nyei a'ngunc diuv caux ba'gi yungh baeqc nyei biei * Fai “Saa^haa nyei ba'gi yungh biei”. yienc meih nyei huox.

¹⁹ “‘“Ninh mbuo dorh a'ngunc diuv yiem Usaan daaih * Naaiv se gan Gikc waac. Hipv^lu waac gorngv “We^ndaan caux Yaawaan Mienh daaih...” yienc meih nyei ga'naaiv. Ninh mbuo longc dox ziangx nyei hlieqv caux gaan^mbun * Benx nyungc ndaang nyei ga'naaiv. caux zaah nqaan yienc meih nyei huox.

²⁰ “‘“Nde^ndaan Mienh longc dimc maaz-geh orn nyei suangx yienc meih nyei huox.

²¹ “‘“Aa^laa^mbie Mienh caux Ke^ndaa nyei yietc zungv zoux hlo nyei mienh, zanc-zanc caux meih zoux saeng-eix. Ninh mbuo longc ba'gi yungh dorn, ba'gi yungh gouv caux yungh yienc meih nyei huox.

²² “‘“Qe^mbaa Mienh caux Laa^aa^maa Mienh caux meih zoux saeng-eix. Ninh mbuo longc yietc zungv gauh longx jiex nyei laapc liuc, nyungc-nyungc la'bieiv-jaaix caux jiem yienc meih nyei huox.

²³ “‘“Haalaan Mienh, Kaanne caux E^nden Mienh, Qe^mbaa nyei saeng-eix mienh, Atc^su caux Kinmaatv Mienh caux meih maaiz maaic. ²⁴ Naaiv deix dorngx nyei mienh longc gauh longx, gauh nzueic jiex nyei lui-houx, longc ndie-mbuov caux congx jienv biangh nyei lui-houx, longc ziex nyungc setv zoux daaih dimc biauv nyei ndie, yaac longc gitv daaih zietc nyei hlaang * Fai “njunc jienv longc hlaang ndoh zietc”. caux meih maaiz maaic.

• ²⁵ “‘“Taansitv nyei nzangv
• tengx meih tor meih nyei huox.
• Hnangv naaic meih yiem koiv gu'nyuoz
• tor ga'naaiv hniev, zungv buangv nzangv. * Laauc Yaangh 18:11-19
• ²⁶ Nzaeng nzangv nyei mienh
• dorh meih mingh koiv ndo nyei dorngx.
• Dong bung nyei nziaaux
• yiem koiv gu'nyuoz bun meih huv nzengc.
• ²⁷ Meih nyei zinh zoih, meih nyei huox,
• meih maaiz maaic nyei ga'naaiv,
• meih nyei nzangv-jien nzangv-nouh,
• nzangv nyei ndiangx-zaangc,
• meih nyei saeng-eix mienh
• caux yiem meih gu'nyuoz nyei mborqv jaax baeng
• caux yietc zungv mienh,
• dongh meih zuqc mborqv waaic wuov hnoi,
• yietc zungv ziouc zemh njiec koiv.
• ²⁸ Nzangv-jien heuc cuotv njoux maengc nyei qiex,
• yiem wuov mbienx zungv ndanc dongz.
• ²⁹ Da'faanh nzaeng nzangv mienh
• cuotv ninh mbuo nyei nzangv.
• Yiem koiv nyei nzangv-nouh caux yietc zungv nzangv-jien
• daaih souv jienv wuov mbienx.
• ³⁰ Ninh mbuo bungx-sing bungx-qiex
• hnyouv mun nyei nzauh nyiemv meih.
• Ninh mbuo haaz nie-mbung an ninh mbuo nyei m'nqorngv,
• zungv njangx wuov saaiv-ndui. * Ninh mbuo hnangv naaiv zoux bun cing ninh mbuo nzauh haic.
• ³¹ Weic meih ninh mbuo teix m'nqorngv njang nzengc,
• yaac zuqv jienv * Fai sai jienv. la'maah ndie-cou.
• Ninh mbuo hnyouv mun jienv
• bungx-sing bungx-qiex nyei nyiemv duqv kouv haic,
• mba'nziu zungv haih mbaaix.
• ³² Ninh mbuo nzauh nyiemv meih nyei ziangh hoc
• ninh mbuo weic meih baaux diuh naanc zingh nzung gorngv,
• ‘Maaih haaix dauh hnangv Tailaqv
• yiem koiv gu'nyuoz zuqc mietc?’
• ³³ Meih yiem koiv gan nzangv fungx cuotv maaiz maaic nyei ga'naaiv.
• Meih bun ziex guoqv mienh buangv hnyouv.
• Meih nyei zinh zoih caux huox camv haic
• bun lungh ndiev nyei hungh diex butv zoih.
• ³⁴ Ih zanc meih yiem koiv ndo nyei dorngx
• zuqc koiv mborqv huv nzengc.
• Meih nyei huox caux yiem nzangv nyei yietc zungv mienh
• caux jienv meih zemh njiec koiv.
• ³⁵ Yiem koiv-hlen nyei zuangx mienh
• weic meih gamh nziex haic.
• Ninh mbuo nyei hungh diex gamh nziex gau,
• hmien zungv mbienc nzengc.
• ³⁶ Norm-norm guoqv nyei saeng-eix mienh
• cuotv qiex bun cing a'hneiv meih buangh zuqc kouv.
• Meih nyei setv mueiz gamh nziex! haic,
• yietc liuz maiv maaih meih aqv.”’”