เว่ย ก๋อม เญย เมี่ยน หฒุ ตี่ง ฒุ์ย

• ¹ ไม้ ฮิ้ว ตุ๊ ไญ้ เญย กั๊วะ เญย แปะ ฝีง
• ต้าย กั๊บ ฒุ้น, กั๊บ ฒุ้น ม่าะ!
• ² ต้าย ด่าง เม่ย บัว หฒุ หฒุ่น เปย๋า
• ฮนั้ง หฑยาว ป่วน เบี๊ยะ-โธว นอ.
• ต้าย ด่าง เม่ย บัว หฒุ เฒี้ยว เญย กะเฉีย แป๊ด ธ้วด,
• ต้าย ด่าง เม่ย บัว หฒุ เฒี้ยว โน์ว เมี่ยน เญย ฮนอย.
• ³ เม่ย บัว เหยียด ฒู้ง เยียม เต่ย-ปูง เหญี่ยม กั้น โหฒว ไฝ เญย เมี่ยน,
• เซ ต้ง กัน นิ่น เญย เล์ย-หลัด วั้ว เต๋ย,
• เม่ย บัว อ๋อย หฒุ ล์อ เฒี้ยว.
• ล์อ โหฒว หอบ เญย เจ๊า,
• เหญี่ยม กั้น โหฒว ไฝ,
• เถา เฒี้ยว เฉีย เจี์ย เญย ฮนอย
• เหฑีย เม่ย บัว ไฮ่ ปี๋ง ตุ๊ เจี๊ยน.

ฟี^ลิ^สะ^เตีย หฒุ ตี่ง ฒุ์ย

• ⁴ กา^ซา อ๋อย หฒุ กวั่ง ฮวาง,
• อัด^เค^โลน อ๋อย หฒุ ป่าย หว่าย,
• ลู่ง เหฒียง อ๋าน อัด^โดด เมี่ยน ฒู้ง หฒุ หฒุ่น ธ้วด เหฑ่ง,
• เอ^โค^โลน เลี่ยม กอน หฒุ แปง ธ้วด. * อิ^สะ^ยา 14:29-31 ; เย^เล^มี 47:1-7 ; เอ^เส^เคน 25:15-17 ; โย^เอน 3:4-8 ; อา^โม้ด 1:6-8 ; เส^คา^ลิ^ยา 9:5-7
• ⁵ โอ เม่ย บัว เยียม ค้อย-เฮลน เญย เค^เล^ที เมี่ยน อ้า!
• เม่ย บัว อ๋อย หฒุ โค้ว อ๊ะ.
• โอ คา^นา^อัน, ฟี^ลิ^สะ^เตีย เมี่ยน เญย เต่ย-ปูง อ้า!
• เฒี้ยว เญย หว่า ก๊อง เม่ย อ๊ะ.
• ``เยีย ฒู้ง อ๋อย เหมียด เม่ย,
• เถา ไม้ เหฒ่ง เหยียด ล่าน เมี่ยน เยียม.''
• <sup>6</sup> ค้อย-เฮลน อ๋อย หฒุ ทิ้ว เป๋น เมี้ย-เธี้ยง,
• เป๋น โก๋ว ยู่ง เมี่ยน เยียม เญย ต๋อง,
• หย่า โหฒว ยู่ง กวั้น เญย ล่าน.
• <sup>7</sup> น้าย ค้อย-เฮลน เญย เดา ฯฒฯ เป๋น
• ยู^ดา เญย เฒ้ย-ฟุน เหฒ่ง เหฌี่ย เญย เมี่ยน ตุ๊ เญย ป่วน.
• นิ่น บัว ฯฒฯ เยียม วั้ว ปู๋ง ยู่ง.
• ลู่ง ม์าน-หฮมวัง นิ่น บัว ตุ๊ เปว๋ย อัด^เค^โลน ฒี่ง เญย เปย๊า,
• เหว่ย หฒุ เฒี้ยว, นิ่น บัว เญย ทิน-ฮู่ง, อ๋อย โก๋ว นิ่น บัว,
• อ๋อย ปุน นิ่น บัว ตุ๊ หลง ฮนั้ง โล์ วั้ว นอ. * ไฟ ``ปุน หฒุ ธ้าง มี่ง เญย เมี่ยน ตุ๊ หฑวน ต้าย''.

โม^อับ เหธา อัม^โมน หฒุ ตี่ง ฒุ์ย

• ⁸ ``เยีย ไฮ์ โม^อับ เมี่ยน ก๊อง โตะ,
• หย่า ไฮ์ อัม^โมน เมี่ยน ก๊อง ฮว้วด.
• นิ่น บัว ก๊อง โตะ เยีย เญย แปะ ฝีง,
• ปู๋ง หว่า-เหมา ก๊อง อ๋อย แฑง นิ่น บัว เญย กั๊บ-จ๋าย.'' * อิ^สะ^ยา 15:1-16 -14; 25:10-12 ; เย^เล^มี 48:1-49:6 ; เอ^เส^เคน 21:28-32 ; 25:1-11 ;
  อา^โม้ด 1:13-15
• <sup>9</sup> เน่น เจี๋ย เญย เฒี้ยว, อิ^สะ^ลา^เอน เญย ทิน-ฮู่ง ก๊อง,
• ``เยีย เฒี้ยง เจี๊ยน เยีย กั้น, ต้ง เฒี่ยง เจี๊ยน เญย ทิน-ฮู่ง, แล์ง หว่า,
• โม^อับ อ๋อย หฒุ ฮนั้ง
  โส^โดม,
• อัม^โมน หย่า ฮนั้ง โก^โม^ลา, * ทิน เต่ย โต้ว 19:24
• ฯฒฯ เป๋น ธ้วด ฌิ้ม เญย เมี้ย เหธา เฑ้า-ค้วด เญย ต๋อง,
• เหยียด ลิ์ว เป๋น เดา-ฮวาง.
• เยีย เหฒ่ง เหฌี่ย เญย แปะ ฝีง อ๋อย
  ลู้ นิ่น บัว,
• เยีย เญย กั๊วะ ตุ๊ แหม่ง ธ้วด เญย เมี่ยน
• ฒู้ง ตุ๊ หฑิบ นิ่น บัว เญย เต่ย-ปูง.''
• ¹⁰ น้าย เต๋ย สี่ อ๋อย หฒุ วิ่น ปุน นิ่น บัว,
• หลาย นิ่น บัว เหมา,
  นิ่น บัว เธง-โฮล ฮว้วด
• เน่น เจี๋ย เญย เฒี้ยว เญย แปะ ฝีง.
• ¹¹ เฒี้ยว อ๋อย โหฒว ปุน นิ่น บัว กั้ม เหฑีย ไห่!
• ฒู้ง ปุน ลู่ง เดี๊ย เญย หฒวัง เฒี่ยน ไจ่ เจี๊ยน เหฌี่ย.
• นอมๆ กั๊วะ เญย แปะ ฝีง,
• เก๊าะ-เมี่ยน อ๋อย เยียม เก๊าะ-เมี่ยน กั้น เญย ต๋อง ป๋าย เฒี้ยว.

เอ^ที^โอ^เปีย หฒุ ตี่ง ฒุ์ย

• ¹² โอ เอ^ที^โอ^เปีย เมี่ยน อ้า! เม่ย บัว ฟี่ ฮนั้ง เญย
• อ๋อย หฒุ เยีย เญย หฑุ ด๊าว ไต๋. * อิ^สะ^ยา 18:1-7

อัด^ซี^เลีย หฒุ ตี่ง ฒุ์ย

• ¹³ เฒี้ยว อ๋อย ซูง ธ้วด นิ่น เญย ปั์ว เบ๊าะ ป๊ะ ปูง, หย่า เหมียด อัด^ซี^เลีย.
• นิ่น อ๋อย ปุน นิ^นะ^เว เป๋น ฒี่ง ฮวาง,
• ฮนั้ง นอม ฆาย ไห่ เญย เต่ย-ปูง-ฮวาง, * อิ^สะ^ยา 10:5-34 ; 14:24-27 ; นา^ฮูม 1:1-3:19
• ¹⁴ เป๋น ง่ง กวั้น, ยู่ง กวั้น
• เหธา หญู่งๆ แซง-คู้ เปว๋ย เญย ต๋อง.
• เหนาะ กู๊ ลง เปน เหธา เหนาะ มล่ม
• อ๋อย เยียม วั้ว เดี้ยว เตว๊ย-เมว์ย โหฒว เล์า.
• เยียม ฟง ม่วน ม่าย เหนาะ เห่ว เญย เฉีย,
• เหนาะ อา เยียม แก้ง ด่าง เห่ว.
• หล่ง โหฒว เปย๊า เญย สี^ดา ฒ่ง เดี๋ยง หย่า อ๋อย หฒุ แธะ เหฑ่ง. * ม่าย เต๋ย โซว ก๊อง, ``หฒุ หญุด พุย, หฒุ บยู่ง เลี่ยม''.
• <sup>15</sup> น้าย เซ เฌียน-โย่ว, ออน-เหลาะ เยียม เญย ฒี่ง,
• เมี่ยน แป้ง ออน เยียม เญย ต๋อง.
• น้าย นอม ฒี่ง เยียม เฮญี้ยว ฮนั้ม,
• ``ม่าย เยีย กั้น อ๊ะ.
• ธ้วด ลิ์ว เยีย, ไม้ ม่าย กั้น นอม ฒี่ง อ๊ะ.''
• อี้ หฒั่น น้าย นอม ฒี่ง หฒุ ป่าย หว่าย,
• เป๋น เฮยี่ย กะน้าย เยียม เญย ต๋อง.
• ตะฟ่าน เจี๋ย เจ๊า เญย เมี่ยน หฮวัง ปั์ว-จ้วน
• หย่า ฮ้าๆ เญย จั๊ด.