เว่ย ก๋อม อิ^สะ^ลา^เอน
เญย กั๊วะ หฒุ ตี่ง ฒุ์ย
1 น้าย เซ เฒี้ยว
เญย หว่า.
- เฒี้ยว
ก๊อง หัด^ล้าก เต่ย,
- แอ๋ง ก๊อง ดา^มัด^กัด ฒี่ง,
- เหว่ย หฒุ ป้าม เมี่ยน เหธา ฝีงๆ อิ^สะ^ลา^เอน เมี่ยน หมั่ง เจี๊ยน เฒี้ยว.
-
2 นิ่น หย่า หมั่ง นิด กั๊บ-จ๋าย เญย ฮา^มัด ฒี่ง,
- เลี่ยม ไท^ละ เหธา ไซ^ดอน ฒี่ง
- ไม้ กุ๊น น้าย เต๋ย แปะ ฝีง เป๋น เมี่ยน ไกว เมี่ยน.
-
3 ไท^ละ เหว่ย กั้น เหธย เว่ย ว้วน เญย ฒี่ง หลาด,
- หย่า เซียว ญ่าน ดุย เจี๊ยน ฮนั้ง เนีย-บูง,
- แอ๋ง เซียว เจียม ด่ง จาย-ห่อง เญย ววม-ปั่ม ธั้ม.
-
4 มป่า หมั่ง ม่าะ! เฒี้ยว อ๋อย เฒาะ ไท^ละ ม่าย เญย กะน้าย มี่ง,
- หย่า เบ๊าะ ป่าย ไท^ละ เยียม ค้อย ม่าย เญย หลี่ง,
- น้าย นอม ฒี่ง ฒู้ง อ๋อย หฒุ โต์ว ปั๊ว ชุย.
-
5 อัด^เค^โลน ฒี่ง ปวัด ฯฒฯ กั้ม เหฑีย,
- กา^ซา ฒี่ง ตุ๊ ปวัด ฯฒฯ หฒะเก้ง ไฮ์ โค้ว.
- เอ^โค^โลน หย่า ฟี่ ฮนั้ง เญย.
- นิ่น บัว ม่าย ลั่ม ฮนั้ม เญย ต๋อง
- หฒุ ป่าย หว่าย หมี่ อ๊ะ.
- กา^ซา เญย ฮู่ง อ๋อย หฒุ เหมียด,
- อัด^เค^โลน ฒู้ง ไม้ ม่าย เมี่ยน เยียม.
-
6 ม่าย หลอบ หฒอบ ป๊วน เญย เมี่ยน
อ๋อย เยียม อัด^โดด.
- เยีย, เฒี้ยว,
อ๋อย ปุน ฟี^ลิ^สะ^เตีย เมี่ยน โหฒว เหมา เญย เจ๊า หฒุด เหฑ่ง.
-
7 เยีย อ๋อย เฒาะ ธ้วด เยียม นิ่น บัว เญย ฑุ่ย เญย ฑย้าม,
- เฒาะ ฆอย เยียม นิ่น บัว เญย ญ่า ฉัง, กั้ม เฑี้ย เญย กะน้าย.
- น้าย เต๋ย เหฒ่ง เหฌี่ย เญย เมี่ยน ตุ๊ เป๋น เยีย บัว เญย ทิน-ฮู่ง เญย หมี่ อ๊ะ,
- เป๋น ยู^ดา ฝีง กะญั์ว เญย เหยียด ฝีง,
- เอ^โค^โลน เมี่ยน หย่า อ๋อย ฮนั้ง เย^บุด เมี่ยน.
-
8 วั้ว หฒั่น เยีย อ๋อย เหลียบ เธี้ยง เว่ย ก๋อม เยีย เญย เปย๊า
เหว่ย เปว เจี๊ยน,
- ไม้ ปุน วิน-วั้ง เซว่ย เอ๋ย เปียะๆ ธ้วดๆ,
- ไม้ ม่าย หาย เต้า แอ๋ง ไฮ่ เปียะ ต้าย เหฒย นิ่น บัว,
- เหว่ย หฒุ อี้ หฒั่น เยีย กั้น เญย มฒีง หมั่ง เจี๊ยน เญย.
ฆะฮ้า อ๋อย ต้าย เญย ฮู่ง เตี๋ย
-
9 โอ สิ^โอน
เญย เมี่ยน อ้า!
เม่ย บัว อ๋อย หฒุ เฌียน-โย่ว ออน-เหลาะ.
- เย^ลู^ซา^เลม เญย เมี่ยน อ้า!
อ๋อย หฒุ เห่ว บุย เญย.
- หมั่ง ม่าะ! เม่ย บัว เญย ฮู่ง ต้าย เม่ย บัว น้าย,
- นิ่น แป้ง ฟิม เญย หย่า ตุ๊ ฮี่ง เจี๋ย.
- นิ่น เฮญี้ยว ส่วน เญย, เก้ เจี๊ยน มา^ลี ต้าย,
- เก้ เจี๊ยน มา^ลี เญย ตอน.
-
10 เยีย อ๋อย เหมียด เยียม เอ^ฟา^อิม เบ๊าะ จ๋า เญย ม์า-เธีย,
- เหธา เยียม เย^ลู^ซา^เลม หล่ง เบ๊าะ จ๋า เญย ม์า.
- เบ๊าะ จ๋า เญย จวัง-หฒิน อ๋อย หฒุ เหมียด,
- นิ่น ฒู้ง อ๋อย ก๊อง ปุน หม่าน กั๊วะ ตุ๊
แป้ง ออน.
- นิ่น เญย หลี่ง อ๋อย เยียม น้าย ปูง ค้อย มี่ง เถา วั้ว ปูง ค้อย,
- เยียม ยู^เฟ^ติด ด้าย มี่ง เถา จ่ม ลู่ง เดี๊ย.
ทิน-ฮู่ง เญย แปะ ฝีง
อ๋อย ตุ๊ หลง ฮนั้ง โล์ นอ
-
11 สิ^โอน เมี่ยน อ้า! เยีย, เหว่ย หล่ง เหฒี่ย เญย แซง-คู้ ฑย้าม เหธา เม่ย บัว เหลียบ เจี์ย แหง่ง หว่า,
- อ๋อย ปู๋ง เม่ย บัว หฒุ กว๊าด มี่ง เญย เมี่ยน ธ้วด ววม-ค้วด-ฆาย.
-
12 หฒุ กว๊าด มี่ง หธ่อ ม่าย ลั่ม ฮนั้ม เญย เมี่ยน อ้า!
- หฑวน เม่ย บัว เว่ย ว้วน เญย ต๋อง ต้าย.
- อี้ ฮนอย เยีย ก๊อง เยีย อ๋อย จา ปุ้ย ปุน เม่ย บัว ตุ๊ หลง อี โก๊ว.
-
13 เยีย ว้วด ยู^ดา เงา โหฒว เยีย เญย จวัง-หฒิน,
- หล่ง เอ^ฟา^อิม โหฒว จวัง-หฒิน เญย ฟอง.
- โอ สิ^โอน อ้า! เยีย โธะ
เม่ย เญย ตอน บัว,
- มี่ง เบ๊าะ จั๋น-กีก เญย ตอน,
- หย่า ปุน เม่ย ฮนั้ง เฮ้น เญย
- เบ๊าะ จ๋า แปง เญย หฑุ ด๊าว.
-
14 เฒี้ยว
อ๋อย เยียม นิ่น บัว กู้ หงว่าย หิ่น ธ้วด,
- นิ่น เญย ฟอง ฒู้ง ธ้วด มี่ง ฮนั้ง ป์อง บะหลี่ง นอ,
- เฒี้ยว ทิน-ฮู่ง
อ๋อย ปย๊ม จอง,
- หย่า เยียม น่าม ปูง เญย หฑยาว-หฒุ่น ธ้วด มี่ง.
-
15 เน่น เจี๋ย เญย เฒี้ยว
อ๋อย เปว เจี๊ยน นิ่น บัว,
- นิ่น บัว ฯฒฯ เหมียด วิน-วั้ง
- หย่า ธ้าย เหฌี่ย หล่ง ด๊บ-ฮลาง
ปู๋ง หละเปย๊ย เญย เมี่ยน.
- นิ่น บัว อ๋อย เห่ว ฮนั้ง ฮบ ติ๊ว ฆวิน เญย เมี่ยน,
- นิ่น บัว ฯฒฯ ฮนั้ง ฒ่าง ฑย้าม ปวั๊ง เญย หฑ่อม,
- หย่า ฮนั้ง เหฒี่ย-ต้อง เญย จอง เพี้ยด ดอน เหฑ่ง.
-
16 เถา วั้ว ฮนอย, เฒี้ยว,
นิ่น บัว เญย ทิน-ฮู่ง, อ๋อย เหฌียว นิ่น บัว,
- ฮนั้ง โก๋ว ปะกี ยู่ง เญย เมี่ยน เหฌียว นิ่น เญย ปะกี ยู่ง.
- นิ่น บัว อ๋อย เยียม เต่ย-ปูง แอ๊ง ธ้วด ฌัง
- ฮนั้ง เยียม ฮู่ง นี้ง เญย หละเปย๊ย-จ๋าย.
-
17 นิ่น บัว เหฑว่ย, ฌัง-หล่าง ไห่.
- ม่าย ล่าง หฒิ เหธา เซียง-อะหงุ่น ติ๊ว
- ปุน โฮ่ว แซง, เซียะ-ตอน เฮ้น.
