• ¹ เยีย เญย หมั่ว, เยีย เญย เซียง-บวั์ง อ่า,
• เยีย เปียะ เยีย เญย หฮวีง,
• เยีย เซียว เยีย เญย มู^หย่อ เหธา เยีย เญย ดาง เญย กะน้าย.
• เยีย หญั่น เยีย เญย เมว์ย-ต้อง เหธา เยีย เญย เมว์ย-เผง.
• เยีย ฮบ ลิ์ว เยีย เญย อะหงุ่น ติ๊ว เหธา ง่ง หญอ อ๊ะ.

• โอ อะหฑย่าว ต่อย อ้า! กุ๊น หญั่น กุ๊น ฮบ.
• โอ เม่ย บัว เหยียด ฒู้ง ฮนั้ม จ๋า เญย เมี่ยน อ่า, กุ๊น ฮบ เถา เป๊ว.

ตะเฝย ติ้ว ฑูง

• ² เยีย มฌ่อม หมี่ อ๊ะ, มป่า เยีย เญย เฮญี้ยว กีง เจี๊ยน เญย.
• หมวัง ม่าะ! เยีย ฮนั้ม เญย เมี่ยน แง้ง แก้ง.

• เยีย เญย หมั่ว, เยีย ฮนั้ม เญย เซียะ,
• เยีย เญย เหนาะ โฆ, เยีย เญย ตุ้น ยุ่น เญย เมี่ยน อ้า!
• โท้ เถง เยีย คอย แก้ง
• เหว่ย หฒุ เยีย เญย มฆ้อง หฒุ บยู่ง-ซุ้ย ดอน เหฑ่ง,
• เยีย เญย บะเปยย หฒุ ลู่ง ม์วน หฒั่น เญย โหม่ว-เยี์ย ผิน ฮนัม.

• ³ เยีย ไจ๊ ฆอย ลุย-โหว,
• เยีย ฮนั้ง หาย นอ แอ๋ง ไฮ่ ฒุ เจี๊ยน?
• เยีย หฑาว ลิ์ว เหฒา,
• เยีย เหว่ย หาย ติ่ว อ๋อย หฒุ แอ๋ง ปุน, เยีย เญย เหฒา ไล่ ฮลบ?
• ⁴ เยีย ฮนั้ม เญย เมี่ยน ซูง นิ่น เญย ปั์ว
• เปียะ แก้ง ซอน เญย ค้วด,
• เยีย เญย เฮญี้ยว ไฮ์ อะเฮน้ย ไห่.
• ⁵ เยีย เจี์ย ซิน ต้าย อ๋อย คอย แก้ง ปุน เยีย ฮนั้ม เญย เมี่ยน เปียะ.
• เยีย เญย ปั์ว ม่าย มู^หย่อ เดี๊ยบ เหฌี่ย.
• เยีย เญย ปั์ว-โด๊ะ ม่าย
  มู^หย่อ ววม
• เดี๊ยบ เจี๊ยน แกง-ซอน.
• ⁶ เยีย เหว่ย เยีย ฮนั้ม เญย เมี่ยน คอย แก้ง.
• มป่า นิ่น มี่ง หมี่ อ๊ะ.
• นิ่น ก๊อง หว่า วั้ว หฒั่น เยีย เญย เฮญี้ยว ฒู้ง กัน นิ่น มี่ง.
• เยีย ล์อ นิ่น, มป่า ล์อ ไม้ ปวัด.
• เยีย เห่ว นิ่น, มป่า นิ่น ไม้ เตา.
• ⁷ ฒั้ว ฒี่ง เญย เมี่ยน โย่ว เจี๊ยน ฒี่ง มี่ง
• นิ่น บัว ปวั้ง หฒุ เยีย.
• นิ่น บัว เบ๊าะ เยีย, ปุน เยีย หฒุ มุน.
• ฒั้ว ฒี่ง หลาด เญย เมี่ยน หย่า
• ธ้าง เยีย ปุ๋ย เญย ลุย-ด๊าว หมี่ อ๊ะ.
• ⁸ โอ เย^ลู^ซา^เลม เญย หฒวัง เซียะ อ้า!
• เยีย จา หว่า เม่ย บัว.
• สี ก๊อง เม่ย บัว ปวัด เยีย ฮนั้ม เญย ตอน,
• โท้ บั๋ว นิ่น,
• เหว่ย หฒุ เยีย ฮนั้ม เกา นิ่น, เป๋น แป่ง
  หมี่ อ๊ะ.

• ⁹ โอ เยียม หฒวัง เซียะ บุด๋ง เก้า เหฑว่ย เจี๋ย เญย เซียะ อ่า,
• เม่ย ฮนั้ม วั้ว เต้า ม่าย หาย หญู่ง เก้า หลง กั้น เต้า?
• เม่ย ฮนั้ม วั้ว เต้า ม่าย หาย หญู่ง เก้า หลง
  กั้น เต้า
• เม่ย หธีง ต้าย ฮนั้ง น้าย นอ จา หว่า
  เยีย บัว?

• ¹⁰ เยีย ฮนั้ม วั้ว เต้า เหฑว่ย แป๊ดๆ,
  เฒี่ยง ตุ๊ เฮ้น.
• เป๊ย เหยียด หว่าน เต้า นิ่น เก้า หลง เจี๋ย.
• ¹¹ นิ่น เญย มฆ้อง ฮนั้ง เฒียน เจี๋ย เญย เจียม,
• นิ่น เญย บะเปยย ญ้วดๆ,
• เจี๊ยะ เญย, ฮนั้ง เหนาะ อา.
• ¹² นิ่น เญย มฒีง ฮนั้ง เยียม ววม-เฮลน เญย แปะ ก๊บ,
• ฮนั้ง หล่ง ง่ง หญอ หฑาว หย่า ผุย ตุ๊ หอบ. * น้าย เลี์ยว ฮิบ^ลู หว่า เซ ไม้ หนั่ง เม่ง.
• ¹³ นิ่น เญย ขัม-ปุย ฮนั้ง ฮูน หฒวัง ดาง เญย เมี้ย ปวั๊ง,
• นิ่น เญย ฑุ่ย เหมย ฮนั้ง แปะ เหาะ เปี้ยง เดี๊ยบ มู^หย่อ ววม.
• ¹⁴ นิ่น เญย ปั์ว ฮนั้ง เจียม-แกว๊ง,
• ตั้ง เจี๊ยน จ๋าย เญย, เหฑว่ย เญย กะน้าย.
• นิ่น เญย ซิน ฮนั้ง ติว ต้าย เญย ฒ์าง-ญ่า,
• ฒอง เจี๊ยน บั๊น บั๊ว, ฑัง เญย หละเปย๊ย-จ๋าย.
• ¹⁵ นิ่น เญย เหฒา ฮนั้ง หละเปย๊ย-เมา เญย เดี้ยว,
• ตน เจี๊ยน เจียม-ท้าบ กู้ หงว่าย.
• นิ่น เญย ฝัง เฒ้ย ฮนั้ง
  เล^บา^นอน บง,
• ฮนั้ง เก้า หลง เจี๋ย เญย
  สี^ดา ฒ่ง เดี๋ยง.
• ¹⁶ นิ่น เญย หว่า * ไฟ ฑุ่ย. หฒะเก้ง กาม ไห่,
• เฒี่ยง เต้า เมี่ยน ม่าย หยัวะ เฟย ฝัง.
• โอ เย^ลู^ซา^เลม เญย หฒวัง เซียะ อ้า!
• น้าย เซ เยีย ฮนั้ม เญย เมี่ยน.
• น้าย เซ เยีย เญย ต่อย.