1 วั้ว หญู่ง, เยีย หน่าย ก๋า, ทิน-ฮู่ง กวั่ง นิ่น เญย แปะ ฝีง ไฟ? ฒู้ง ไม้ เฒ์ย! เยีย กั้น หย่า เฒ์ย เหยียด เต้า อิ^สะ^ลา^เอน เมี่ยน, อับ^ลา^ฮัม เญย เฒ้ย-ฟุน, เบน^ยา^มิน ฝีง. * 2 ทิน-ฮู่ง ไม้ กวั่ง นิ่น เยียม กอน กิ๊น ต้าย เญย เมี่ยน. เม่ย บัว ไม้ ฮิ้ว ตุ๊ เอ^ลี^ยา ต้อ อิ^สะ^ลา^เอน เมี่ยน เญย สี่ มี่ง โก๋ ทิน-ฮู่ง วั้ว โต่ว กีง-โซว ไฟ? 3 เอ^ลี^ยา ก๊อง, ``เฒี้ยว อ้า! นิ่น บัว ไต๋ เม่ย เญย หฒวัง โต่ว หว่า เมี่ยน, หย่า แธะ หว่าย เม่ย เญย เหฒี่ย-ต้อง. ขูง เหฒ่ง เยีย กั้น ดุ ล่าน เมี่ยน ฮนั้ง. นิ่น บัว หย่า อ๋อย ไต๋ เยีย.'' * 4 ทิน-ฮู่ง ฮนั้ง หาย นอ เตา นิ่น? ทิน-ฮู่ง ก๊อง, ``เยีย เหว่ย เยีย กั้น เลี่ยว เหฌี่ย เสี่ย ธิน ล่าน เมี่ยน. นิ่น บัว หย่า ไม้ เกว่ย เหฌี่ย ป๋าย เจี๋ย บา^อัน เฒี่ยน.'' *
5 อี้ จ๋า ฮนอย หย่า ฟี่ ฮนั้ง เญย. ทิน-ฮู่ง เอย เจี๊ยน นิ่น เญย เอน กิ๊น เต๋ย เมี่ยน โหฒะ เญย. 6 ทิน-ฮู่ง กิ๊น นิ่น บัว ต้าย เซ เอย นิ่น เญย เอน ฮนั้ง. ไม้ เฒ์ย นิ่น บัว กั้น โหฒว เญย สี่. สี ก๊อง ทิน-ฮู่ง เอย เมี่ยน โหฒว เญย กิ๊น นิ่น บัว นอ, นิ่น เญย เอน เซ ไม้ เฒ์ย เฒียน เอน อ๊ะ.
7 วั้ว หญู่ง ฮนั้ง หาย นอ? อิ^สะ^ลา^เอน เมี่ยน ล์อ เญย, นิ่น บัว ล์อ ไม้ ปวัด. มป่า ต้ง ทิน-ฮู่ง กิ๊น ต้าย โหฒะ เญย วั้ว เต๋ย ล์อ ตุ๊ ปวัด. เหฒ่ง เหฌี่ย วั้ว เต๋ย เฮญี้ยว แหง่ง หมี่ อ๊ะ. 8 ฮนั้ง กีง-โซว เฟี้ย เจี๊ยน ก๊อง นอ,
9 ดา^วิด หย่า ก๊อง,
11 เยีย ฯฒฯ แอ๋ง หน่าย ก๋า, ยิว^ไท เมี่ยน ดิ๊ หฒุ ดอบ มี่ง, นิ่น บัว หฒุ ป่าย เญย ไฟ? ฒู้ง ไม้ เฒ์ย! เหว่ย หฒุ นิ่น บัว ป์าม ฒุ์ย, ทิน-ฮู่ง หธีง ต้าย เหฌียว จั๋น เหว่ย ปุน ยิว^ไท เมี่ยน เหมว่ย เจี๊ยะ นิ่น บัว.
12 ยิว^ไท เมี่ยน ป์าม เญย ฒุ์ย ปุน ลู่ง เดี๊ย เมี่ยน ตุ๊ ฟุ ธั้ม. ยิว^ไท เมี่ยน เสียน เญย เจ๊า ด๊อด, ฯฒฯ ปุน จั๋น ตุ๊ ฟุ ธั้ม. วั้ว หญู่ง, ทิน-ฮู่ง เหฌียว เหยียด ฒู้ง ยิว^ไท เมี่ยน ปวั๊ง โสว โหม่ว วั้ว หฒั่น, ลู่ง
เดี๊ย เมี่ยน ฯฒฯ จา ตุ๊ ฟุ ด่ง หาย ธั้ม อ๊ะ!
13 อี้ หฒั่น เยีย เหธา เม่ย บัว จั๋น ก๊อง หว่า. เหว่ย หฒุ เยีย โหฒว กง-โฒ่ โต่ว ทิน-ฮู่ง เญย หว่า ปุน จั๋น, เยีย ฯฒฯ ฝุน เยีย เญย กง เจี๊ยน ไห่. 14 เหฑีย เยีย ไฮ่ โหฒว ปุน เหธา เยีย จวั่ง ฝีง เญย เมี่ยน เหมว่ย เจี๊ยะ ฯฒฯ ม่าย เต๋ย เหว่ย เยีย โหฒว เญย, ตุ๊ ทิน-ฮู่ง เหฌียว นิ่น บัว. 15 ทิน-ฮู่ง กวั่ง อิ^สะ^ลา^เอน เมี่ยน วั้ว หฒั่น, เมี่ยน ม่าน ตุ๊ เหธา ทิน-ฮู่ง หอบ. วั้ว หญู่ง, สี ก๊อง ทิน-ฮู่ง ฒิบ ยิว^ไท เมี่ยน หฑวน ฮนั้ง หาย นอ? เซ ฮนั้ง นิ่น บัว ไต่ มี่ง แอ๋ง นั่ง ต้าย นอ.
16 สี ก๊อง เหยียด ดุ้น ฌั้ว-เญี์ยม, เฒาะ ติ๊ เตียน ฝ่ง ห่อ ทิน-ฮู่ง, เฒี่ยง ดุ้น ฌั้ว ฯฒฯ เป๋น ทิน-ฮู่ง เญย เหฑ่ง หมี่ อ๊ะ. สี ก๊อง เฒาะ เดี๋ยง-ฑู่ง ฝูง ปุน ทิน-ฮู่ง, เลี่ยม เดี๋ยง-ฆว่า ฯฒฯ เป๋น ทิน-ฮู่ง เญย เหฑ่ง หมี่ อ๊ะ.
17 ม่าย เต๋ย เฒียน กะลั้น ฆว่า หฒุ พิด กวั่ง, แอ๋ง ต้อ เฮยี่ย กะลั้น ฆว่า ต้าย ต๋าว เจี๊ยน. เม่ย บัว จั๋น เซ ฮนั้ง เฮยี่ย กะลั้น ฆว่า หย่า ตุ๊ เฒียน ฑู่ง เญย ววม ยู์ง เม่ย บัว.
18 วั้ว หญู่ง, ไม้
ตู๋ง หมั่ง เผีย หฒุ พิด กวั่ง วั้ว เต๋ย เดี๋ยง-ฆว่า. เม่ย บัว ฝู่ง ไฮ่ เธง-โฮล? จั๋ง เจี๊ยน เม่ย บัว ขูง โหฒว ฆว่า, ไม้ เฒ์ย ยู์ง ฑู่ง. เซ ฑู่ง ยู์ง เม่ย บัว.
19 เหฑีย เม่ย บัว จั๋น อ๋อย ก๊อง, ``เฒ์ย เญย, มป่า น้าย เต๋ย ฆว่า หฒุ พิด กวั่ง เหว่ย เฒาะ เยีย บัว ต้าย ต๋าว เจี๊ยน.'' 20 เฒียน เญย. นิ่น บัว หฒุ พิด กวั่ง เหว่ย หฒุ นิ่น บัว ไม้ เสียน. มป่า เม่ย บัว ตุ๊ เฒี่ยง เจี๊ยน เหว่ย หฒุ เม่ย บัว เสียน. ฮนั้ง หน่าย, ไม้ ตู๋ง โหฒว เหมา. อ๋อย หฒุ กั้ม เหฑีย. 21 สี ก๊อง ทิน-ฮู่ง ไม้ เลี่ยว เฒียน กะลั้น ฆว่า นอ, เม่ย บัว เฮยี่ย กะลั้น ฆว่า นิ่น หย่า ไม้ เลี่ยว อ๊ะ.
22 ฮนั้ง หน่าย, บัว ปวัด ทิน-ฮู่ง ไฮ่ โหฒว หลง หย่า ไฮ่ ตี่ง เมี่ยน เญย ฒุ์ย. ต้ง เสียน เญย เจ๊า ด๊อด วั้ว เต๋ย ยิว^ไท เมี่ยน, ทิน-ฮู่ง ตี่ง นิ่น บัว เญย ฒุ์ย, มป่า โหฒว หลง ปุน เม่ย บัว. ตะฟ่าน เม่ย บัว โหฒว หอบ, ผุย ตุ๊ นิ่น โหฒว หลง, นิ่น ฯฒฯ โหฒว หลง เจี๊ยน มี่ง. เม่ย บัว โหฒว ไม้ หอบ นอ, เม่ย บัว หย่า หฒุ พิด กวั่ง อ๊ะ. 23 สี ก๊อง ยิว^ไท เมี่ยน ก๊อย เฮญี้ยว หฑวน ต้าย เสียน ทิน-ฮู่ง, นิ่น บัว แอ๋ง ตุ๊ ต๋าว เจี๊ยน เฒียน กะลั้น เดี๋ยง, เหว่ย หฒุ ทิน-ฮู่ง ไฮ่ เฒาะ นิ่น บัว ต๋าว เจี๊ยน. 24 สี ก๊อง เม่ย บัว เป๋น เฮยี่ย กะลั้น ฆว่า หฒุ พิด ดุ๊ด ต้าย ต๋าว เจี๊ยน เฒียน กะลั้น เดี๋ยง, ต้ง ไม้ เฒ์ย กั้น เญย เดี๋ยง-หม่า, ทิน-ฮู่ง แอ๋ง เฒาะ ยิว^ไท เมี่ยน, ต้ง เฒียน กะลั้น ฆว่า, แอ๋ง ต๋าว เจี๊ยน นิ่น บัว กั้น เญย เฒียน เดี๋ยง, เก้า ฮู่ง เห่ เจี๋ย เหฒีย ตั้ง.
25 ก๋อ- โย์ว อ่า, ม่าย ติ่ว ไม้ แก้ง บย๋าง ย่าง เญย เฒียน เล์ย เยีย อ๋อย ปุน เม่ย บัว ฮิ้ว, เหว่ย ปุน เม่ย บัว ไม้ เธง กั้น ม่าย ธง-เม่ง. เซ ต้ง น้าย อ๊ะ. อิ^สะ^ลา^เอน เมี่ยน ไม้ เฒ์ย อ๋อย เหยียด ลิ์ว เฮญี้ยว แหง่ง. ขูง แหง่ง เถา จั๋น ต้าย เปียะ ทิน-ฮู่ง ปวั๊ง โสว โหม่ว.
26 ฮนั้ง หน่าย, ทิน-ฮู่ง อ๋อย เหฌียว อิ^สะ^ลา^เอน เญย เหยียด ฒู้ง เมี่ยน. ฮนั้ง กีง-โซว ก๊อง นอ,
28 หลาย ยิว^ไท เมี่ยน ไม้ ฒิบ คู้ เฝียน นิ่น บัว เป๋น ทิน-ฮู่ง เญย วิน-วั้ง หมี่ อ๊ะ. น้าย เซ เหว่ย เถง เม่ย บัว จั๋น. มป่า ทิน-ฮู่ง กิ๊น นิ่น บัว ต้าย, หย่า เหว่ย นิ่น บัว เญย อง-ถาย-แงะ นิ่น ฮนั้ม นิ่น บัว. 29 เหว่ย หฒุ ทิน-ฮู่ง กิ๊น หาย เต้า, เหธย ฟุ หาย เต้า, นิ่น เหยียด ลิ์ว ไม้ ก๊อย เหยี่ยน. 30 ฒิ่น ด่าง เม่ย บัว จั๋น ไม้ หมวัง ทิน-ฮู่ง เญย หว่า. มป่า อี้ หฒั่น เหว่ย ยิว^ไท เมี่ยน ไม้ หมวัง หว่า เม่ย บัว หธีง ตุ๊ ทิน-ฮู่ง ค้อ-เลี่ยน. 31 ฮนั้ง หน่าย, ยิว^ไท เมี่ยน ไม้ หมวัง ทิน-ฮู่ง เญย หว่า. มป่า เหว่ย หฒุ เม่ย บัว จั๋น ตุ๊ ทิน-ฮู่ง ค้อ-เลี่ยน เม่ย บัว, ยิว^ไท เมี่ยน ฟี่ ฮนั้ง เญย อี้ หฒั่น * หย่า ไฮ่ ตุ๊ ทิน-ฮู่ง ค้อ-เลี่ยน. 32 ทิน-ฮู่ง เซว่ย หฒวัง เมี่ยน ไม้ หมวัง นิ่น เญย หว่า, เหว่ย ปุน นิ่น ไฮ่ ค้อ-เลี่ยน นิ่น บัว เหยียด ฒู้ง.
34 ฮนั้ง กีง-โซว ก๊อง นอ,