×
สีง ฑูง 95
สีง ฑูง 95
เธง เฒี้ยว
เญย ฑูง
-
1 ต้าย ม่าะ! บัว อ๋อย หฒุ ต้าย ป๋าว ฑูง เธง เฒี้ยว.
- บัว เฌียน-โย่ว เญย เห่ว เจี๊ยน เธง เหฌียว เยีย บัว เญย หละเปย๊ย.
-
2 บัว อ๋อย หฒุ ต้าย เยียม นิ่น เญย หฑะเฮมียน ตอ-เหฒี่ย นิ่น,
- หย่า อ๋อย หฒุ เฌียน-โย่ว เญย เห่ว เจี๊ยน ป๋าว ฑูง เธง นิ่น.
-
3 เหว่ย หฒุ เฒี้ยว
เซ โฮล ไห่ เญย ทิน-ฮู่ง,
- หย่า โหฒว ต้ม ฮู่ง เตี๋ย, เก้า โฮล เจี๋ย หม่าน เฒี่ยน.
-
4 เดา-เดี๊ย โด เจี๋ย เญย ต๋อง เยียม นิ่น เญย ปั์ว กะญั์ว.
- ฮลัง เจี๋ย เญย บง หย่า เป๋น นิ่น เญย.
-
5 ค้อย เป๋น นิ่น เญย, เหว่ย หฒุ นิ่น กั้น เหฒย ต้าย.
- นิ่น เญย ปั์ว เหฒย ธ้วด เดา-เป้ย.
-
6 ต้าย ม่าะ! บัว อ๋อย หฒุ พัวะ เหฌี่ย ป๋าย นิ่น.
- บัว อ๋อย หฒุ เกว่ย เหฌี่ย เหฒย บัว ต้าย วั้ว เต้า เฒี้ยว
เญย หฑะเฮมียน.
-
7 เหว่ย หฒุ นิ่น เป๋น บัว เญย ทิน-ฮู่ง.
- บัว เซ นิ่น เญย เมี้ย-เธี้ยง เญย แปะ ฝีง,
- เยียม นิ่น เญย ปั์ว-เดี๊ย เญย ปะกี ยู่ง.
- โท้ เม่ย บัว อี้ ฮนอย หมวัง นิ่น เญย เฉีย.
-
8 ไม้ ตู๋ง โหฒว เฮญี้ยว แหง่ง ฮนั้ง ฒิ่น ด่าง เยียม เม^ลี^บา,
- หย่า ฮนั้ง เยียม เต่ย-ปูง-ฮวาง, มัด^สา,
วั้ว ฮนอย นอ.
-
9 วั้ว หฒั่น เม่ย บัว เญย อง-ถาย เสย เยีย หย่า ธัวะ เยีย,
- ไม้ กุ๊น นิ่น บัว ปวัด เยีย โหฒว เญย สี่.
-
10 เฝย เหฒียบ หฮญัง กะญั์ว เยีย โน์ว ไห่ หน่าย ต่อย เมี่ยน.
- เยีย ก๊อง, ``นิ่น บัว เป๋น เหยียด ฝีง เฮญี้ยว ไม้ หฒีง เญย เมี่ยน.
- นิ่น บัว หย่า ไม้ เปียะ เฮญี้ยว เยีย เญย เจ๊า.''
-
11 เหว่ย น้าย เยีย เฉีย เจี์ย ฯฒฯ โฮ้ว เจี๊ยน ก๊อง,
- ``นิ่น บัว เหยียด ลิ์ว ไม้ ตุ๊ เปียะ เยีย เญย ฮิด ขวน ต๋อง.''
