สีง ฑูง 86

ปวั้ง หฒุ สี่ เต๋า เก๋า โท้ ทิน-ฮู่ง เถง

ดา^วิด เต๋า เก๋า เญย หว่า.

• ¹ โอ เฒี้ยว อ่า, โท้ เม่ย แปง มน่อม หมวัง เยีย หย่า เตา เยีย,
• เหว่ย หฒุ เยีย จ่ม หย่า ตั๋ง-ต๋น.
• ² โท้ เปว เยีย เญย แหม่ง เหว่ย หฒุ เยีย กัน หลง เม่ย.
• โท้ เหฌียว เยีย, เม่ย เญย โปว.
• เยีย เสียน เขา เม่ย.
• เม่ย โหฒว เยีย เญย ทิน-ฮู่ง.
• ³ โอ เฒี้ยว อ่า, โท้ ค้อ-เลี่ยน เยีย,
• เหว่ย หฒุ เยีย เฒี่ยง ฮนอย
  เห่ว เจี๊ยน โท้ เม่ย.
• ⁴ โอ เฒี้ยว อ่า, โท้ ปุน เยีย, เม่ย เญย โปว, เญย เฮญี้ยว ม่าย เฌียน-โย่ว,
• เหว่ย หฒุ เยีย เญย เฮญี้ยว เขา เม่ย ม่าย ลั่ม ฮนั้ม ต๋อง.
• ⁵ โอ เฒี้ยว อ่า, เม่ย เซ หลง ไห่ หย่า ม่าย เฮญี้ยว กวั่ง เมี่ยน เญย ฒุ์ย.
• เม่ย เหฒียบ ฒัวะ เญย เฒียนๆ ฮนั้ม เหยียด ฒู้ง เห่ว เจี๊ยน โจ้ว เม่ย เญย เมี่ยน.
• ⁶ โอ เฒี้ยว อ่า, โท้ แปง มน่อม หมวัง เยีย เต๋า เก๋า เญย หว่า.
• โท้ หมวัง ไฮ์ เยีย ชะ เห่ว เจี๊ยน โจ้ว เญย ซีง-เฉีย.
• ⁷ ปวั้ง หฒุ โค้ว หน่าน เญย ฮนอย-เหญียะ เยีย เห่ว เม่ย,
• เหว่ย หฒุ เม่ย เตา เยีย.
• ⁸ โอ เฒี้ยว อ่า, เยียม เหยียด ฒู้ง เฒี่ยน บุด๋ง,
• ไม้ ม่าย หาย เต้า ฮนั้ง เม่ย.
• เม่ย โหฒว เญย กง, ไม้ ม่าย หาย หญู่ง ไฮ่ เป๊ย ตุ๊.
• ⁹ โอ เฒี้ยว อ่า, เม่ย เหฒย ต้าย เญย หม่าน กั๊วะ หม่าน ฝีง
• อ๋อย ต้าย เยียม เม่ย เญย หฑะเฮมียน เกว่ย เหฌี่ย ป๋าย,
• หย่า อ๋อย เธง เม่ย เญย เม่ง. * หล่าว ย่าง 15:4
• ¹⁰ เหว่ย หฒุ เม่ย หฒะเก้ง โฮล ไห่ หย่า โหฒว บัวะ ฮ่อง เญย สี่.
• ขูง เม่ย กั้น เซ ทิน-ฮู่ง.
• ¹¹ โอ เฒี้ยว อ่า, โท้ เม่ย หฌาว เยีย ฮิ้ว ตุ๊ เม่ย เญย เจ๊า
• เหว่ย ปุน เยีย ไฮ่ เอย เม่ย เญย เฒียน เล์ย ยั่ง.
• โท้ ปุน เยีย ฒุ้น ตี่ง เฮญี้ยว,
• เหว่ย ท่าย เม่ย เญย บั๋ว.
• ¹² โอ เฒี้ยว, เยีย เญย ทิน-ฮู่ง อ่า,
• เยีย หล่ง เหฑ่ง เฮญี้ยว ตอ-เหฒี่ย เม่ย.
• เยีย อ๋อย เหยียด ลิ์ว เธง เม่ย เญย บั๋ว.
• ¹³ เหว่ย หฒุ เม่ย เหฒียบ ฒัวะ ฮนั้ม เมี่ยน เญย เฮญี้ยว เซ โฮล ไห่.
• เม่ย หย่า เหฌียว เยีย, ปุน เยีย ไม้ หฒุ มี่ง เยี่ยม เกน, โด ไห่ เญย ต๋อง.
• ¹⁴ ทิน-ฮู่ง อ่า, โหฒว เหมา เญย เมี่ยน ธ้วด ต้าย อ๋อย ห่อย เยีย.
• ม่าย กวั้น เมี่ยน โตะ เมี่ยน อ๋อย เฒาะ เยีย เญย แหม่ง.
• นิ่น บัว หย่า ไม้ เฒาะ เม่ย อัน เจี๊ยน นิ่น บัว เญย หฑะเฮมียน.
• ¹⁵ มป่า เฒี้ยว อ่า, เม่ย เซ ค้อ-เลี่ยน เมี่ยน,
• เหธย เอน ปุน เมี่ยน เญย ทิน-ฮู่ง.
• เม่ย ไม้ เฉีย เจี์ย เซี้ยบ,
• ม่าย เฮญี้ยว เฒียนๆ ฮนั้ม เมี่ยน,
• หย่า เหฒียบ ฒัวะ เญย.
• ¹⁶ โท้ ฮวิน หฑวน ค้อ-เลี่ยน เยีย,
• โท้ เหธย เม่ย เญย ชะ ปุน เยีย, เม่ย เญย โปว,
• หย่า เหฌียว เม่ย เญย มเซียะ โปว เญย ตอน. * ไฟ ``เซ เหฌียว เม่ย เญย เหฒียบ ฒัวะ เญย ตอน''.
• ¹⁷ โท้ ปิ๋ว เม่ง เม่ย โหฒว หลง
• เหว่ย ปุน ฑอง เยีย วั้ว เต๋ย เมี่ยน ปวัด ฯฒฯ ไญ้.
• เหว่ย หฒุ เฒี้ยว อ่า, เม่ย เถง เยีย หย่า ออน เยีย เญย เฮญี้ยว.