สีง ฑูง 84

หง่อ หฒั่ง ทิน-ฮู่ง เญย เปย๊า

ปุน เถา ต้อ ฑูง เญย เมี่ยน. หฒิว กิด^ทิด. โค^ลา เญย เฒ้ย-ฟุน โหฒ่ เญย สีง ฑูง.

• ¹ โอ เน่น เจี๋ย เญย เฒี้ยว อ่า,
• เยีย ฮนั้ม ไห่ เม่ย เยียม เญย ต๋อง. * ไฟ ``เม่ย เยียม เญย ต๋อง หฒะเก้ง เหฑว่ย ไห่''.
• <sup>2</sup> เยีย เญย เฮญี้ยว ด่ง หาย อ๋อย เยียม เฒี้ยว เญย เปย๊า, หลาด กะญั์ว,
• ฒู้ง ไฮ์ หง่อ เจี๊ยน เยียม.
• เยีย เญย ซิน เหธา เฮญี้ยว เฌียน-โย่ว เญย ป๋าว ฑูง
• เธง เฒี่ยง เจี๊ยน เญย ทิน-ฮู่ง.
• <sup>3</sup> โอ เน่น เจี๋ย เญย เฒี้ยว, เยีย เญย ฮู่ง,
• เยีย เญย ทิน-ฮู่ง อ่า,
• เยียม เม่ย เญย เหฒี่ย-ต้อง กะเฮลน,
• เหนาะ เหมย ล์อ ตุ๊ ต๋อง เยียม,
• บะหิน หย่า เหว่ย กั้น ล์อ ต๋อง โหฒว เล์า ปั่ว ตอน.
• <sup>4</sup> เยียม เม่ย เญย เปย๊า วั้ว เต๋ย เมี่ยน ม่าย ออน-เหลาะ,
• หฒั่นๆ ป๋าว ฑูง เธง เม่ย. เซ^ลา
• <sup>5</sup> เขา เม่ย ตุ๊ ชะ วั้ว เต๋ย,
• เซ เหลียบ ตี่ง เฮญี้ยว มี่ง สิ^โอน บง * ฮิบ^ลู หว่า ไม้ ม่าย สิ^โอน น้าย โจ๋ว หว่า. เญย เมี่ยน, * ฟาน หฒะ ก๊อง ``เซ เยียม นิ่น บัว เญย เฮญี้ยว ม่าย มี่ง สิ^โอน เญย ต้ม เจ๊า วั้ว เต๋ย''. ม่าย ออน-เหลาะ.
• ⁶ นิ่น บัว เจี๋ย บา^คา ฮ์อง, * ไฟ ``ววม-เหมว่ย เหลี่ยว เญย ฮ์อง''.
• น้าย นอม ฮ์อง ทิ้ว เป๋น ววม-ฒี้ง เญย ต๋อง.
• เธียว เกว๋ย บยู่ง หย่า ปุน วั้ว นอม ต๋อง,
• ฒ่าง ววม ปวั๊ง เหฑ่ง. * ม่าย เต๋ย
  โล์-ฮนอย โซว ก๊อง ตุ๊ ฟุ.
• ⁷ มี่ง เญย เฒี่ยง โห่ นิ่น บัว กุ๊น มี่ง กุ๊น เฮ้น,
• เต้าๆ ฯฒฯ มี่ง เถา สิ^โอน, เยียม ทิน-ฮู่ง เญย หฑะเฮมียน.
• ⁸ โอ เน่น เจี๋ย เญย เฒี้ยว ทิน-ฮู่ง อ้า! โท้ หมวัง เยีย เต๋า เก๋า เญย หว่า.
• โอ ยา^โค้บ เญย ทิน-ฮู่ง อ้า! โท้ แปง มน่อม หมวัง. เซ^ลา
• ⁹ โอ ทิน-ฮู่ง อ่า, โท้ เม่ย หมั่ง เยีย บัว เญย ท้อง-ป้าย, * ท้อง-ป้าย เซ เปว เมี่ยน วั้ว เต้า. ก๊อง หฒุ ฮู่ง เตี๋ย ไฟ ก๊อง หฒุ ทิน-ฮู่ง กั้น.
  
• โท้ เม่ย หมั่ง เม่ย หล่ง โย่ว ออน ต้าย วั้ว เต้า เญย เฮมียน.
• ¹⁰ เยียม เม่ย เญย เปย๊า เญย หลาด กะญั์ว เหยียด ฮนอย
• เซ เก้า หลง เยียม กั้น นอม ต๋อง เหยียด ธิน ฮนอย.
• เยีย เยียม เยีย เญย ทิน-ฮู่ง เญย เปย๊า ฒั้ว แก้ง
• เซ เก้า หลง เยียม เอ๊าะ เมี่ยน เญย เปย๊า. * ฮิบ^ลู หว่า ก๊อง ด๊บ-ลิ่ว.
• ¹¹ เฒี้ยว ทิน-ฮู่ง เซ บะฮนอย เหธา ท้อง-ป้าย,
• นิ่น เหธย เอน เหธา ฌัง-หล่าง.
• ไม้ ม่าย หาย หญู่ง หลง เญย,
• เฒี้ยว แหง่ง เจี๊ยน ไม้ เหธย ปุน โหฒว หอบ เญย เมี่ยน. * ไฟ ``ไม้ ลั่ม เฆ่ม ต๋อง เญย เมี่ยน''.
• ¹² โอ เน่น เจี๋ย เญย เฒี้ยว อ่า,
• เสียน เขา เม่ย วั้ว เต๋ย ม่าย ออน-เหลาะ.