สีง ฑูง 80

โท้ ทิน-ฮู่ง ปุน อิ^สะ^ลา^เอน
แอ๋ง ตุ๊ หลง ฮนั้ง โล์ วั้ว นอ

อา^สาบ โหฒ่ เญย สีง ฑูง. จิว ปุน ต้อ ฑูง เญย เมี่ยน. หฒิว ``แปะ เหาะ เปี้ยง'' เญย โพว.

• ¹ โอ โก๋ว อิ^สะ^ลา^เอน เญย เฒี้ยว อ่า, * ฮิบ^ลู หว่า ก๊อง ``โก๋ว ปะกี ยู่ง เญย เมี่ยน''.
• ต้ง ต้อ โย^เซ้บ เญย เฒ้ย-ฟุน ฮนั้ง ต้อ ปะกี ยู่ง วั้ว เต้า อ้า!
• โท้ แปง มน่อม หมวัง.
• เม่ย เยียม วั้ว เต๋ย อี เต้า เค^ลู^บิม บุด๋ง * ฟาน หฒะ ก๊อง กู้ หงว่าย เญย เหว่ย,
• โท้ แอ๊ง ธ้วด เม่ย เญย ฌัง, * ธ้วด อี^ยิบ 25:22
• ² เยียม เอ^ฟา^อิม, เบน^ยา^มิน เหธา มะ^นัด^เส ฝีง เญย หฑะเฮมียน.
• โท้ หล่ง เม่ย เญย ต้ม ชะ
• ต้าย เหฌียว เยีย บัว.
• ³ โอ ทิน-ฮู่ง อ่า, โท้ ปุน เยีย บัว แอ๋ง ตุ๊ หลง ฮนั้ง โล์ วั้ว นอ.
• โท้ ปุน เม่ย เญย เฮมียน แอ๊ง ธ้วด ฌัง,
• เหว่ย ปุน เยีย บัว ตุ๊ เหฌียว.
• ⁴ โอ เฒี้ยว, เน่น เจี๋ย เญย ทิน-ฮู่ง อ้า!
• เม่ย อ๋อย เฉีย เจี์ย เม่ย เญย แปะ ฝีง เต๋า เก๋า เญย หว่า ด่ง หาย เล่า?
• ⁵ เม่ย เฒาะ ววม-เหมว่ย ต๋อง หฮนาง ปุน นิ่น บัว หญั่น,
• แอ๋ง ฮลาว ววม-เหมว่ย ธั้ม เญย ปุน นิ่น บัว ฮบ.
• ⁶ เม่ย ปุน เว่ย ก๋อม เยีย บัว วั้ว เต๋ย ฝีงๆ เมี่ยน
• แฑง เยีย บัว เญย เต่ย-ปูง.
• เยีย บัว เญย วิน-วั้ง ล่ม ฑ่อย จั๊ด.
• ⁷ โอ เน่น เจี๋ย เญย ทิน-ฮู่ง อ่า,
• โท้ ปุน เยีย บัว แอ๋ง ตุ๊ หลง ฮนั้ง โล์ วั้ว นอ.
• โท้ ปุน เม่ย เญย เฮมียน แอ๊ง ธ้วด ฌัง,
• เหว่ย ปุน เยีย บัว ตุ๊ เหฌียว.
• ⁸ เม่ย ต้อ ติ้ว อะหงุ่น เฮมย ธ้วด อี^ยิบ,
• เม่ย หฒุ่น ธ้วด ฝีงๆ เมี่ยน,
• เฒาะ น้าย ติ้ว เฮมย หฒวัง เจี๊ยน.
• ⁹ เม่ย เฝียว เดา ปุน ฑู่ง เหฌี่ย โด,
• เฮมย บย์อง ปวั๊ง เต่ย-ปูง เหฑ่ง.
• ¹⁰ น้าย ติ้ว เฮมย เฑีย เจี๊ยน เก้ ฒอง,
• เฮมย เญย ฆว่า เฑีย เจี๋ย ต้ม สี^ดา ฒ่ง เดี๋ยง.
• ¹¹ เฮมย เญย ฆว่า บย์อง มี่ง เถา ต้ม ค้อย,
• เฮมย เญย หธุน มี่ง เถา ยู^เฟ^ติด ด้าย.
• ¹² เม่ย เหว่ย หาย ติ่ว เบ๊าะ หว่าย
  น้าย นอม หลาด?
• เจี๋ย เจ๊า เญย เหยียด ฒู้ง เมี่ยน
  ฯฒฯ แก๊ะ เปี๊ยว.
• ¹³ เฮยี่ย ตู์ง เยียม หล่ม ธ้วด ต้าย ธ้าย หว่าย,
• เยียม หล่ม-ฮวาง เญย เหยียด ฒู้ง เฮยี่ย ฒ่อย ต้าย หญั่น อ๊ะ.
• ¹⁴ โอ เน่น เจี๋ย เญย ทิน-ฮู่ง อ่า,
  โท้ เม่ย ฮวิน หฑวน.
• โท้ เยียม วั้ว ลู่ง หมั่ง ปวัด,
• แอ๋ง โก๋ว น้าย ติ้ว อะหงุ่น เฮมย,
• ¹⁵ ต้ง เม่ย เญย บย่าว เจี๊ยะ ปั์ว หฒวัง เญย อะหงุ่น เฮมย,
• เซ เม่ย เหว่ย กั้น ปุน โฮล ต้าย เฮ้น เญย.
• ¹⁶ นิ่น บัว หล่ง โต์ว ปั๊ว น้าย ติ้ว เฮมย หย่า ฮงะ เหฌี่ย เหฑ่ง.
• โท้ ปุน นิ่น บัว ปวัด เม่ย เญย เฮมียน เฉีย เจี์ย, ฯฒฯ เหมียด นิ่น บัว.
• ¹⁷ โท้ ปุน เม่ย เญย ปั์ว มาน เจี๊ยน เยียม เม่ย เญย บย่าว เจี๊ยะ ปั์ว เญย เมี่ยน,
• เซ ต้ง เม่ย กั้น เหลียบ ต้าย เฮ้น วั้ว เต้า ป้าม เมี่ยน. * ฟาน หฒะ ก๊อง ป้าม เมี่ยน เญย ตอน.
• ¹⁸ ฮนั้ง หน่าย เยีย บัว ฯฒฯ เหยียด ลิ์ว ไม้ ถุย หฑวน เล่ย ฆอย เม่ย.
• โท้ ปุน เยีย บัว ตุ๊ แหม่ง เฒี่ยง,
• เยีย บัว ฯฒฯ โจ้ว เม่ย, เขา เม่ย เญย บั๋ว.
• ¹⁹ โอ เน่น เจี๋ย เญย เฒี้ยว ทิน-ฮู่ง อ่า,
• โท้ ปุน เยีย บัว แอ๋ง ตุ๊ หลง ฮนั้ง โล์ วั้ว นอ.
• โท้ ปุน เม่ย เญย เฮมียน แอ๊ง ธ้วด ฌัง,
• เหว่ย ปุน เยีย บัว ตุ๊ เหฌียว.