สีง ฑูง 74

เต๋า เก๋า โจ้ว ทิน-ฮู่ง เหฌียว,
ไม้ ปุน หฒุ วิน-วั้ง เบ๊าะ เต่ย-ปูง หว่าย

อา^สาบ โหฒ่ เญย มัด^คิน ฑูง.

• ¹ โอ ทิน-ฮู่ง อ้า! เม่ย เหว่ย หาย ติ่ว เหยียด ลิ์ว กวั่ง เยีย บัว?
• เม่ย เหว่ย หาย ติ่ว เฉีย เจี์ย เม่ย เญย ยู่ง เธี้ยง เญย ปะกี ยู่ง ฮนั้ง ธ้วด โต์ว-เสียว?
• ² โท้ เม่ย จั๋ง เจี๊ยน เม่ย โล์-ฮนอย กิ๊น ต้าย เญย แปะ ฝีง,
• ต้ง เม่ย หฒัวะ หฑวน เหว่ย โหฒว เม่ย กั้น หฑิบ เญย ป่วน.
• จั๋ง เจี๊ยน สิ^โอน บง, ต้ง เม่ย เยียม เจี๋ย เญย ต๋อง.
• ³ โท้ เม่ย หลาม มี่ง หมั่ง น้าย เต๋ย เหยียด ลิ์ว ป่าย ฮวาง เญย ต๋อง.
• วิน-วั้ง เหมียด เหฑ่ง เยียม สีง ติ่น เญย เหยียด ฒู้ง กะน้าย.
• ⁴ เม่ย เญย วิน-วั้ง เยียม เม่ย เญย หวุ่ย ต้อง ชะ เห่ว.
• นิ่น บัว เธีย นิ่น บัว กั้น เญย เก้ ฝาว เหว่ย โหฒว จั๋ง-โห่.
• ⁵ ปวัด นิ่น บัว ฮนั้ง เมี่ยน เยียม หล่ม
• ย่าม โป๊ว ฮงะ เดี๋ยง นอ. * น้าย เหยี่ยม เญย ฮิบ^ลู หว่า อะ ตุ๊ เม่ง แปะ.
• ⁶ เยียม สีง ติ่น กะญั์ว เหยียด ฒู้ง ติว ต้าย เญย เดี๋ยง,
• นิ่น บัว หล่ง โป๊ว หล่ง เฒว่ย เบ๊าะ หว่าย เหฑ่ง.
• ⁷ นิ่น บัว หล่ง โต์ว ปั๊ว เม่ย เญย สีง ติ่น เหฌี่ย เถา เดา,
• นิ่น บัว ปุน เม่ย เญย เม่ง เยียม เญย ต๋อง ม่าย หวุย.
• ⁸ นิ่น บัว เยียม เฮญี้ยว ฮนั้ม, ``เยีย บัว อ๋อย ฮี่ง เจี๋ย เหฑ่ง นิ่น บัว.''
• นิ่น บัว ฯฒฯ เฒาะ เยียม ก๋อม เต่ย-ปูง,
  ทิน-ฮู่ง เญย นอมๆ หวุ่ย ต้อง,
  ปั๊ว เหฑ่ง.
• ⁹ เยีย บัว ไม้ ปวัด เยีย บัว เญย จั๋ง-โห่,
• หย่า ไม้ เหฒ่ง เหยียด เต้า โต่ว หว่า เมี่ยน,
• เยียม เยีย บัว บุด๋ง หย่า ไม้ ม่าย หาย เต้า ฮิ้ว ตุ๊ อ๋อย หฒุ ฮนั้ง น้าย นอ ด่ง หาย เล่า.
• ¹⁰ โอ ทิน-ฮู่ง อ้า! วิน-จา อ๋อย ฮว้วด ด่ง หาย เล่า?
• วิน-วั้ง อ๋อย เหยียด ลิ์ว ก๊อง โตะ เม่ย เญย เม่ง ไฟ?
• ¹¹ เม่ย เหว่ย หาย ติ่ว ญ้วด เจี๊ยน ปั์ว,
  เซ เม่ย เญย บย่าว เจี๊ยะ ปั์ว. * ฮิบ^ลู หว่า เซ ไม้ หนั่ง เม่ง.
• เม่ย เหว่ย หาย ติ่ว ไม้ เฒาะ ปั์ว เยียม หละค้วด ซูง ธ้วด ต้าย เหมียด นิ่น บัว?
• ¹² มป่า ทิน-ฮู่ง อ่า, เยียม โล์-ฮนอย ต้าย
  เม่ย โหฒว เยีย เญย ฮู่ง.
• เม่ย เยียม ลู่ง เดี๊ย โหฒว กง เหว่ย เหฌียว เมี่ยน.
• ¹³ เม่ย หล่ง เม่ย เญย ต้ม ชะ เฒาะ ค้อย ปุน ฆอย, * ธ้วด อี^ยิบ 14:21
• เบ๊าะ เยียม ค้อย กะญั์ว เญย จูง-ฮู่ง * จูง-ฮู่ง ไฟ เฮยี่ย ฒ่อย กะน้าย. เญย มฆ้อง ฮู้.
• ¹⁴ เม่ย เฒี้ยน เล^วี^อา^ทาน เญย มฆ้อง ฮู้,
• หย่า เฒาะ นิ่น จิว ปุน เยียม เต่ย-ปูง-ฮวาง เญย เฮยี่ย ฒ่อย * เฮยี่ย ฒ่อย ไฟ เมี่ยน. หญั่น. * โย้บ 41:1 ; สีง ฑูง 104:26 ; อิ^สะ^ยา 27:1
• ¹⁵ เม่ย ปุน ววม-ฒี้ง เหธา โด๊ะ เญย ววม เหลี่ยว ธ้วด.
• หฒั่นๆ ม่าย ววม เหลี่ยว เจี๊ยน เญย ด้าย เม่ย ปุน ฆาย มี่ง.
• ¹⁶ ลู่ง ฮนอย หฒั่น เป๋น เม่ย เญย, ลู่ง ม์วน หฒั่น หย่า เม่ย เญย.
• เม่ย หลิ่ว เล์ย หฮลา เหธา บะฮนอย.
• ¹⁷ เดา-เป้ย เญย เหยียด ฒู้ง กั๊บ-จ๋าย เซ เม่ย ตี่ง ต้าย.
• เม่ย หย่า ปุน ม่าย ห่า เกว๋ย เหธา ตง เกว๋ย.
• ¹⁸ โอ เฒี้ยว อ้า! โท้ เม่ย จั๋ง เจี๊ยน วิน-วั้ง ด่ง หาย ฮว้วด เม่ย.
• เมี่ยน หฮงง เมี่ยน หย่า ก๊อง โตะ เม่ย เญย เม่ง.
• ¹⁹ ไม้ ตู๋ง เฒาะ เม่ย เญย เหนาะ โฆ * เหนาะ โฆ เป๊ย นิ่น เญย แปะ ฝีง. เญย แหม่ง จิว ปุน เฮยี่ย ฒ่อย.
• โท้ ไม้ ตู๋ง เหยียด ลิ์ว หละคุ เม่ย เญย เมี่ยน จ่ม เมี่ยน เญย แหม่ง.
• ²⁰ โท้ จั๋ง เจี๊ยน เม่ย เหลียบ เญย แหง่ง หว่า
• เหว่ย หฒุ เดา-เป้ย นอมๆ หฮมวัง เญย ต๋อง ม่าย โหฒว โตะ
• ห่อย เมี่ยน เญย สี่ ปวั๊ง เหฑ่ง.
• ²¹ โท้ ไม้ ตู๋ง ปุน หฒุ เหฒย เญย เมี่ยน หฒุ ไญ้.
• โท้ ปุน เมี่ยน จ่ม เมี่ยน เหธา ตั๋ง-ต๋น เญย เมี่ยน เธง เม่ย เญย เม่ง.
• ²² โอ ทิน-ฮู่ง อ้า! โท้ เม่ย เจี์ย ต้าย ม่าะ!
  โท้ เหว่ย กั้น แหธง สี่.
• จั๋ง เจี๊ยน เมี่ยน หฮงง เมี่ยน ฮนั้ง หาย นอ เฒี่ยง ฮนอย ฮว้วด เม่ย.
• ²³ ไม้ ตู๋ง หละคุ เม่ย เญย วิน-วั้ง ชะ เห่ว
  เญย เฉีย.
• เซ เม่ย เญย วิน-จา ไม้ ตี้ง เลี่ยว เญย เหน่า เจี๊ยน เห่ว บุย เญย เฉีย.