สีง ฑูง 72

เหว่ย ฮู่ง เตี๋ย เต๋า เก๋า

ซา^โล^มอน โหฒ่ เญย สีง ฑูง.

• ¹ โอ ทิน-ฮู่ง อ้า! โท้ เหธย ปุน
  ฮู่ง เตี๋ย แป้ง ฟิม เญย เซี้ยม ฮนั้ง เม่ย นอ,
• หย่า ปุน ฮู่ง ตอน ฮนั้ง เม่ย นอ,
  โหฒว ตุ๊ หอบ.
• ² โท้ ปุน นิ่น หล่ง กง-ฟิม เซี้ยม เม่ย เญย
  แปะ ฝีง,
• หย่า แป้ง ฟิม เญย เซี้ยม เม่ย เญย เมี่ยน จ่ม เมี่ยน.
• ³ เหว่ย แปะ ฝีง โหฒว หอบ เญย เจ๊า
• โท้ ปุน ต้ม บง ฟิ้ว-บง ตุ๊ ปู๋ง-หฒัวะ.
• ⁴ โท้ ปุน ฮู่ง เตี๋ย แป้ง ฟิม เญย เถง แปะ ฝีง บุด๋ง เญย เมี่ยน จ่ม เมี่ยน,
• เหฌียว ตั๋ง-ต๋น เญย เมี่ยน
• หย่า ฒัด เจี๊ยน เหฒย นิ่น บัว วั้ว เต๋ย.
• ⁵ บะฮนอย เหธา หฮลา หธ่อ เยียม เจี๊ยน เญย เฒี่ยง โห่,
• โท้ ปุน นิ่น บัว ท่าย เม่ย * ฮิบ^ลู หว่า ก๊อง ``โท้ ปุน นิ่น บัว ท่าย เม่ย.'' ม่าย เต๋ย โซว กัน กีก หว่า ฟาน ต้าย ก๊อง ``โท้ ปุน ฮู่ง เตี๋ย เฒี่ยง''. เถา หม่าน โก๊ว หม่าน ต่อย.
• ⁶ โท้ ปุน ฮู่ง เตี๋ย ฮนั้ง บยู่ง ตุ้ย เหฌี่ย เบี๊ยด ลิ์ว เมี้ย เญย เดา,
• หย่า ฮนั้ง บยู่ง-บ๊วน ผวน เดา-เป้ย นอ.
• ⁷ นิ่น เยียม เญย ฮนอย-เหญียะ,
• โท้ ปุน คู้ เมี่ยน หฮยาง เจี๊ยน ฝาว,
• หย่า ม่าย แป้ง ออน ธั้ม ด่ง ม่าย หฮลา เยียม.
• ⁸ โท้ ปุน นิ่น กุ๊น เญย กั๊วะ เยียม น้าย ปูง ค้อย เถา วั้ว ปูง ค้อย, * ไฟ ``เยียม น้าย นอม ค้อย มี่ง เถา วั้ว นอม ค้อย''.
• เยียม ยู^เฟ^ติด ด้าย เถา จ่ม ลู่ง เดี๊ย. * เส^คา^ลิ^ยา 9:10
• ⁹ โท้ ปุน เยียม เต่ย-ปูง-ฮวาง เญย เมี่ยน เยียม นิ่น เญย หฑะเฮมียน เกว่ย เหฌี่ย ป๋าย,
• หย่า ปุน นิ่น เญย วิน-วั้ง เบี่ย เนีย-บูง.
• ¹⁰ โท้ ปุน ทาน^ซิด เหธา หฒวัง ค้อย-โฑว เญย ฮู่ง เตี๋ย
• ธ้วด ขอ-ฒิ่น ปุน นิ่น.
• หย่า ปุน เช^บา เหธา เส^บา เญย ฮู่ง เตี๋ย
• ต้อ ฒี่ง เหญ่ย ปุน นิ่น.
• ¹¹ โท้ ปุน หฒวัง ฮู่ง เตี๋ย พัวะ เหฌี่ย นิ่น เญย หฑะเฮมียน,
• หย่า ปุน หม่าน กั๊วะ ฟู-สู นิ่น.
• ¹² เหว่ย หฒุ ตั๋ง-ต๋น เญย เมี่ยน เห่ว เจี๊ยน โท้ เญย เฒี่ยง โห่ นิ่น เหฌียว,
• หย่า เหฌียว เมี่ยน จ่ม เมี่ยน เหธา ไม้ ม่าย หาย เต้า เถง เญย เมี่ยน.
• ¹³ นิ่น ค้อ-เลี่ยน เมา เญย เมี่ยน เหธา เมี่ยน จ่ม เมี่ยน,
• หย่า เหฌียว จ่ม โค้ว เมี่ยน เญย แหม่ง.
• ¹⁴ นิ่น หฒัวะ นิ่น บัว เญย แหม่ง
  เล่ย ดุ๊ด หฒุ เหฒย, หฒุ โหฒว โตะ เญย เจ๊า.
• หฒิว นิ่น หมั่ง, นิ่น บัว เญย แหม่ง ฝุน จ๋าย เญย.
• ¹⁵ โท้ ปุน ฮู่ง เตี๋ย เฒี่ยง ตุ๊ ด๊าว.
• โท้ ปุน นิ่น ตุ๊ เช^บา เญย เจียม.
• โท้ ปุน เมี่ยน ไม้ ตี้ง เลี่ยว เญย เหว่ย นิ่น เต๋า เก๋า,
• หย่า โท้ ทิน-ฮู่ง เฒี่ยง ฮนอย เหธย ฟุ ปุน นิ่น.
• ¹⁶ โท้ ปุน เต่ย-ปูง เญย เดา ธ้วด ล่าง หฒิ ปู๋ง-หฒัวะ,
• เยียม บง กู้ หงว่าย เจี๋ย หล่าง พานๆ เญย,
• ธ้วด ต้าย กิ๊ด หย่า เจ้า เญย ฮนั้ง เล^บา^นอน เญย เก้ม,
• หย่า ปุน ฒี่ง กะญั์ว เญย เมี่ยน หฮยาง ฮนั้ง หล่ม ฮวาง เญย เมี้ย นอ.
• ¹⁷ โท้ ปุน ฮู่ง เตี๋ย เญย บั๋ว เหยียด ลิ์ว เยียม,
• นิ่น เญย เม่ง โห่ เยียม เจี๊ยน ด่ง บะฮนอย เล่า.
• หม่าน กั๊วะ เมี่ยน อ๋อย เหว่ย ฮู่ง เตี๋ย ตุ๊ ฟุ,
• หม่าน ฝีง เมี่ยน หย่า เห่ว นิ่น โหฒว ม่าย ฟุ เญย เมี่ยน.
• ¹⁸ เธง เฒี้ยว, อิ^สะ^ลา^เอน เมี่ยน เญย ทิน-ฮู่ง.
• ขูง นิ่น กั้น ไฮ่ โหฒว บัวะ ฮ่อง เญย สี่.
• ¹⁹ อ๋อย หฒุ เหยียด ลิ์ว เธง นิ่น ฌัง-หล่าง เญย บั๋ว,
• โท้ ปุน นิ่น เญย ฌัง-หล่าง ปวั๊ง ลู่ง เดี๊ย.
• อา^เมน เหธา อา^เมน.
• ²⁰ เจียด^ซี เญย ตอน, ดา^วิด, เต๋า เก๋า เญย หว่า ตอง หมี่ อ๊ะ.