สีง ฑูง 70

เต๋า เก๋า โท้ ทิน-ฮู่ง เถง

(เป๊ย หมั่ง สีง ฑูง 40:13-17 )

จิว ปุน ต้อ ฑูง เญย เมี่ยน. ดา^วิด โหฒ่ เญย สีง ฑูง. หล่ง เหว่ย ฝ่ง ห่อ เหฒี่ย จั๋ง เญย ป่วน. * เป๊ย หมั่ง เล^วี 2:2 .

• ¹ โอ ทิน-ฮู่ง อ้า! โท้ ก๊าน ต้าย เหฌียว เยีย.
• โอ เฒี้ยว อ้า! โท้ เซี้ยบๆ เญย เถง เยีย.
• ² โท้ ปุน อ๋อย เฒาะ เยีย เญย แหม่ง
• วั้ว เต๋ย เมี่ยน หฒุ ไญ้ หฒุ หลุ่น.
• โท้ ปุน ต้ง อะเฮน้ย เยีย หฒุ โค้ว วั้ว เต๋ย
• หฒุ ถุย หฑวน ฆะฮ้า หย่า หฒุ ป่าย เฮมียน.
• ³ โท้ ปุน ก๊อง, ``ฮ้า! ฮ้า!'' วั้ว เต๋ย,
• หฒุ ไญ้ หฒุ ป่าย.
• <sup>4</sup> โท้ ปุน เหยียด ฒู้ง ต้าย ล์อ เม่ย วั้ว เต๋ย,
• เฌียน-โย่ว ออน-เหลาะ,
• โท้ ปุน ฮนั้ม เม่ย เญย เหฌียว เอน วั้ว เต๋ย,
• หฒั่นๆ ก๊อง, ``ทิน-ฮู่ง หฒะเก้ง โฮล ไห่.''
• ⁵ มป่า เยีย โค้ว หย่า จ่ม ไห่.
• โอ ทิน-ฮู่ง อ้า! โท้ เซี้ยบๆ เญย ต้าย เยีย น้าย.
• เม่ย เซ ต้ง เถง เยีย, เหฌียว เยีย วั้ว เต้า.
• โอ เฒี้ยว อ้า! โท้ ไม้ ตู๋ง ไง่.