สีง ฑูง 68

ซี^นาย บง เญย ทิน-ฮู่ง
เหธา สีง ติ่น เญย ทิน-ฮู่ง

จิว ปุน ต้อ ฑูง เญย เมี่ยน.
ดา^วิด โหฒ่ เญย สีง ฑูง. เป๋น เหยียด ติ้ว ฑูง.

• ¹ โท้ ทิน-ฮู่ง เจี์ย ต้าย,
  ปุน นิ่น เญย วิน-วั้ง หฑาน เหฑ่ง.
• โท้ ปุน ฑอง นิ่น วั้ว เต๋ย เยียม นิ่น เญย วั้ว ด่าง แหมง ถิว เปย๋า.
• ² โท้ หฒุ่น นิ่น บัว เปย๋า,
• ฮนั้ง โต์ว-เสียว หฒุ หฑยาว
  ป่วน หฑาน มี่ง นอ.
• โท้ ปุน เอ๊าะ เมี่ยน เยียม ทิน-ฮู่ง เญย
  หฑะเฮมียน หฒุ เหมียด
• ฮนั้ง เมว์ย-ฑีง หฒุ โต์ว
  ปั๊ว หยุ นอ.
• ³ มป่า โท้ ปุน คู้ เมี่ยน อะเฮน้ย,
• ปุน นิ่น บัว เยียม ทิน-ฮู่ง เญย
  หฑะเฮมียน,
• หฒะเก้ง เฌียน-โย่ว ออน-เหลาะ ไห่.
• ⁴ ป๋าว ฑูง เธง ทิน-ฮู่ง, ป๋าว เธง นิ่น เญย เม่ง.
• เธง เก้ เจี๊ยน บ๋วน วั้ว เต้า, * ไฟ ``โหฒว ติ้ว เจ๊า ปุน เก้ เธีย เจี๋ย เต่ย-ปูง-ฮวาง วั้ว เต้า''.
• นิ่น เญย บั๋ว เห่ว เฒี้ยว,
• อ๋อย หฒุ เยียม นิ่น เญย หฑะเฮมียน เฌียน-โย่ว.
• <sup>5</sup> ทิน-ฮู่ง เยียม นิ่น เญย ธีง-เหฑ่ง ต๋อง
• โหฒว กู้ ฮั่น ฝุเจว๊ย เญย เตีย
• หย่า เปว เจี๊ยน เอ๊า-กว๊า.
• <sup>6</sup> ทิน-ฮู่ง ปุน โคว-โดะ เมี่ยน ม่าย เปย๊า เยียม,
• ปุน หฒุ หววน เญย เมี่ยน ธ้วด ต้าย ตุ๊ หลง.
• มป่า แหง่ง นิ่น เญย เมี่ยน
• อ๋อย หฒุ เยียม เต่ย-ปูง-ฮ์าน,
• เดา ฆาย เหฑ่ง เญย ต๋อง.
• <sup>7</sup> โอ ทิน-ฮู่ง อ้า! เม่ย เยียม
  เม่ย เญย แปะ ฝีง เญย วั้ว ด่าง แหมง ธ้วด มี่ง
• ยั่ง เจี๋ย เต่ย-ปูง-ฮวาง วั้ว หฒั่น, เซ^ลา
• <sup>8</sup> เดา ตอง เจี๊ยน ทิน-ฮู่ง ต์ง,
• ลู่ง หย่า ตุ้ย บยู่ง เหฌี่ย.
• ซี^นาย บง * ซี^นาย บง อิ^สะ^ลา^เอน เมี่ยน เยียม อี^ยิบ มี่ง คา^นา^อัน วั้ว หฒั่น, ทิน-ฮู่ง เยียม ซี^นาย บง หิ่น ธ้วด ต้าย. เยียม ทิน-ฮู่ง เญย หฑะเฮมียน,
• เซ อิ^สะ^ลา^เอน เญย ทิน-ฮู่ง เญย หฑะเฮมียน, ต์ง. * ธ้วด อี^ยิบ 19:18
• <sup>9</sup> โอ ทิน-ฮู่ง อ้า! เม่ย ปุน ลู่ง
• ตุ้ย ต้ม บยู่ง เหฌี่ย.
• เม่ย หฑิบ เญย ป่วน เดา ฆาย,
• เม่ย ปุน เญี์ยม ต้าย.
• <sup>10</sup> เม่ย เญย แปะ ฝีง เหลียบ งว์า-กอน
  เยียม วั้ว.
• โอ ทิน-ฮู่ง อ้า! เหว่ย หฒุ เม่ย หลง ไห่,
• เม่ย หลิ่ว เล์ย เหฒียง ปุน เมี่ยน จ่ม เมี่ยน.
• <sup>11</sup> เฒี้ยว หัด หว่า,
• ม่าย ต้ม กวั้น มเซียะ ตอน
• ต้อ น้าย เต๋ย คู้ เฝียน มี่ง ฒุ่น ก๊อง,
• <sup>12</sup> ``กุ๊น จุน-แปง เญย ฮู่ง
  ถิว เปย๋า เหฑ่ง.
  เปย๋า เหฑ่ง อ๊ะโล่ะ!''
• เยียม เปย๊า วั้ว เต๋ย มเซียะ ตอน ปุน ฆอย ธ้าง ต้าย เญย กะน้าย.
• ¹³ ไม้ กุ๊น นิ่น บัว หธ่อ เปว๋ย ปะกี ยู่ง ล่าน บุด๋ง,
• แปะ ก๊บ เญย ด๊าด ปวัง เจี๊ยน ญ่าน,
• ด๊าด เญย เปยย ฑ้าด เจี๊ยน เฒียน เจียม โหย่วๆ วั้ว.
• ¹⁴ เน่น เจี๋ย วั้ว เต้า * ฮิบ^ลู หว่า ก๊อง ซัด^ได.
  ปุน เยียม เต่ย-ปูง
  วั้ว เต๋ย ฮู่ง เตี๋ย หฑาน มี่ง เญย เฒี่ยง โห่,
• นิ่น ปุน ซอง ตุ้ย เหฌี่ย สัน^โมน บง.
• ¹⁵ บา^ซาน บง เป๋น โฮล ฮลัง เญย ต้ม บง.
• บา^ซาน บง ม่าย เหฒีย นอม บง-นี้ง.
• ¹⁶ นี้ง ธั้ม เญย บง อ้า!
• เม่ย เหว่ย หาย ติ่ว หมั่ง ปวัด ค้อ-ฟิ
• ทิน-ฮู่ง อ๋อย หล่ง เป๋น นิ่น เยียม เญย ต๋อง,
• เซ ต้ง เฒี้ยว อ๋อย เหยียด ลิ์ว เยียม เญย บง?
• ¹⁷ เฒี้ยว เยียม ซี^นาย บง ต้อ เจี๊ยน ธินๆ หว่านๆ นอม
  เบ๊าะ จ๋า เธีย
• เปียะ ธีง-เหฑ่ง เญย ต๋อง.
• ¹⁸ เม่ย ฝาว ฮลัง เญย ต๋อง วั้ว หฒั่น
• เม่ย ต้อ หฒุ ธ้าง เญย เมี่ยน กัน เจี๊ยน มี่ง,
• หย่า เยียม เมี่ยน บุด๋ง ฒิบ ฒี่ง เหญ่ย, * เอ^เฟ^โซ 4:8
• เลี่ยม เยียม เฮญี้ยว แหง่ง เญย เมี่ยน ฒิบ ต้าย,
• ปุน เฒี้ยว ทิน-ฮู่ง เยียม วั้ว นอม ต๋อง.
• ¹⁹ เธง เฒี้ยว, ต้ง ฮนอยๆ ดาม บัว เญย โค้ว หน่าน วั้ว เต้า.
• เซ ต้ง ทิน-ฮู่ง เหฌียว เยีย บัว. เซ^ลา
• ²⁰ เยีย บัว เญย ทิน-ฮู่ง เซ เหฌียว เยีย บัว เญย ทิน-ฮู่ง.
• เซ เฒี้ยว ทิน-ฮู่ง, เหฌียว เยีย บัว เปย๋า ดุ๊ด ไม้ หฒุ ไต่.
• ²¹ มป่า ทิน-ฮู่ง อ๋อย เบ๊าะ ฮู้ นิ่น เญย วิน-วั้ง เญย มฆ้อง,
• เซ ต้ง ม่าย บะเปยย เญย มฆ้อง-แป้ง,
• หฒั่นๆ ป์าม เจี๊ยน ฒุ์ย เญย เมี่ยน.
• ²² เฒี้ยว ก๊อง, ``เยีย อ๋อย ต้อ นิ่น บัว เยียม บา^ซาน หฑวน ต้าย,
• หย่า ปุน นิ่น บัว เยียม โด ไห่ เญย ค้อย หฑวน,
• <sup>23</sup> เหว่ย ปุน เม่ย บัว หธม เจี๊ยน เม่ย บัว เญย วิน-วั้ง เญย ฑย้าม กะญั์ว,
• เม่ย บัว เญย จู๊ หย่า ตุ๊ เบี่ย นิ่น บัว เญย ฑย้าม.''
• <sup>24</sup> โอ ทิน-ฮู่ง อ่า, เมี่ยน ปวัด เม่ย เญย เมี่ยน ไบ้ เจี๊ยน ยั่ง เจ๊า.
• เยีย เญย ทิน-ฮู่ง, เยีย เญย ฮู่ง เตี๋ย เญย เมี่ยน มี่ง เปียะ สีง ติ่น.
• <sup>25</sup> ป๋าว ฑูง เญย เมี่ยน เยียม วั้ว ด่าง แหมง,
• พัด ต้าน ป้า เญย เมี่ยน เยียม ฆะฮ้า,
• เบ๊าะ โฑ์ เญย มเซียะ ตอน เยียม บุด๋ง.
• <sup>26</sup> ``โอ อิ^สะ^ลา^เอน เมี่ยน เญย เฒ้ย-ฟุน * ฟาน หฒะ ก๊อง ``อิ^สะ^ลา^เอน เญย ววม-ฒี้ง''. อ้า!
• อ๋อย หฒุ เยียม เมี่ยน ธั้ม กั๊บ ฒุ้น เญย หวุ่ย บุด๋ง เธง ทิน-ฮู่ง, เซ เธง เฒี้ยว. ''
• <sup>27</sup> เก้า ไฝ เจี๋ย เญย เบน^ยา^มิน ฝีง มี่ง ด่าง.
• กัน ฆะฮ้า ต้าย ม่าย ยู^ดา ฝีง เญย เปย๊ย เฒ้ย,
• ม่าย เส^บู^ลุน เญย เปย๊ย เฒ้ย เหธา นับ^ทา^ลี เญย เปย๊ย เฒ้ย.
• <sup>28</sup> โอ ทิน-ฮู่ง อ้า! โท้ ปุน เม่ย เญย ชะ ธ้วด.
• โอ ทิน-ฮู่ง อ้า! โท้ หล่ง เม่ย เญย ชะ เถง เยีย บัว ฮนั้ง เม่ย เหว่ย เยีย บัว โหฒว เจี๋ย นอ.
• <sup>29</sup> เหว่ย เม่ย เยียม เย^ลู^ซา^เลม เญย เปย๊า
• หฒวัง ฮู่ง เตี๋ย ต้อ ฒี่ง เหญ่ย ปุน เม่ย.
• <sup>30</sup> โท้ เม่ย เหม อี^ยิบ, ต้ง เยียม หลัวะ ติ หล่ม กะญั์ว เญย เฮยี่ย ฒ่อย.
• เหม ง่ง โก๊ว เหธา ง่ง ตอน, เซ ฝีงๆ เมี่ยน.
• ธ้าย เหฌี่ย เม้า อ๊าบ เมี่ยน ฝูง ญ่าน ปุน นิ่น บัว วั้ว เต๋ย,
• ปุน อะเฮน้ย เบ๊าะ จ๋า เญย ฝีงๆ เมี่ยน หฑาน เหฑ่ง. * น้าย เหยี่ยม เญย ฮิบ^ลู หว่า อะ ตุ๊ เม่ง แปะ.
• <sup>31</sup> ม่าย กง-โฒ่ * กง-โฒ่ น้าย โจ๋ว ฮิบ^ลู หว่า ม่าย เต๋ย ฟาน ต้าย ก๊อง, ``หล่ง ต้ง ซิ โหฒว ต้าย เญย กะน้าย''. อ๋อย เยียม อี^ยิบ ต้าย.
• เอ^ที^โอ^เปีย เมี่ยน อ๋อย เซี้ยบๆ เญย ซูง ปั์ว โจ้ว ทิน-ฮู่ง.
• ³² โอ ลู่ง เดี๊ย หม่าน กั๊วะ อ้า!
• อ๋อย หฒุ ป๋าว ฑูง เธง ทิน-ฮู่ง,
• อ๋อย หฒุ ป๋าว ฑูง เธง เฒี้ยว. เซ^ลา
• ³³ เธง เก้ เจี๊ยน กู้ หงว่าย ลู่ง วั้ว เต้า,
• เซ เก้ เจี๊ยน เยียม โล์-ฮนอย ต้าย เญย ลู่ง.
• หมั่ง ม่าะ! นิ่น ปู๋ง นิ่น เญย เฉีย ธ้วด,
• เซ โฮล ไห่ เญย เฉีย.
• ³⁴ ฒุ่น ก๊อง ทิน-ฮู่ง ม่าย ชะ,
• โหฒว โฮล กุ๊น อิ^สะ^ลา^เอน เมี่ยน.
• นิ่น เญย ชะ หย่า เยียม วั้ว ลู่ง.
• ³⁵ โอ ทิน-ฮู่ง อ่า, เม่ย เยียม เม่ย เญย สีง ติ่น หฒะเก้ง บัวะ ฮ่อง ไห่,
• เซ อิ^สะ^ลา^เอน เญย ทิน-ฮู่ง,
• นิ่น ปุน นิ่น เญย แปะ ฝีง ม่าย ชะ เฮ้น.
• อ๋อย หฒุ เธง ทิน-ฮู่ง.