สีง ฑูง 66

เธง ทิน-ฮู่ง เหว่ย หฒุ นิ่น โหฒว เจี๋ย
บัวะ ฮ่อง เญย ต้ม สี่

จิว ปุน ต้อ ฑูง เญย เมี่ยน.
เป๋น ติ้ว ฑูง. เหยียด ติ้ว สีง ฑูง.

• ¹ ลู่ง เดี๊ย เญย หฒวัง เมี่ยน อ้า!
• อ๋อย หฒุ เฌียน-โย่ว เญย เห่ว เจี๊ยน เธง ทิน-ฮู่ง.
• ² ป๋าว ฑูง เธง นิ่น ฌัง-หล่าง เญย บั๋ว.
• เธง นิ่น ปุน ธีง นิ่น ฌัง-หล่าง ไห่.
• ³ อ๋อย หฒุ บั๋ว ทิน-ฮู่ง,
• ``เม่ย โหฒว เญย สี่
  หฒะเก้ง บัวะ ฮ่อง ไห่.
• เม่ย เญย ชะ เฮ้น ไห่,
• เม่ย เญย วิน-วั้ง ฯฒฯ เหญี่ยม ไฝ แอ๋ง พัวะ เหฌี่ย เม่ย เญย หฑะเฮมียน.
• <sup>4</sup> ลู่ง เดี๊ย เญย หฒวัง เมี่ยน ป๋าย เม่ย.
• นิ่น บัว ป๋าว ฑูง เธง เม่ย.
• นิ่น บัว ป๋าว ฑูง เธง เม่ย เญย เม่ง.'' เซ^ลา
• <sup>5</sup> ต้าย หมั่ง ทิน-ฮู่ง โหฒว เญย สี่ ม่าะ!
• นิ่น เยียม ป้าม เมี่ยน บุด๋ง โหฒว ต้ม บัวะ ฮ่อง เญย สี่.
• <sup>6</sup> นิ่น ทิ้ว ค้อย เป๋น เดา-ฆาย,
• เยีย บัว เญย อง-ถาย * ฮิบ^ลู หว่า ก๊อง นิ่น บัว. ยั่ง เจ๊า เจี๋ย ด้าย.
• เยีย บัว เยียม วั้ว เหว่ย นิ่น โหฒว เญย สี่ * ฟาน หฒะ ก๊อง เขา นิ่น. เฌียน-โย่ว. * ธ้วด อี^ยิบ 14:21-22 ; โย^ซู^วา 3:14-17
• <sup>7</sup> นิ่น หล่ง ต้ม ชะ เหยียด ลิ์ว กุ๊น,
• นิ่น เญย มฒีง หฒั่นๆ หมั่ง เจี๊ยน หม่าน ฝีง.
• อ๋อย แหง่ง ทิน-ฮู่ง วั้ว เต๋ย ไม้ ตู๋ง เธง
  กั้น โฮล. เซ^ลา
• <sup>8</sup> หม่าน ฝีง เมี่ยน อ้า! อ๋อย หฒุ เธง เยีย บัว เญย ทิน-ฮู่ง,
• ปุน เมี่ยน หมวัง ตุ๊ ไฮ์ เธง นิ่น เญย เฉีย บุย.
• <sup>9</sup> นิ่น เปว เจี๊ยน ปุน เยีย บัว ม่าย แหม่ง เฒี่ยง,
• หย่า ไม้ ปุน เยีย บัว เญย เหฒา ธ้าย พยัด.
• <sup>10</sup> โอ ทิน-ฮู่ง อ้า! เม่ย เค้า เยีย บัว.
• เม่ย สิน เยีย บัว ฮนั้ง สิน ญ่าน นอ.
• <sup>11</sup> เม่ย ปุน เยีย บัว หฒุ มู์ง หฒาว เจี๊ยน, * ไฟ ``ปุน เยีย บัว หฒุ หววน โล่''.
• ปุน เยีย บัว หฒุ เสี่ยว โค้ว ฮนั้ง เฒาะ เฮนี้ย เญย กะน้าย ปุน เยีย บัว เหญีย.
• ¹² เม่ย ปุน เมี่ยน เก้ เบ๊าะ จ๋า เธีย หงัน เยีย บัว เญย มฆ้อง.
• เยีย บัว หฒุ เจี๋ย ววม เจี๋ย โต์ว,
• มป่า เม่ย ต้อ เยีย บัว เถา นอม ปู๋ง-หฒัวะ เญย เต่ย-ปูง.
• ¹³ เยีย อ๋อย ต้อ ปั๊ว เหฒี่ย เญย กะน้าย เปียะ เม่ย เญย เปย๊า.
• เยีย อ๋อย จ๊าว ซูง เยีย แล์ง เญย แหง่ง หว่า
• ¹⁴ หฒิว หฒุ ขวน น่าน เญย เฒี่ยง โห่
• เหธา เยีย เญย ฑุ่ย เหมย ก๊อง ธ้วด เญย หว่า,
• เซ เยีย เญย ฑุ่ย แล์ง เญย.
• ¹⁵ เยีย อ๋อย ฝ่ง ห่อ จุ่น เญย แซง-คู้ โหฒว ปั๊ว เหฒี่ย เญย กะน้าย
• เหธา เจี๊ยน ปะกี ยู่ง โก๊ว โหฒว ดาง เญย เฉีย.
• เยีย หล่ง ง่ง โก๊ว เหธา ยู่ง โก๊ว ฝ่ง ห่อ
  ปุน เม่ย. เซ^ลา
• ¹⁶ ตะฟ่าน ท่าย ทิน-ฮู่ง เญย เมี่ยน กุ๊น ต้าย หมวัง ม่าะ!
• เยีย ฯฒฯ บั๋ว เม่ย บัว นิ่น เหว่ย เยีย โหฒว เญย สี่.
• ¹⁷ เยีย เห่ว เจี๊ยน โท้ นิ่น,
• เยีย หล่ง เยีย เญย เบียด เธง นิ่น, ท่าย นิ่น.
• ¹⁸ สี ก๊อง เยีย เซว่ย ฒุ์ย เยียม เยีย เญย เฮญี้ยว,
• เฒี้ยว ฒู้ง ไม้ หมวัง เยีย.
• ¹⁹ มป่า ทิน-ฮู่ง หฒะเก้ง หมวัง เยีย.
• นิ่น แปง มน่อม หมวัง เยีย เต๋า เก๋า เญย หว่า.
• ²⁰ เธง ทิน-ฮู่ง เหว่ย หฒุ นิ่น ไม้ เฆ่ม เยีย เต๋า เก๋า เญย หว่า.
• นิ่น เหฒียบ ฒัวะ เญย ฮนั้ม เยีย,
  ไม้ กวั่ง เยีย.