สีง ฑูง 64

เต๋า เก๋า โท้ ทิน-ฮู่ง เปว เจี๊ยน

จิว ปุน ต้อ ฑูง เญย เมี่ยน.
ดา^วิด โหฒ่ เญย สีง ฑูง.

• ¹ ทิน-ฮู่ง อ้า! เยีย เท้า ต้ม เฉีย เญย เฒี่ยง โห่ โท้ หมวัง เยีย เญย เฉีย.
• โท้ เม่ย เปว เจี๊ยน เยีย เญย แหม่ง, ไม้ หฒุ วิน-วั้ง ห่อย.
• ² โท้ เม่ย เถง เยีย ปี๋ง เจี๊ยน เป่ย เดี๊ย ต๊า หฒะเอ๋ย วั้ว เต๋ย เอ๊าะ เมี่ยน,
• เหธา วั้ว กวั้น เหธว หลุ่น เญย เมี่ยน.
• ³ นิ่น บัว เหฑียว กั้น เญย เบียด ฮนั้ง หฑุ ด๊าว นอ ไหล่,
• นิ่น บัว ก๊อง ธ้วด อิม ไห่ เญย หว่า ฮนั้ง เหฒียง ไห่ เญย ฟอง.
• ⁴ นิ่น บัว ปี๋ง เจี๊ยน ป๊วน ไม้ โหฒว ต่อง เญย เมี่ยน,
• เลี่ยม เฒ่ย ป๊วน นิ่น, นิ่น บัว หย่า ไม้ กั้ม เหฑีย.
• ⁵ นิ่น บัว ล่าน ขวิน ล่าน เอย นิ่น บัว หว่าย เญย หฒะเอ๋ย โหฒว.
• นิ่น บัว เป่ย เดี๊ย ธ่าง ล่าง แฒง ฮลาง ฮลบ เมี่ยน.
• นิ่น บัว ฮนั้ม ต้าย, ``หาย เต้า ไฮ่ หมั่ง ตุ๊ ปวัด เยีย บัว?''
• ⁶ หาย เต้า ไฮ่ เว้ด ธ้วด เยีย บัว โหฒว เญย หว่าย สี่?
• เยีย บัว ฮนั้ม ธ้วด ไกว๋ ไห่ เญย หฒะเอ๋ย.''
• เมี่ยน เญย เฮญี้ยว เหธา เอ๋ย
  หฒะเก้ง โด ไห่.
• ⁷ มป่า ทิน-ฮู่ง อ๋อย หล่ง ฟอง-ธัง
  ป๊วน นิ่น บัว,
• นิ่น บัว ฯฒฯ เลี่ยม เฒ่ย หฒุ มุน.
• ⁸ เหว่ย หฒุ นิ่น บัว กั้น เญย เบียด อ๋อย ห่อย นิ่น บัว หฒุ ป่าย.
• ตะฟ่าน ปวัด นิ่น บัว เญย เมี่ยน ฯฒฯ หฮวัง มฆ้อง.
• ⁹ หฒวัง เมี่ยน ฯฒฯ กั้ม เหฑีย ไห่,
• อ๋อย ฒุ่น ย่าง ทิน-ฮู่ง โหฒว เญย กง,
• หย่า ฮนั้ม เถา นิ่น โหฒว เญย สี่.
• ¹⁰ คู้ เมี่ยน ฯฒฯ เขา เฒี้ยว เฌียน-โย่ว
• หย่า อ๋อย ด้าว เขา นิ่น.
• เฮญี้ยว หฒีง เญย เมี่ยน หย่า อ๋อย เธง นิ่น.