สีง ฑูง 54

เต๋า เก๋า โท้ ทิน-ฮู่ง เถง เปย๋า ดุ๊ด วิน-วั้ง

จิว ปุน ต้อ ฑูง เญย เมี่ยน. หล่ง พัด เญย จา-สี่.
ดา^วิด โหฒ่ เญย มัด^คิน ฑูง. น้าย ติ้ว ฑูง เฟี้ย ต๋อย สิบ^อา เมี่ยน มี่ง บั๋ว เซา^โล,
``ดา^วิด ปี๋ง เยีย บัว บุด๋ง.'' * 1 ซา^มู^เอน 23:19 ; 26:1

• ¹ ทิน-ฮู่ง อ้า! โท้ หล่ง เม่ย เญย เม่ง เหฌียว เยีย.
• โท้ หล่ง เม่ย เญย ต้ม ชะ ปุน ธีง เยีย ไม้ ต่อง.
• ² โอ ทิน-ฮู่ง อ้า! โท้ เม่ย หมวัง เยีย เต๋า เก๋า,
• หมวัง ไฮ์ เยีย เญย ฑุ่ย ก๊อง เญย หว่า.
• ³ เหว่ย หฒุ ม่าย เต๋ย เธง-โฮล เญย เมี่ยน * ม่าย เต๋ย โล์-ฮนอย โซว ก๊อง, ``ต้ง เยีย ไม้ ฮิ้ว เญย เมี่ยน''. ธ้วด ต้าย เบ๊าะ เยีย.
• เมี่ยน โตะ เมี่ยน อ๋อย เฒาะ เยีย เญย แหม่ง.
• นิ่น บัว หย่า ไม้ กั้ม เหฑีย ทิน-ฮู่ง. * ฟาน หฒะ ฮิบ^ลู หว่า ก๊อง ``นิ่น บัว ไม้ เหลียบ ทิน-ฮู่ง เยียม นิ่น บัว เญย วั้ว ด่าง แหมง''. เซ^ลา
• ⁴ ทิน-ฮู่ง เซ ต้ง เถง เยีย วั้ว เต้า.
• เฒี้ยว หย่า ป๊า เจี๊ยน เยีย เญย แหม่ง.
• ⁵ โท้ ทิน-ฮู่ง หฒิว วิน-วั้ง โหฒว เญย เอ๊าะ สี่ วิ่น ปุน นิ่น บัว.
• เหว่ย หฒุ เม่ย เหฒียบ ฒัวะ เญย,
  โท้ เหมียด นิ่น บัว.
• ⁶ เยีย อ๋อย ธ้วด ฟิม เฒาะ ฝ่ง ห่อ เหฒี่ย เญย กะน้าย ปุน เม่ย.
• โอ เฒี้ยว อ่า, เยีย อ๋อย เธง เม่ย เญย เม่ง,
• เหว่ย หฒุ เม่ย เญย เม่ง เซ หลง ไห่.
• ⁷ เม่ย เหฌียว เยีย เปย๋า ดุ๊ด เยีย เญย เหยียด ฒู้ง โค้ว หน่าน.
• เยีย กั้น เญย มฒีง หย่า ปวัด เจี๊ยน เยีย เญย วิน-วั้ง หฒุ เซวย.