สีง ฑูง 50
ทิน-ฮู่ง โหฒว แป้ง ฟิม เญย
เซี้ยม ฒุ์ย เจียน
อา^สาบ
โหฒ่ เญย สีง ฑูง.
-
1 เฒี้ยว,
เน่น เจี๋ย เญย ทิน-ฮู่ง, ก๊อง.
- นิ่น ก๊อง เห่ว ลู่ง เดี๊ย เยียม บะฮนอย ธ้วด เถา บะฮนอย ม้วด เญย ต๋อง.
-
2 เยียม เก้า เหฑว่ย เจี๋ย เญย สิ^โอน ฒี่ง,
- ทิน-ฮู่ง หฒิว ธ้วด นิ่น เญย ฌัง.
-
3 เยีย บัว เญย ทิน-ฮู่ง ต้าย,
- นิ่น หย่า ไม้ เฒ์ย เซ้กๆ เญย,
- ม่าย โต์ว เยียม นิ่น วั้ว ด่าง แหมง
ปั๊ว ชุย เหฑ่ง,
- ม่าย ต้ม หฑยาว-เจี๊ยะ เว่ย ก๋อม นิ่น.
-
4 นิ่น เห่ว ลู่ง เหธา เดา โหฒว ฒอง-เหฒง,
- เหว่ย นิ่น อ๋อย เซี้ยม นิ่น เญย แปะ ฝีง.
-
5 นิ่น ก๊อง, ``ต้อ เยีย เหฒียบ ฒัวะ เญย แปะ ฝีง ต้าย เยีย น้าย,
- ต้ง หล่ง เหฒี่ย เญย กะน้าย
- เหธา เยีย เหลียบ เจี์ย แหง่ง หว่า เญย เมี่ยน.''
-
6 หฒวัง ลู่ง ปุน ธีง
ทิน-ฮู่ง เซ แป้ง ฟิม เญย,
- เหว่ย หฒุ นิ่น เซ เซี้ยม ฒุ์ย เจียน. เซ^ลา
-
7 ``โอ เยีย เญย แปะ ฝีง อ้า! หมวัง ม่าะ! เยีย ฯฒฯ ก๊อง,
- อิ^สะ^ลา^เอน เมี่ยน อ้า! เยีย อ๋อย โหฒว ฒอง-เหฒง โก๋ เม่ย บัว อ๊ะ.
- เยีย เซ ทิน-ฮู่ง, เม่ย บัว เญย ทิน-ฮู่ง.
-
8 เยีย ไม้ เฒ์ย เหว่ย เม่ย บัว เหฒี่ย เญย กะน้าย ก๊อง-เหม เม่ย บัว.
- เม่ย บัว ปั๊ว เหฒี่ย ปุน เยีย เญย กะน้าย หฒั่นๆ เยียม เยีย เญย หฑะเฮมียน.
-
9 เยีย ไม้ เฉียม หฒุ เหยียด เต้า เยียม เม่ย บัว เญย ง่ง ล่าน
เญย ง่ง โก๊ว,
- ไฟ เยียม เม่ย บัว เญย ยู่ง กวั้น เญย ยู่ง โก๊ว.
-
10 เหว่ย หฒุ เยียม หล่ม เญย เหยียด ฒู้ง เฮยี่ย ฒ่อย เป๋น เยีย เญย,
- เลี่ยม เหยียด ธิน นอม บง เญย แซง-คู้ หย่า เป๋น เยีย เญย.
-
11 เยียม ลู่ง
เญย เหยียด ฒู้ง เหนาะ เยีย หย่า ฮิ้ว เญย,
- เยียม เดา ม่าย แหม่ง เญย กะน้าย
เป๋น เหฑ่ง เยีย เญย.
-
12 สี ก๊อง เยีย เฮญี้ยว เซีย,
- เยีย ไม้ บั๋ว เม่ย,
- เหว่ย หฒุ ป้าม เกน เหธา
- เยียม ป้าม เกน เญย เหยียด ฒู้ง กะน้าย เป๋น เยีย เญย.
-
13 เยีย หญั่น ง่ง เญย อ๊อ ไฟ?
- เยีย ฮบ ยู่ง เญย ฑย้าม ไฟ?
-
14 อ๋อย หฒุ หล่ง ตอ-เหฒี่ย เญย หว่า เป๋น ฝ่ง ห่อ เหฒี่ย ปุน ทิน-ฮู่ง เญย กะน้าย,
- หย่า จ๊าว ซูง เม่ย เหธา เยียม ฮลัง เจี๋ย วั้ว เต้า แล์ง เญย แหง่ง หว่า.
-
15 ปวั้ง หฒุ โค้ว หน่าน เญย เฒี่ยง โห่ อ๋อย หฒุ โท้ เยีย.
- เยีย ฯฒฯ เหฌียว เม่ย, เม่ย หย่า อ๋อย
ท่าย เยีย.
16 มป่า ทิน-ฮู่ง ก๊อง บั๋ว เอ๊าะ เมี่ยน,
- ``เม่ย ม่าย หาย หญู่ง เล์ย ฒุ่น ก๊อง เยีย เญย เล์ย-เหญ่ย,
- ไฟ ปุน เม่ย เญย ฑุ่ย แล์ง เยีย เญย แหง่ง หว่า?
-
17 เม่ย ฑอง เยีย เบ๊าะ หฌาว เญย หว่า,
- หย่า เฒาะ เยีย เญย หว่า ฒอย กวั่ง เม่ย เญย ฆะฮ้า ฆาง.
-
18 สี ก๊อง เม่ย ปวัด เต้า จั๋น-หฒะ,
- เม่ย อะเฮน้ย เหธา นิ่น โหฒว ต่อย.
- เม่ย หย่า เหธา เหฮยียน เอ๊า เหฮยียน โหฆ เญย เมี่ยน โหฒว ต่อย.
-
19 เม่ย เญย ฑุ่ย เซว่ย ก๊อง เอ๊าะ เญย หว่า,
- เม่ย เญย เบียด เห่ ตุ๊ ก๊อง-แปะ.
-
20 เม่ย เฒว์ย เจี๊ยน เซว่ย ปิ่น ก๊อง กั้น เญย มั์ว-ต่อย,
- หย่า ก๊อง หว่า-ฮู้ ห่อย เธียน มา เญย ฝุเจว๊ย.
-
21 เม่ย โหฒว น้าย เต๋ย สี่, เยีย หย่า ไม้ โค โล.
- เม่ย ฮนั้ม ต้าย เยีย ฮนั้ง เม่ย นอ,
- มป่า อี้ หฒั่น เยีย อ๋อย เหม เม่ย,
- เฒาะ น้าย เต๋ย สี่ ป๊าย เจี๊ยน เม่ย เญย หฑะเฮมียน.
-
22 ``เม่ย บัว หละคุ ทิน-ฮู่ง เญย เมี่ยน อ้า! หลงๆ เญย ฮนั้ม หมั่ง ก๋า!
- ไม้ เฒย แอ๊ะ, เยีย อ๋อย เฒาะ เม่ย บัว เหมียด เหฑ่ง,
- หย่า ไม้ ม่าย เมี่ยน ไฮ่ เหฌียว.
-
23 หาย เต้า ตอ-เหฒี่ย เหว่ย โหฒว ฝ่ง ห่อ เหฒี่ย เญย กะน้าย ปุน เยีย,
- วั้ว เต้า ท่าย เยีย.
- หาย เต้า เหลียบ ตี่ง เฮญี้ยว ยั่ง หอบ เญย เจ๊า,
- เยีย อ๋อย ปุน นิ่น ตุ๊ ทิน-ฮู่ง เญย เหฌียว เอน.
