สีง ฑูง 48

ทิน-ฮู่ง เญย ฒี่ง, สิ^โอน, ฌัง-หล่าง ไห่

เป๋น ติ้ว ฑูง.
âค^ลา เญย เฒ้ย-ฟุน โหฒ่ เญย สีง ฑูง.

• ¹ เฒี้ยว หฒะเก้ง เว่ย โฮล,
• หย่า ผุย ตุ๊ เมี่ยน ธั้มๆ เญย เธง
• เยียม เยีย บัว เญย ทิน-ฮู่ง เญย ฒี่ง,
• เซ เยียม นิ่น เญย ธีง-เหฑ่ง บง.
• ² หมั่ง น้าย นอม บง โหย่ว ฮลัง โหย่ว เหฑว่ย,
• ปุน ลู่ง เดี๊ย เญย หฒวัง เมี่ยน เฌียน-โย่ว.
• เซ ต้ม ฮู่ง เตี๋ย เญย ฒี่ง, สิ^โอน บง, * มัด^ทาย 5:35
• เยียม ป๊ะ ปูง โก เญย ต๋อง,
• ³ ทิน-ฮู่ง เยียม ฒี่ง กะญั์ว เหยียด นอม ว้วน เญย ต๋อง,
• ปุน ธีง นิ่น กั้น เป๋น ว้วน เญย ต๋อง.
• ⁴ หมั่ง ม่าะ! หฒวัง ฮู่ง เตี๋ย กั๊บ ฒุ้น ต้าย,
• ล่ม ฑ่อย ธ้วด มี่ง อ๋อย เบ๊าะ น้าย นอม ฒี่ง.
• ⁵ นิ่น บัว เยี้ยด ปวัด น้าย นอม ฒี่ง นิ่น บัว บัวะ ฮ่อง ไห่.
• กั้ม เหฑีย เกา, ฮวางๆ ฒางๆ เญย เปย๋า.
• ⁶ นิ่น บัว กั้ม เหฑีย ไห่, ซิน หฒิน เหฑ่ง,
• โค้ว เกา, ฮนั้ง มเซียะ ตอน มุน กู้งว์า นอ,
• ⁷ หย่า ฮนั้ง ทาน^ซิด เญย ฑั้ง
• หฒุ ตง ปูง เญย ต้ม หฑยาว ป่วน หว่าย.
• ⁸ เยีย บัว ไฮ์ เจี๋ย ฮนั้ง หาย นอ,
• อี้ หฒั่น เยีย บัว ปวัด ฮนั้ง วั้ว นอ,
• เยียม เน่น เจี๋ย เญย เฒี้ยว เญย ฒี่ง,
• เซ เยียม เยีย บัว เญย ทิน-ฮู่ง เญย ฒี่ง.
• น้าย นอม ฒี่ง ทิน-ฮู่ง เหลียบ เถา เหยียด ลิ์ว. เซ^ลา
• ⁹ โอ ทิน-ฮู่ง อ่า, เยีย บัว เยียม เม่ย เญย เปย๊า
• จั๋ง หฒุ เม่ย เหฒียบ ฒัวะ เญย ฮนั้ม เมี่ยน.
• ¹⁰ โอ ทิน-ฮู่ง อ่า, ฮนั้ง เม่ย เญย เม่ง ฒุ่น จ่ม ลู่ง เดี๊ย,
• เมี่ยน หย่า ฮนั้ง วั้ว นอ เธง เม่ย เถา ลู่ง กอน.
• เม่ย หล่ง แป้ง ฟิม เญย เจ๊า กุ๊น. * ฟาน หฒะ ฮิบ^ลู หว่า ก๊อง ``เม่ย เญย บย่าว เจี๊ยะ ปั์ว ม่าย แป้ง ฟิม ปวั๊ง เหฑ่ง''.
• ¹¹ โท้ ปุน สิ^โอน บง เญย เมี่ยน อะเฮน้ย,
• ปุน ยู^ดา ฒี่ง เญย เมี่ยน เฌียน-โย่ว,
• เหว่ย หฒุ เม่ย แป้ง ฟิม เญย เซี้ยม.
• ¹² ยั่ง ก๋อม สิ^โอน ม่าะ! ฮวีง ก๋อม เหฑ่ง.
• ซ้าว ฒี่ง เญย ล่าว.
• ¹³ สัม หมั่ง ฒี่ง เญย ฒี่ง หลาด,
• ฒ่า หมั่ง ฒี่ง ว้วน เจี๋ย เญย ต๋อง,
• เหว่ย ก๊อง บั๋ว โฮ์ ต่อย เมี่ยน.
• ¹⁴ เหว่ย หฒุ น้าย เต้า ทิน-ฮู่ง,
• เซ เยีย บัว เญย ทิน-ฮู่ง เถา หม่าน โก๊ว หม่าน ต่อย.
• นิ่น เหยียด ลิ์ว เหยียด เสย ต้อ เยีย บัว.