สีง ฑูง 36

เอ๊าะ เมี่ยน โหฒว เอ๊าะ สี่

จิว ปุน ต้อ ฑูง เญย เมี่ยน. เฒี้ยว เญย โปว, ดา^วิด, โหฒ่ เญย สีง ฑูง.

• ¹ ฒุ์ย เยียม เอ๊าะ เมี่ยน เญย เฮญี้ยว โด เญย ต๋อง เหธา เอ๊าะ เมี่ยน ก๊อง.
• หฒิว นิ่น เญย มฒีง หมั่ง, นิ่น ไม้ หฒุ กั้ม เหฑีย ทิน-ฮู่ง. * โล^มา 3:18
• ² นิ่น เธง นิ่น กั้น เญย ฮ่า ป้า ปวัง,
• หล่าย ไม้ ม่าย หาย เต้า ไฮ่ ฮิ้ว ไฟ ฑอง นิ่น เญย ฒุ์ย. * ไฟ ``นิ่น ฯฒฯ เฒียะ ไม้ ตุ๊ กั้น เญย ฒุ์ย หย่า ไม้ โหยว''.
• ³ นิ่น เญย ฑุ่ย ก๊อง เอ๊าะ เญย หว่า, ก๊อง-แปะ ดั๊ว เมี่ยน.
• ธง-เม่ง เญย เจ๊า เหธา คู้ สี่ นิ่น ตี้ง,
  ไม้ โหฒว อ๊ะ.
• ⁴ นิ่น เปว๋ย เจี๊ยน โหธว ฮนั้ม ธ้วด โหฒว หว่าย เญย สี่.
• นิ่น ตี่ง เฮญี้ยว โหฒว ไม้ เป๋น เญย เจ๊า,
• นิ่น หย่า ไม้ เฆ่ม โหฒว เอ๊าะ เญย สี่.
• ⁵ โอ เฒี้ยว อ่า, เม่ย เหฒียบ ฒัวะ ฮนั้ม เมี่ยน เญย เฮญี้ยว เซ แบ่ง ลู่ง ฮลัง.
• เม่ย เหฒียบ ฒัวะ เญย เฮญี้ยว แบ่ง ด๊าม-ลู่ง. * ฟาน หฒะ ก๊อง แบ่ง บ๋วน.
• ⁶ เม่ย เซ แป้ง ฟิม ฮนั้ง ทิน-ฮู่ง เญย
  หฒวัง บง.
• เม่ย ตุ๋น สี่ เซ ฮนั้ง โด ไห่ เญย ค้อย.
• โอ เฒี้ยว อ่า, เมี่ยน ม่าน เหธา แซง-คู้ เม่ย หย่า เหฌียว.
• ⁷ โอ ทิน-ฮู่ง อ่า, เม่ย เหฒียบ ฒัวะ เญย ฮนั้ม เมี่ยน เซ หฒะเก้ง จ๋าย ไห่.
• ป้าม เมี่ยน โฮลๆ ไฝๆ
• เยียม เม่ย เญย ด๊าด-เดี๊ย เญย ต้ง ลิ่น.
• ⁸ นิ่น บัว หญั่น เยียม เม่ย เญย เปย๊า ปู๋ง-หฒัวะ เญย กะน้าย เป๊ว,
• เม่ย หย่า ปุน นิ่น บัว ฮบ เม่ย เญย ออน-เหลาะ ด้าย เญย ววม.
• ⁹ เหว่ย หฒุ เยียม วั้ว ม่าย เฒี่ยง แหม่ง เญย ววม-ฒี้ง.
• เยียม เม่ย เญย ฌัง เยีย บัว ตุ๊ ปวัด ฌัง.
• ¹⁰ โท้ เม่ย เหฒียบ ฒัวะ เญย ฮนั้ม เจี๊ยน มี่ง ต้ง ฮิ้ว ตุ๊ เม่ย วั้ว เต๋ย,
• หย่า แป้ง ฟิม เญย โหฒว ปุน เฮญี้ยว หฒีง เญย เมี่ยน.
• ¹¹ โท้ ไม้ ตู๋ง ปุน โหฒว เหมา เญย เมี่ยน เญย เหฒา ธ้าย เยีย,
• หย่า ไม้ ตู๋ง ปุน เมี่ยน หว่าย เมี่ยน เญย ปั์ว หฒุ่น เยีย เปย๋า.
• ¹² หมั่ง ม่าะ! โหฒว เอ๊าะ เญย เมี่ยน คีง เหฌี่ย เปว๋ย เจี๊ยน วั้ว.
• นิ่น บัว หฒุ ฟ้ง ดอบ มี่ง, ไม้ ไฮ่ แอ๋ง เจี์ย ซิน ต้าย.