สีง ฑูง 28

เต๋า เก๋า โท้ เฒี้ยว เถง
หย่า เธง เหว่ย หฒุ นิ่น เตา

ดา^วิด โหฒ่ เญย สีง ฑูง.

• ¹ โอ เฒี้ยว อ้า! เยีย เห่ว เจี๊ยน เม่ย,
• เยีย เญย หละเปย๊ย อ้า!
• โท้ เม่ย หมวัง เยีย,
  ไม้ ตู๋ง โหฒว ฮนั้ง มน่อม ดูง.
• เหฑีย เม่ย ไม้ เตา เยีย,
• เยีย ฯฒฯ ฮนั้ง เหฌี่ย เยี่ยม เกน วั้ว เต๋ย เมี่ยน นอ.
• ² โท้ หมวัง ไฮ์ เยีย เต๋า เก๋า เห่ว เจี๊ยน โท้ เม่ย เถง,
• ต้ง เยีย ซูง เจี๊ยน ปั์ว
  หูง เจี๊ยน เม่ย เก้า ธีง-เหฑ่ง เจี๋ย เญย สีง ติ่น * ฮิบ^ลู หว่า ก๊อง ``สีง ติ่น กะญั์ว เก้า ธีง-เหฑ่ง เจี๋ย วั้ว ฉง''. โท้ เญย เฒี่ยง โห่.
• ³ โท้ ไม้ ตู๋ง เฒาะ เยีย เหธา เมี่ยน
  หว่าย เมี่ยน
• เหธา โหฒว เอ๊าะ เญย เมี่ยน เหยียด เหฌี่ย ตี่ง ฒุ์ย.
• นิ่น บัว เหธา จวั่ง ล์าง เมี่ยน ก๊อง แป้ง ออน เญย หว่า,
• มป่า เฮญี้ยว กะญั์ว นิ่น บัว อ๋อย โหฒว โตะ.
• ⁴ โท้ เม่ย เอย นิ่น บัว โหฒว เญย เจ๊า,
• หย่า หฒิว นิ่น บัว โหฒว เญย เอ๊าะ สี่ วิ่น ปุน นิ่น บัว.
• หฒิว นิ่น บัว เญย ปั์ว โหฒว เญย,
• หย่า หฒิว นิ่น บัว หอบ หฒุ ตุ๊ เญย, โท้ วิ่น ปุน นิ่น บัว. * หล่าว ย่าง 22:12
• ⁵ เหว่ย หฒุ นิ่น บัว ไม้ ม่าย เฮญี้ยว ท่าย เฒี้ยว โหฒว เญย กง,
• ไฟ นิ่น เญย ปั์ว โหฒว ต้าย เญย,
• นิ่น อ๋อย ป่าย หว่าย นิ่น บัว,
• หย่า ไม้ เหธย นิ่น บัว เจี์ย อ๊ะ.
• ⁶ อ๋อย หฒุ เธง เฒี้ยว,
• เหว่ย หฒุ นิ่น หมวัง ไฮ์ เยีย โท้ เญย หว่า.
• ⁷ เฒี้ยว เซ เยีย เญย ชะ เหธา เยีย เญย ท้อง-ป้าย,
• เยีย เญย เฮญี้ยว เขา นิ่น,
  นิ่น ฯฒฯ เถง เยีย.
• เยีย เญย เฮญี้ยว หย่า เฌียน-โย่ว ไห่,
• เยีย ฯฒฯ ป๋าว ฑูง ตอ-เหฒี่ย นิ่น.
• ⁸ เฒี้ยว เซ นิ่น เญย แปะ ฝีง เญย ชะ,
• นิ่น เซ ว้วน เญย ต๋อง เหฌียว นิ่น หล่ง โย่ว ออน ต้าย โหฒว ฮู่ง วั้ว เต้า.
• ⁹ โท้ เหฌียว เม่ย เญย แปะ ฝีง,
• หย่า เหธย ฟุ ปุน เม่ย หฑิบ เญย เมี่ยน.
• โท้ เม่ย โก๋ว นิ่น บัว ฮนั้ง โก๋ว ปะกี ยู่ง เมี่ยน โก๋ว นิ่น บัว เญย ยู่ง นอ.
• โท้ เหยียด ลิ์ว ต้อ นิ่น บัว.