สีง ฑูง 24

ฌัง-หล่าง เญย ฮู่ง เตี๋ย

ดา^วิด โหฒ่ เญย สีง ฑูง.

• ¹ เดา- เป้ย เหธา เยียม เดา-เป้ย เญย หม่าน หมวด เป๋น เฒี้ยว เญย.
• ลู่ง เดี๊ย เหธา ลู่ง เดี๊ย เญย หม่าน เมี่ยน หย่า นิ่น เญย. * 1 โค^ลิน^โท 10:26
• ² นิ่น เหธย ป้าม เกน เจี์ย ต้าย เยียม ค้อย กู้ หงว่าย,
• เซ เหลียบ เจี๊ยน เยียม ววม กู้ หงว่าย.
• ³ หาย เต้า ม่าย เล์ย ฝาว เฒี้ยว เญย บง?
• หาย เต้า ไฮ่ โซ้ว เจี๊ยน เยียม นิ่น เญย ธีง-เหฑ่ง ต๋อง?
• ⁴ เซ ต้ง โหฒว เญย สี่ เหธา ฮนั้ม เญย เจ๊า ธีง-เหฑ่ง เญย เมี่ยน, * ฟาน หฒะ ฮิบ^ลู หว่า ก๊อง ``ปั์ว เหฑ่ง, เฮญี้ยว ธีง-เหฑ่ง เญย เมี่ยน''.
• ต้ง ไม้ เจี์ย เฮญี้ยว โหฒว จ๊า เญย สี่, * ไฟ ป๋าย หมิ่ว-ฝัง.
• หย่า ไม้ หละไกว้ โฮ้ว จ๊า หว่า. * มัด^ทาย 5:8
• ⁵ นิ่น อ๋อย ตุ๊ เฒี้ยว เหธย ฟุ.
• เหฌียว นิ่น วั้ว เต้า ทิน-ฮู่ง หย่า อ๋อย ปุน ธีง นิ่น โหฒว ตุ๊ หอบ.
• ⁶ เซ ต้ง น้าย หญู่ง เมี่ยน ต้าย ล์อ นิ่น,
• ต้าย เยียม ยา^โค้บ เญย ทิน-ฮู่ง เญย หฑะเฮมียน. เซ^ลา
• ⁷ คอย ฆอย หลาด แก้ง ม่าะ!
• คอย ฆอย โล์-ฮนอย เญย แก้ง.
• ม่าย ฌัง-หล่าง เญย ฮู่ง อ๋อย เปียะ ต้าย.
• ⁸ น้าย เต้า ฌัง-หล่าง เญย ฮู่ง ต้ง หาย เต้า?
• เซ ต้ง ม่าย ชะ เฮ้น ไห่ เญย เฒี้ยว,
• ต้ง เบ๊าะ จ๋า เฮ้น เญย เฒี้ยว.
• ⁹ คอย ฆอย หลาด แก้ง ม่าะ!
• คอย ฆอย โล์-ฮนอย เญย แก้ง.
• ม่าย ฌัง-หล่าง เญย ฮู่ง อ๋อย เปียะ ต้าย.
• ¹⁰ น้าย เต้า ฌัง-หล่าง เญย ฮู่ง ต้ง หาย เต้า?
• เซ เน่น เจี๋ย เญย เฒี้ยว.
• ต้ง น้าย เต้า โหฒว ฌัง-หล่าง เญย ฮู่ง. เซ^ลา