สีง ฑูง 20

เต๋า เก๋า โท้ เบ๊าะ ฮี่ง วิน-วั้ง

จิว ปุน ต้อ ฑูง เญย เมี่ยน.
ดา^วิด โหฒ่ เญย สีง ฑูง.

• ¹ เม่ย ปวั้ง หฒุ โค้ว หน่าน เญย ฮนอย-เหญียะ โท้ เฒี้ยว เตา,
• โท้ ยา^โค้บ เญย ทิน-ฮู่ง * ฮิบ^ลู หว่า ก๊อง ทิน-ฮู่ง เญย บั๋ว. เปว เจี๊ยน เม่ย.
• ² โท้ นิ่น เยียม สีง ติ่น เถง เม่ย,
• หย่า เยียม สิ^โอน บง เปว เจี๊ยน เม่ย.
• ³ โท้ นิ่น จั๋ง เม่ย ฝ่ง ห่อ เญย หญู่งๆ กะน้าย,
• หย่า อะเฮน้ย เม่ย ปั๊ว เหฒี่ย เญย เหยียด ฒู้ง. เซ^ลา
• ⁴ โท้ นิ่น ปุน เม่ย ตุ๊ หฒิว เม่ย เญย เฮญี้ยว อ๋อย เญย,
• หย่า เอย เจี๊ยน เม่ย เญย เหยียด ฒู้ง หฒะเอ๋ย โหฒว เหฒียง.
• ⁵ เยีย บัว ฯฒฯ เฌียน-โย่ว เญย เห่ว เหว่ย เม่ย ฮี่ง เจี๋ย,
• เยีย บัว หย่า เต๊ง เยีย บัว เญย ทิน-ฮู่ง เญย บั๋ว เหลียบ เยีย บัว เญย เก้.
• โท้ เฒี้ยว เตา เม่ย โท้ เญย เหยียด ฒู้ง หว่า.
• ⁶ อี้ หฒั่น เยีย ฮิ้ว ตุ๊ เฒี้ยว อ๋อย เถง * ฮิบ^ลู หว่า ก๊อง เหฌียว. นิ่น หล่ง โย่ว ออน ต้าย วั้ว เต้า.
• นิ่น อ๋อย เยียม นิ่น ธีง-เหฑ่ง เญย ทิน-ต้อง เตา.
• นิ่น หล่ง นิ่น เญย บย่าว เจี๊ยะ ปั์ว เญย ต้ม ชะ เถง ฮี่ง เจี๋ย.
• ⁷ ม่าย เต๋ย เขา * เขา ไฟ ปู๋ง หว่า-เหมา. นิ่น บัว เญย เบ๊าะ จ๋า เธีย, ม่าย เต๋ย เขา นิ่น บัว เญย ม์า,
• มป่า เยีย บัว เขา เฒี้ยว, เยีย บัว เญย ทิน-ฮู่ง. * ฮิบ^ลู หว่า ก๊อง ทิน-ฮู่ง เญย เม่ง.
• ⁸ นิ่น บัว ฯฒฯ ดอบ,
  คีง เหฌี่ย,
• มป่า เยีย บัว ตุ๊ เจี์ย ซิน โซ้ว ว้วน.
• ⁹ โอ เฒี้ยว อ่า, โท้ เถง ฮู่ง เตี๋ย ฮี่ง เจี๋ย.
• เยีย บัว เห่ว เญย เฒี่ยง โห่, โท้ เตา เยีย บัว.