สีง ฑูง 2

ทิน-ฮู่ง เหลียบ เญย ฮู่ง ตุ๊ กุ๊น

• ¹ หม่าน กั๊วะ เญย เมี่ยน เหว่ย หาย ติ่ว ฟ้าน หลุ่น?
• หม่าน ฝีง เมี่ยน เหว่ย หาย ติ่ว ต๊า ไม้ ลั่ม หล่ง เญย หฒะเอ๋ย? * กง-โฒ่ 4:25-26
• ² ลู่ง เดี๊ย เญย หฒวัง ฮู่ง เตี๋ย ต้ง เฮญี้ยว ธ่าง ล่าง,
• กุ๊น หม่าน กั๊วะ เญย เมี่ยน ล่ม ฑ่อย ต๊า หฒะเอ๋ย แหง่ง เฒี้ยว
• เหธา นิ่น หล่ง โย่ว ออน ต้าย เญย
  ฮู่ง เตี๋ย.
• ³ นิ่น บัว ก๊อง, ``บัว อ๋อย หฒุ ธุด ตั๋ง นิ่น บัว โด้ เญย หลิ่ม,
• หย่า ไจ๊ ฆอย นิ่น บัว โด้ บัว เญย ฮลาง.''
• <sup>4</sup> เฒี้ยว เยียม กู้ หงว่าย ลู่ง เฒว์ย เจี๊ยน เหว่ย จั๊ด นิ่น บัว,
• หย่า ฮว้วด นิ่น บัว.
• <sup>5</sup> นิ่น เฉีย เจี์ย เจี๊ยน เหธา นิ่น บัว ก๊อง หว่า,
• นิ่น โน์ว ไห่ ฯฒฯ แฮะ นิ่น บัว กั้ม เหฑีย. นิ่น ก๊อง,
• <sup>6</sup> ``เยีย ฒู้ง เหลียบ เยีย กิ๊น ต้าย เญย ฮู่ง,
• เยียม เยีย เญย ธีง-เหฑ่ง บง, สิ^โอน. ''
• ⁷ ฮู่ง เตี๋ย ก๊อง, ``เยีย อ๋อย ฒุ่น เฒี้ยว เหฌี่ย เญย หลี่ง.
• ``นิ่น ก๊อง บั๋ว เยีย, `เม่ย โหฒว เยีย เญย ตอน,
• อี้ ฮนอย เยีย เป๋น เม่ย เญย เตีย. * กง-โฒ่ 13:33 ; ฮิบ^ลู 1:5 ; 5:5
  
• ⁸ กุ๊น โท้ เยีย ม่าะ!
• เยีย ฯฒฯ เฒาะ หม่าน กั๊วะ
  จิว ปุน เม่ย หฑิบ,
• เฒาะ เหฑ่ง ลู่ง เดี๊ย
  จิว เป๋น เม่ย เญย ป่วน.
• ⁹ เม่ย ฯฒฯ หล่ง เฮลียะ-ปย๊า เบ๊าะ นิ่น บัว ฮู้,
• หย่า ฒง นิ่น บัว ฮนั้ง ฒง เนีย-มอ ฮู้ หม่วน เหฑ่ง นอ.''' * หล่าว ย่าง 2:26-27 ; 12:5 ; 19:15
  
• ¹⁰ โอ หฒวัง ฮู่ง เตี๋ย อ้า! ฮนั้ง หน่าย อ๋อย หฒุ ม่าย ธง-เม่ง.
• โอ กุ๊น ลู่ง เดี๊ย เญย เมี่ยน อ้า!
• อ๋อย หฒุ หมวัง น้าย เต๋ย ต๊น เญย หว่า.
• ¹¹ อ๋อย หฒุ กั้ม เหฑีย เจี๊ยน ฟู-สู เฒี้ยว,
• อ๋อย หฒุ หฒะเก้ง ท่าย นิ่น. * ฟาน หฒะ ก๊อง อ๋อย หฒุ ซิน หฒิน.
• ¹² อ๋อย หฒุ พัวะ เหฌี่ย นิ่น เญย หฑะเฮมียน. * น้าย โจ๋ว ฮิบ^ลู หว่า เญย เอ๋ย เล์ย อี้ จ๋า ฮนอย เญย เมี่ยน ไม้ เม่ง แปะ. ม่าย เต๋ย โซว ฟาน ต้าย ก๊อง ฒม ตอน. ม่าย เต๋ย ก๊อง ฒม นิ่น เญย เหฒา.
• ไม้ เฒย แอ๊ะ, เหฑีย นิ่น เฉีย เจี์ย,
• เม่ย บัว ฯฒฯ ไฮ่ หฒุ เหมียด,
• เหว่ย หฒุ นิ่น เญย กะเฉีย ไฮ่ เซี้ยบๆ เญย แป๊ด ธ้วด.
• ตะฟ่าน ด้าว เขา นิ่น วั้ว เต๋ย
  ม่าย ออน-เหลาะ.