สีง ฑูง 18

ดา^วิด เธง เฒี้ยว
เหว่ย เฒี้ยว ฮี่ง เจี๋ย วิน-วั้ง * เป๊ย หมั่ง 2 ซา^มู^เอน 22:1-51 .

จิว ปุน ต้อ ฑูง เญย เมี่ยน. เฒี้ยว เญย โปว, ดา^วิด, โหฒ่ เญย สีง ฑูง. ดา^วิด ป๋าว น้าย ติ้ว ฑูง เญย หว่า ปุน เฒี้ยว ต๋อย เฒี้ยว เหฌียว นิ่น เปย๋า ดุ๊ด นิ่น เญย เหยียด ฒู้ง วิน-วั้ง เญย ปั์ว-เดี๊ย เหธา เซา^โล เญย ปั์ว-เดี๊ย วั้ว ฮนอย. นิ่น ก๊อง,

• ¹ โอ เฒี้ยว อ่า, เม่ย โหฒว เยีย เญย ชะ. เยีย ฮนั้ม เม่ย.
• ² เฒี้ยว โหฒว เยีย เญย หละเปย๊ย,
  เยีย เขา ว้วน เญย ต๋อง เหธา เหฌียว เยีย วั้ว เต้า.
• เยีย เญย ทิน-ฮู่ง, เซ เยีย เญย หละเปย๊ย, ต้ง เยีย ด้าว เขา วั้ว เต้า.
• นิ่น โหฒว เยีย เญย ท้อง-ป้าย, โหฒว ชะ * ฮิบ^ลู หว่า ก๊อง จอง. จอง เป๊ย เถา ชะ. เหฌียว เยีย,
  โหฒว ว้วน เญย ต๋อง เปว เยีย.
• ³ เยีย เห่ว เฒี้ยว, ต้ง ผุย ตุ๊ เมี่ยน เธง วั้ว เต้า.
• นิ่น หย่า เหฌียว เยีย เปย๋า ดุ๊ด เยีย เญย วิน-วั้ง.
• ⁴ ม่าย ไฮ่ ไต่ เญย ชะ ฮนั้ง ฮลาง เหฑ่น เจี๊ยน เยีย,
• หฒุ เหมียด เญย เจ๊า ฮนั้ง ววม-หล่าง เป๊ะ เหยียม เจี๊ยน เยีย.
• ⁵ เยี่ยม เกน เญย ฮลาง เหฑ่น เจี๊ยน เยีย,
• ไฮ่ ไต่ เญย ชะ ฮนั้ง มู์ง นอ หฒาว เจี๊ยน เยีย.
• ⁶ หฒุ โค้ว เญย เฒี่ยง โห่
  เยีย เห่ว เจี๊ยน โท้ เฒี้ยว.
• เยีย เห่ว เจี๊ยน โท้ เยีย เญย ทิน-ฮู่ง เถง.
• นิ่น เยียม นิ่น เญย สีง ติ่น กะญั์ว หมวัง ไฮ์ เยีย เญย เฉีย.
• เยีย เห่ว เจี๊ยน นิ่น เญย เฉีย เปียะ เถา นิ่น เญย มน่อม.
• ⁷ วั้ว หฒั่น เดา-เป้ย หฒุ บู้งๆ เบี๊ยนๆ เญย,
• บง เญย กอน-โด๊ะ หย่า หฒุ ดั่น ต์ง ญั่นๆ เญย, เหว่ย หฒุ นิ่น เฉีย เจี์ย.
• ⁸ โต์ว-เสียว ยั่ง นิ่น เญย บะฒอง ธ้วด.
• นิ่น เญย ฑุ่ย ธ้วด ไฮ่ ปั๊ว ชุย เญย โต์ว,
• โต์ว-ถาน หย่า หฒุ วั้ว เต๋ย โต์ว เหฒียะ เจี๊ยน.
• ⁹ นิ่น ปุน ลู่ง ฆอย ฯฒฯ เหฌี่ย ต้าย,
• ม่าย บ๋วน-เจี๊ยะ เยียม นิ่น เญย
  เหฒา-เดี๊ย.
• ¹⁰ นิ่น เก้ เค^ลู^บิม ได๋ มี่ง,
• นิ่น ปั่ง หฑยาว เญย ชะ * ฮิบ^ลู หว่า ก๊อง หฑยาว เญย ด๊าด. เซี้ยบๆ เญย ต้าย.
• ¹¹ นิ่น ปุน หฮมวัง อม นิ่น เญย ซิน,
• ม่าย ววม เญย บ๋วน-เจี๊ยะ ท้อง เจี๊ยน นิ่น.
• ¹² เยียม นิ่น เญย หฑะเฮมียน เญย ฌัง,
• ม่าย เปาะ เหธา เหฒียะ เจี๊ยน โต์ว เญย ถาน หธุน ทง นิ่น เญย โหม่ว.
• ¹³ เฒี้ยว เยียม กู้ หงว่าย ลู่ง ก๊อง ธ้วด ฮนั้ง บะอง บุย.
• เยียม ฮลัง เจี๋ย วั้ว เต้า เห่ว ธ้วด ฯฒฯ ม่าย เปาะ เหธา เหฒียะ เจี๊ยน โต์ว เญย โต์ว-ถาน.
• ¹⁴ นิ่น ป๊วน ธ้วด นิ่น เญย ฟอง-ธัง โหฒว ปุน วิน-วั้ง หฑาน.
• นิ่น ป์อง บะหลี่ง หฌับๆ เญย, แฮะ วิน-วั้ง หลุ่น เหฑ่ง.
• ¹⁵ โอ เฒี้ยว อ่า, เม่ย หัด เฮนี้ย เญย,
• เม่ย ปย๊ม เม่ย เญย เฉีย ยั่ง เม่ย เญย บะฒอง ธ้วด.
• ค้อย-โด๊ะ ฯฒฯ หิ่น ธ้วด ต้าย,
• เดา เญย กอน-โด๊ะ หย่า ธ้วด ต้าย แหฆ่ง เญย.
• ¹⁶ นิ่น เยียม กู้ หงว่าย ฮลัง เญย ต๋อง ซูง ปั์ว เฒาะ เยีย,
• เยียม ววม-โด เญย ต๋อง แปง ธ้วด ต้าย.
• ¹⁷ นิ่น เหฌียว เยีย เปย๋า ดุ๊ด เยีย เญย เฮ้น ไห่ เญย วิน-วั้ง
• เหธา ฑอง เยีย วั้ว เต๋ย เมี่ยน, เหว่ย หฒุ นิ่น บัว เก้า เฮ้น เจี๋ย เยีย.
• ¹⁸ เยีย หฒุ เหฒะ หน่าน เญย ฮนอย-เหญียะ นิ่น บัว ต้าย ห่อย เยีย,
• มป่า เฒี้ยว โหฒว เยีย เขา เญย ต๋อง.
• ¹⁹ นิ่น ต้อ เยีย ธ้วด ต้าย เถา นอม จั๊ง เญย ต๋อง.
• นิ่น เหฌียว เยีย เหว่ย หฒุ นิ่น อะเฮน้ย เยีย.
• ²⁰ หฒิว เยีย โหฒว ตุ๊ หอบ, เฒี้ยว ปุน ฒี่ง เหญ่ย เยีย.
• หฒิว เยีย ไม้ โหฒว ต่อง, * ฮิบ^ลู หว่า ก๊อง ``หฒิว เยีย เญย ปั์ว ธีง-เหฑ่ง.'' เอ๋ย เล์ย เซ นิ่น ไม้ โหฒว ต่อง. นิ่น วิ่น ปุน เยีย.
• <sup>21</sup> เหว่ย หฒุ เยีย กัน เหฑ่ง เฒี้ยว เญย โต์
• เยีย ไม้ โหฒว หว่าย แหง่ง เยีย เญย ทิน-ฮู่ง.
• <sup>22</sup> นิ่น เญย เหยียด ฒู้ง เล์ย เยียม เยีย เญย หฑะเฮมียน,
• เยีย หย่า ไม้ กวั่ง นิ่น เญย เล์ย-เหญ่ย.
• <sup>23</sup> เยีย เยียม นิ่น เญย หฑะเฮมียน ไม้ ม่าย ต่อง เญย ต๋อง.
• เยีย หย่า โก๋ว หลง กั้น, ไม้ โหฒว ต่อง ฒุ์ย.
• <sup>24</sup> เหว่ย น้าย, หฒิว เยีย โหฒว ตุ๊ หอบ,
• หย่า หฒิว นิ่น หมั่ง, ปวัด เยีย ธีง-เหฑ่ง, * ฮิบ^ลู หว่า ก๊อง ``นิ่น ปวัด เยีย เญย ปั์ว ธีง-เหฑ่ง''. เฒี้ยว วิ่น ปุน เยีย.
• ²⁵ เหว่ย เหฒียบ ฒัวะ เญย เมี่ยน เม่ย เหฒียบ ฒัวะ เญย ต๋าย นิ่น บัว.
• เหว่ย ไม้ ม่าย ต๋อง เฆ่ม เญย เมี่ยน, เม่ย ปุน ธีง เม่ย กั้น ไม้ ม่าย ต๋อง เฆ่ม.
• ²⁶ เหว่ย ธีง-เหฑ่ง วั้ว เต๋ย, เม่ย ปุน ธีง เม่ย กั้น ธีง-เหฑ่ง.
• เหว่ย เฮญี้ยว ฌ้วด เญย เมี่ยน, เม่ย หย่า ปุน ธีง เม่ย แหง่ง นิ่น บัว.
• ²⁷ เม่ย เหฌียว เหญี่ยม กั้น โหฒว ไฝ เญย แปะ ฝีง, * ไฟ ``หฒุ โค้ว เญย
  แปะ ฝีง''.
• มป่า มฒีง-จ๋า ฮลัง วั้ว เต๋ย, เม่ย ฒัด นิ่น บัว เหฌี่ย.
• ²⁸ เม่ย เตี๊ยม เหฒียะ เยีย เญย ตัง.
• เฒี้ยว, เยีย เญย ทิน-ฮู่ง, หฒิว เยีย หฮมวัง เญย ต๋อง ฌัง ต้าย.
• ²⁹ เยีย ปั่ง เม่ย ฯฒฯ ไฮ่ เบ๊าะ ตุ๊ จุน-แปง.
• เยีย เขา เยีย เญย ทิน-ฮู่ง ไฮ่ ปิว เจี๋ย
  ฒี่ง หลาด.
• ³⁰ น้าย เต้า ทิน-ฮู่ง, นิ่น เญย โต์ ตุ้น ยุ่น เญย.
• เฒี้ยว แล์ง เญย หว่า, ปวัด หฒะเก้ง เฒียน เญย.
• นิ่น โหฒว ท้อง-ป้าย
• เหว่ย เหยียด ฒู้ง ด้าว เขา นิ่น เญย เมี่ยน.
• ³¹ ธ้วด ลิ์ว เฒี้ยว, หาย เต้า โหฒว ทิน-ฮู่ง?
• ธ้วด ลิ์ว บัว เญย ทิน-ฮู่ง, หาย เต้า เป๋น
  วั้ว นอม หละเปย๊ย?
• ³² น้าย เต้า ทิน-ฮู่ง ปุน เยีย ม่าย ชะ
• หย่า ปุน เยีย เญย เจ๊า แป้ง ออน.
• ³³ นิ่น ปุน เยีย เญย เหฒา ฮนั้ง ไฌ่ เญ์ย เญย เต้ย นอ ธ้าย ตุ๊ เจี๊ยน, * ธ้าย ตุ๊ เจี๊ยน ไฟ เซี้ยบ.
• หย่า ปุน เยีย ไฮ่ เยียม ฮลัง เญย ต๋อง
  โซ้ว ตุ๊ ว้วน. * ฮา^บา^กุก 3:19
• ³⁴ นิ่น หฌาว เยีย * ฮิบ^ลู หว่า ก๊อง เยีย เญย ปั์ว. โหะ หลิ่น เบ๊าะ จ๋า,
• เยีย เญย ปั์ว หธีง ต้าย ไฮ่ แปง ต้ง ซิ จวัง-หฒิน.
• ³⁵ เม่ย ปุน เม่ย เญย เหฌียว เอน เหว่ย โหฒว เยีย เญย ท้อง-ป้าย.
• เม่ย เญย บย่าว เจี๊ยะ ปั์ว ป๊า เจี๊ยน เยีย.
• เม่ย เถง เยีย, * เถง เยีย ไฟ เฮญี้ยว ส่วน. ปุน เยีย ตุ๊ โหฒว โฮล.
• ³⁶ เม่ย ปุน เยีย เญย เหฒา ธ้าย เญย ต๋อง จั๊ง,
• เยีย เญย เหฒา ฯฒฯ ไม้ พยัด.
• ³⁷ เยีย หฒุ่น เยีย เญย วิน-วั้ง หย่า หฒุ่น หฒ่าย นิ่น บัว.
• เยีย ไม้ ต๋าว ซิน หฑวน เถา นิ่น บัว หฒุ ป่าย เหฑ่ง.
• ³⁸ เยีย เบ๊าะ นิ่น บัว, นิ่น บัว ฯฒฯ ไม้ ไฮ่
  เจี์ย ซิน.
• นิ่น บัว คีง เหฌี่ย เยีย เญย เหฒา-เฮลน.
• ³⁹ เหว่ย หฒุ เม่ย ปุน เยีย ม่าย ชะ เบ๊าะ จ๋า,
• เม่ย ปุน ต้าย เบ๊าะ เยีย วั้ว เต๋ย หฒุ เยียม เยีย เญย ปั์ว-เดี๊ย.
• ⁴⁰ เม่ย หย่า ปุน เยีย เญย วิน-วั้ง ฮวิน ฆาง เปย๋า.
• เยีย ตุ๊ เหมียด เหฑ่ง ฑอง เยีย วั้ว เต๋ย.
• ⁴¹ นิ่น บัว เห่ว เจี๊ยน โท้ เถง, มป่า ไม้ ม่าย เมี่ยน เหฌียว นิ่น บัว.
• นิ่น บัว เห่ว เฒี้ยว, มป่า นิ่น ไม้ เตา นิ่น บัว.
• ⁴² เยีย เบ๊าะ นิ่น บัว หม่วน ฮนั้ง หฑยาว ป่วน เญย เนีย-บูง.
• เยีย เฒาะ นิ่น บัว ฒอย กวั่ง ฮนั้ง เจ๊า หฒั่ง เญย ววม-ปั่ม ด้อง นอ.
• ⁴³ เม่ย เหฌียว เยีย เปย๋า ดุ๊ด, ไม้ หฒุ แปะ ฝีง ฟิ้ว-แฑง เญย สี่.
• เม่ย ปุน เยีย โหฒว หม่าน กั๊วะ เญย เปย๊ย เฒ้ย.
• ต้ง เยีย ไม้ ฮิ้ว เจี๋ย เญย แปะ ฝีง ฟู-สู เยีย.
• ⁴⁴ นิ่น บัว เยี้ยด หมวัง ไฮ์ เยีย เญย เม่ง เต้า นิ่น บัว หมวัง เยีย.
• กั้น ฝีง เมี่ยน ต้าย บ๊าบ เหฌี่ย เยีย เญย หฑะเฮมียน.
• ⁴⁵ กั้น ฝีง เมี่ยน เฮญี้ยว เมา เหฑ่ง,
• ซิน หฒิน ญั่นๆ เญย เยียม นิ่น บัว ว้วน เญย ต๋อง ธ้วด ต้าย.
• ⁴⁶ เฒี้ยว เฒี่ยง เจี๊ยน. อ๋อย หฒุ เธง เยีย เญย หละเปย๊ย.
• อ๋อย หฒุ ท่าย เยีย เญย ทิน-ฮู่ง, ต้ง เหฌียว เยีย วั้ว เต้า.
• ⁴⁷ เซ น้าย เต้า ทิน-ฮู่ง เถง เยีย จ๊าว วิน,
• หย่า ปุน หม่าน ฝีง หฒุ เยียม เยีย เญย ปั์ว-เดี๊ย.
• ⁴⁸ นิ่น เหฌียว เยีย เปย๋า ดุ๊ด เยีย เญย วิน-วั้ง,
• หย่า โป้ว เยีย ฝาว เก้า ฮลัง เจี๋ย เยีย เญย วิน-จา,
• เม่ย เหฌียว เยีย เปย๋า ดุ๊ด โตะ เญย เมี่ยน.
• ⁴⁹ โอ เฒี้ยว อ่า, เหว่ย น้าย เยีย ฯฒฯ เยียม หม่าน ฝีง เมี่ยน บุด๋ง เธง เม่ย,
• หย่า ป๋าว ฑูง เธง เม่ย เญย เม่ง. * 2 ซา^มู^เอน 22:50 ; โล^มา 15:9
• ⁵⁰ นิ่น เหธย โฮล ไห่ เญย เหฌียว เอน ปุน นิ่น เญย ฮู่ง เตี๋ย,
• หย่า ปุน ธีง นิ่น เหฒียบ ฒัวะ เญย ฮนั้ม นิ่น หล่ง โย่ว ออน ต้าย วั้ว เต้า,
• เซ ดา^วิด เหธา นิ่น เญย โฮ์ ต่อย เถา เหยียด ลิ์ว.