สีง ฑูง 149

ขวิน อิ^สะ^ลา^เอน เมี่ยน เธง เฒี้ยว

• ¹ อ๋อย หฒุ เธง เฒี้ยว. * ฮิบ^ลู หว่า ก๊อง ฮา^เล^ลู^ยา. เยียม 149:9 ฟี่ ฮนั้ง เญย.
• อ๋อย หฒุ ป๋าว ติ้ว เซียง-ฑูง ปุน เฒี้ยว.
• อ๋อย หฒุ เยียม นิ่น เหฒียบ ฒัวะ เญย แปะ ฝีง กั๊บ ฒุ้น เญย ต๋อง เธง นิ่น.
• ² อ๋อย หฒุ ปุน อิ^สะ^ลา^เอน เมี่ยน เหว่ย เหฒย นิ่น บัว ต้าย วั้ว เต้า อะเฮน้ย.
• อ๋อย หฒุ ปุน สิ^โอน เญย แปะ ฝีง เหว่ย นิ่น บัว เญย ฮู่ง เตี๋ย ออน-เหลาะ.
• ³ อ๋อย หฒุ ปุน นิ่น บัว หธัง เหย เธง นิ่น เญย เม่ง,
• เบ๊าะ โฑ์ พัด ต้าน ป้า เธง นิ่น.
• ⁴ เหว่ย หฒุ เฒี้ยว อะเฮน้ย นิ่น เญย แปะ ฝีง,
• นิ่น ปุน เหญี่ยม กั้น โหฒว ไฝ เญย เมี่ยน ตุ๊ ฮี่ง เจี๋ย.
• ⁵ โท้ ปุน กัน หลง นิ่น วั้ว เต๋ย เหว่ย นิ่น บัว ตุ๊ ฮี่ง เจี๋ย เญย ฌัง-หล่าง เฌียน-โย่ว.
• โท้ ปุน นิ่น บัว เยียม นิ่น บัว เญย โหธว เฌียน-โย่ว เญย ป๋าว ฑูง.
• ⁶ โท้ ปุน นิ่น บัว ป๋าว ฑูง บุย เญย เธง ทิน-ฮู่ง,
• หย่า ปุน นิ่น บัว เญย ปั์ว นั้น เจี๊ยน อี แหมง ไหล่ เญย หฑุ ด๊าว,
• ⁷ เหว่ย จ๊าว วิน ปุน หม่าน กั๊วะ เมี่ยน,
• เซี้ยม ตี่ง หม่าน ฝีง เญย ฒุ์ย,
• ⁸ เหว่ย เฒาะ นิ่น บัว เญย ฮู่ง โด้ เจี๊ยน,
• หย่า หล่ง เฮลียะ-หลิ่ม โด้ นิ่น บัว โหฒว โฮล เญย เมี่ยน,
• ⁹ เหว่ย โหฒว เหฒียง หฒิว เฟี้ย เจี๊ยน อ๋อย ฮนั้ง หาย นอ ตี่ง นิ่น บัว เญย ฒุ์ย.
• น้าย เซ ทิน-ฮู่ง เญย เหยียด ฒู้ง แปะ ฝีง * ไฟ ``เหฒียบ ฒัวะ เญย แปะ ฝีง''. ตุ๊ เญย ฌัง-หล่าง.
• อ๋อย หฒุ เธง เฒี้ยว.