สีง ฑูง 146

เธง เฒี้ยว เหว่ย นิ่น
โหฒว แป้ง ฟิม เญย สี่

• ¹ อ๋อย หฒุ เธง เฒี้ยว. * ฮิบ^ลู หว่า ก๊อง ฮา^เล^ลู^ยา. เยียม 146:10 ฟี่ ฮนั้ง เญย.
• เยีย เญย เฮญี้ยว อ่า, อ๋อย หฒุ เธง เฒี้ยว.
• ² ตะฟ่าน เยีย เฒี่ยง เจี๊ยน เญย ฮนอย-เหญียะ เยีย อ๋อย เธง เฒี้ยว.
• เยีย เหยียด เสย อ๋อย ป๋าว ฑูง เธง เยีย เญย ทิน-ฮู่ง.
• ³ เม่ย บัว ไม้ ตู๋ง เขา โหฒว โฮล เญย เมี่ยน,
• ไม้ ตู๋ง เขา ป้าม เมี่ยน,
• เหว่ย หฒุ นิ่น บัว ไม้ ไฮ่ เถง ไม้ ตุ๊.
• ⁴ นิ่น เยี้ยด ตั๋ง เฉีย ฯฒฯ หฑวน เป๋น เนีย.
• ต้ง วั้ว ฮนอย นิ่น ต๊า เญย หฒะเอ๋ย หฒุ เหมียด เหฑ่ง หมี่ อ๊ะ.
• ⁵ ม่าย ยา^โค้บ เญย ทิน-ฮู่ง เถง วั้ว เต้า ม่าย ออน-เหลาะ,
• เซ เขา เฒี้ยว, นิ่น เญย ทิน-ฮู่ง,
  ม่าย ลั่ม ฮนั้ม ต๋อง,
• ⁶ ต้ง เหฒย ลู่ง เหฒย เดา เหฒย ค้อย,
• เหธา เยียม น้าย เต๋ย กะญั์ว เญย
  หม่าน หมวด,
• นิ่น เหยียด ลิ์ว เหฒียบ ฒัวะ เอย เจี๊ยน นิ่น เญย หว่า โหฒว. * กง-โฒ่ 4:24 ; 14:15 ; หล่าว ย่าง 14:7
• ⁷ นิ่น แป้ง ฟิม เญย เซี้ยม เถง หฒุ เหฒย
  เญย เมี่ยน
• หย่า เหธย หญั่น ฮบ ปุน เฮญี้ยว เซีย เญย เมี่ยน หญั่น.
• เฒี้ยว ปุน หฒุ หววน เญย เมี่ยน ตุ๊ ปู๋ง ฆอย.
• ⁸ เฒี้ยว ปุน มฒีง แม่ง เญย เมี่ยน ไฮ่ หมั่ง
  ตุ๊ ปวัด.
• หฒุ โค้ว * ฮิบ^ลู หว่า ก๊อง โด๊ะ เหฌี่ย. เญย เมี่ยน, เฒี้ยว หย่า
  เหลียบ เจี์ย.
• เฒี้ยว ฮนั้ม คู้ เมี่ยน.
• ⁹ เฒี้ยว โก๋ว เจี๊ยน เยียม เต่ย-ปูง เญย
  กั้น ฝีง เมี่ยน,
• นิ่น เถง กู้ ฮั่น ฝุเจว๊ย เหธา เอ๊า-กว๊า,
• มป่า นิ่น ปุน เอ๊าะ เมี่ยน เญย หฒะเอ๋ย ห่อย นิ่น บัว หฒุ ป่าย.
• ¹⁰ เฒี้ยว เหยียด ลิ์ว โหฒว ฮู่ง.
• โอ สิ^โอน อ้า! เม่ย เญย ทิน-ฮู่ง ตุ๊ กุ๊น เถา หม่าน โก๊ว หม่าน ต่อย.
• อ๋อย หฒุ เธง เฒี้ยว.