สีง ฑูง 140

เต๋า เก๋า โท้ เฒี้ยว เปว เจี๊ยน
ไม้ ปุน หฒุ เมี่ยน ห่อย

จิว ปุน ต้อ ฑูง เญย เมี่ยน.
ดา^วิด โหฒ่ เญย สีง ฑูง.

• ¹ โอ เฒี้ยว อ่า, โท้ เหฌียว เยีย เปย๋า ดุ๊ด เอ๊าะ เมี่ยน.
• โท้ เปว เจี๊ยน เยีย, ไม้ ปุน เมี่ยน โตะ เมี่ยน ห่อย.
• ² นิ่น บัว เยียม เฮญี้ยว ต๊า ธ้วด หว่าย เญย หฒะเอ๋ย,
• หย่า หฒั่นๆ โธะ-ฮู้ เบ๊าะ จ๋า.
• ³ นิ่น บัว ปุน นิ่น บัว เญย เบียด ไหล่ ฮนั้ง นาง เญย เบียด ไหล่ นอ.
• นิ่น บัว เญย ฑุ่ย เหมย ม่าย นาง-เจี๊ยะ เญย เดีย-โตะ. * โล^มา 3:13 เซ^ลา
• ⁴ โอ เฒี้ยว อ่า, โท้ เหฌียว เยีย เปย๋า ดุ๊ด เอ๊าะ เมี่ยน เญย ปั์ว-เดี๊ย,
• เปว เยีย ไม้ หฒุ โตะ เญย เมี่ยน ห่อย,
• นิ่น บัว ต๊า หฒะเอ๋ย ปุน เยีย เญย เหฒา
  ดิ๊ หฒุ ดอบ.
• ⁵ โหฒว เหมา เญย เมี่ยน ปี๋ง เจี๊ยน แฒง โขว เฒาะ เยีย,
• นิ่น บัว หล่ง ฮลาง ธอง มู์ง,
• เยียม เจ๊า-เฮลน แฒง โขว ฮลบ เยีย. เซ^ลา
• ⁶ เยีย ก๊อง บั๋ว เฒี้ยว, ``เม่ย โหฒว เยีย เญย ทิน-ฮู่ง.
• โอ เฒี้ยว อ่า, โท้ แปง มน่อม หมวัง เยีย โจ้ว เญย ซีง-เฉีย.
• ⁷ โอ เฒี้ยว, เยีย เญย เฒี้ยว, ต้ง ม่าย ชะ เฮ้น เหฌียว เยีย วั้ว เต้า อ่า,
• เบ๊าะ ต้ม จ๋า เญย ฮนอย-เหญียะ เม่ย ท้อง เจี๊ยน เยีย เญย มฆ้อง.
• ⁸ โอ เฒี้ยว อ่า, โท้ ไม้ ตู๋ง เอย เจี๊ยน เอ๊าะ เมี่ยน เญย เอ๋ย โหฒว,
• ไม้ ตู๋ง ปุน นิ่น บัว เอ๊าะ เญย หฒะเอ๋ย ธ้วด,
• เหฑีย นิ่น บัว ไฮ่ เธง-โฮล. เซ^ลา
• ⁹ โท้ ไม้ ตู๋ง ปุน เว่ย เจี๊ยน เยีย วั้ว เต๋ย เมี่ยน ฮี่ง เจี๋ย. * ฮิบ^ลู หว่า เซ ไม้ หนั่ง เม่ง.
• โท้ ปุน นิ่น บัว เญย ฑุ่ย ก๊อง เญย หว่า หฑวน ต้าย ห่อย นิ่น บัว กั้น.
• ¹⁰ โท้ ปุน เหฒียะ เจี๊ยน โต์ว เญย ถาน ด๊อด เหฌี่ย นิ่น บัว.
• โท้ ปุน นิ่น บัว หฒุ ฒอย เหฌี่ย โด เญย ค้วด,
• เหยียด ลิ์ว ไม้ ไฮ่ ธ้วด.
• ¹¹ โท้ ไม้ ตู๋ง ปุน ก๊อง หว่า-ฮู้ เญย เมี่ยน เหลียบ งว์า-กอน เยียม เต่ย-ปูง.
• โท้ ปุน เอ๊าะ เญย สี่ เซี้ยบๆ เฒาะ เจี๊ยน โหฒว โตะ เญย เมี่ยน.
• ¹² เยีย ฮิ้ว ตุ๊ เฒี้ยว ป๊า เจี๊ยน ด๊อด หน่าน เญย เมี่ยน,
• หย่า แป้ง ฟิม เญย ตุ๋น เหว่ย เมี่ยน จ่ม เมี่ยน.
• ¹³ คู้ เมี่ยน ฒู้ง อ๋อย เธง * เธง ไฟ ตอ-เหฒี่ย. เม่ย เญย เม่ง,
• เฮญี้ยว หฒีง เญย เมี่ยน หย่า อ๋อย เยียม เม่ย เญย หฑะเฮมียน.