สีง ฑูง 14

ป้าม เมี่ยน หฮงง, ขูง โหฒว หว่าย สี่

(เป๊ย หมั่ง สีง ฑูง 53:1-6 )

จิว ปุน ต้อ ฑูง เญย เมี่ยน. ดา^วิด โหฒ่ เญย ฑูง.

• ¹ เมี่ยน หฮงง เมี่ยน * เยียม สีง ฑูง เมี่ยน หฮงง เมี่ยน น้าย โจ๋ว หว่า ก๊อง หฒุ โหฒว หว่าย เญย เมี่ยน, เซ ไม้ ม่าย ทิน-ฮู่ง
  เญย เมี่ยน. เยียม เฮญี้ยว ก๊อง,
• ``ไม้ ม่าย ทิน-ฮู่ง เหลาะ.''
• นิ่น บัว เหยียด ฒู้ง หว่าย เหฑ่ง,
• นิ่น บัว โหฒว เอ๊าะ ไห่, หว่าย ไห่ เญย สี่.
• ไม้ ม่าย เหยียด เต้า โหฒว หลง. * โล^มา 3:10-12
• ² เฒี้ยว เยียม ทิน-ต้อง หมั่ง เหฌี่ย,
• หมั่ง ป้าม เมี่ยน,
• อ๋อย หมั่ง ก๋า, ม่าย หาย เต้า ม่าย ธง-เม่ง,
• ม่าย หาย เต้า ล์อ ทิน-ฮู่ง.
• ³ นิ่น บัว เหยียด ฒู้ง ยั่ง เพียน เจ๊า,
• เต้าๆ ฟี่ ฮนั้ง เญย หว่าย เหฑ่ง.
• ไม้ ม่าย หาย เต้า โหฒว หลง,
• เหยียด เต้า หย่า ไม้ ม่าย.
• ⁴ เหยียด ฒู้ง โหฒว เอ๊าะ เญย เมี่ยน ไม้ ฮิ้ว หาย หญู่ง ไฟ?
• นิ่น บัว นะ เยีย เญย แปะ ฝีง ฮนั้ง นิ่น บัว หญั่น หฮนาง.
• นิ่น บัว หย่า ไม้ โท้ เฒี้ยว.
• ⁵ มป่า นิ่น บัว เยียม วั้ว เก้ง! กั้ม เหฑีย ไห่,
• เหว่ย หฒุ ทิน-ฮู่ง เหธา คู้ เมี่ยน เยียม.
• ⁶ เม่ย บัว โหฒว เอ๊าะ เญย เมี่ยน อ๋อย ปุน เมี่ยน จ่ม เมี่ยน เญย หฒะเอ๋ย ด๊อด,
• มป่า เฒี้ยว โหฒว นิ่น บัว ด้าว เขา เญย ต๋อง.
• ⁷ โท้ ปุน อิ^สะ^ลา^เอน เมี่ยน เญย เหฌียว เอน เยียม สิ^โอน ธ้วด ต้าย.
• เฒี้ยว ปุน นิ่น เญย แปะ ฝีง หฑวน ต้าย ตุ๊ หลง ฮนั้ง ฒิ่น ด่าง วั้ว หฒั่น,
• ยา^โค้บ เญย เฒ้ย-ฟุน ฯฒฯ ม่าย ออน-เหลาะ,
• อิ^สะ^ลา^เอน เมี่ยน อ๋อย เฌียน-โย่ว.