สีง ฑูง 135

เฒี้ยว เซ โฮล ไห่, หมิ่ว-ฝัง ไม้ ลั่ม หล่ง

• ¹ อ๋อย หฒุ เธง เฒี้ยว. * ฮิบ^ลู หว่า ก๊อง ฮา^เล^ลู^ยา. เยียม 135:3 , 21 ฟี่ ฮนั้ง เญย.
• อ๋อย หฒุ เธง เฒี้ยว เญย เม่ง.
• เฒี้ยว เญย หฒวัง โปว อ้า! อ๋อย หฒุ เธง,
• ² เซ เม่ย บัว โซ้ว เจี๊ยน เฒี้ยว เญย เปย๊า,
• เยียม เยีย บัว เญย ทิน-ฮู่ง เญย เปย๊า เญย หลาด กะญั์ว เญย เมี่ยน.
• ³ อ๋อย หฒุ เธง เฒี้ยว เหว่ย หฒุ เฒี้ยว เซ
  หลง ไห่.
• ป๋าว ฑูง เธง นิ่น เญย เม่ง, เหว่ย หฒุ นิ่น ค้อ-เลี่ยน เมี่ยน.
• ⁴ เหว่ย หฒุ เฒี้ยว กิ๊น ยา^โค้บ เหว่ย นิ่น กั้น,
• กิ๊น อิ^สะ^ลา^เอน เป๋น นิ่น กั้น เญย ป่วน.
• ⁵ เยีย ฮิ้ว ตุ๊ เฒี้ยว เซ โฮล ไห่,
• เยีย บัว เญย เฒี้ยว เซ เก้า โฮล เจี๋ย
  หฒวัง เฒี่ยน.
• ⁶ เฒี้ยว เยียม กู้ หงว่าย ลู่ง, เยียม กะเดี๊ย เดา,
• เยียม ค้อย กะญั์ว เหธา เหยียด ฒู้ง
  โด เญย ต๋อง,
• เซว่ย กั้น เญย เอ๋ย อ๋อย โหฒว หาย หญู่ง ฯฒฯ โหฒว อ๊ะ.
• ⁷ นิ่น ปุน บ๋วน เยียม ลู่ง กอน ฝาว,
• นิ่น ปุน บะหลี่ง กัน บยู่ง ต้าย,
• หย่า ต้อ หฑยาว เยียม นิ่น เซียว เญย ต๋อง ธ้วด ต้าย.
• ⁸ เซ ต้ง นิ่น ไต๋ เยียม อี^ยิบ เต่ย-ปูง เญย ต้าว ทอย ตอน,
• เลี่ยม เมี่ยน, เลี่ยม แซง-คู้.
• ⁹ โอ อี^ยิบ เมี่ยน อ้า! นิ่น เยียม เม่ย บัว บุด๋ง โหฒว จั๋ง-โห่ เหธา บัวะ ฮ่อง เญย สี่
• ตี่ง ฟา^โล ฮู่ง เหธา นิ่น เญย หฒวัง เจียน เญย ฒุ์ย.
• ¹⁰ นิ่น เหมียด เหฒีย! เหฒีย ฝีง เมี่ยน,
• แอ๋ง ไต๋ เฮ้น ไห่ เญย ฮู่ง เตี๋ย.
• ¹¹ นิ่น ไต๋ อา^โม^ไล เมี่ยน เญย
  สิ^โหน ฮู่ง,
• เหธา บา^ซาน เต่ย เญย โอก ฮู่ง,
• เหธา คา^นา^อัน เญย เหยียด ฒู้ง ฮู่ง เตี๋ย.
• ¹² นิ่น หย่า เฒาะ นิ่น บัว เญย เต่ย-ปูง
• จิว ปุน นิ่น เญย แปะ ฝีง, อิ^สะ^ลา^เอน เมี่ยน,
• เป๋น นิ่น บัว หฑิบ เญย ป่วน.
• ¹³ โอ เฒี้ยว อ่า, เม่ย เญย เม่ง เหยียด ลิ์ว เยียม.
• โอ เฒี้ยว อ่า, เมี่ยน อ๋อย จั๋ง เม่ย เญย เม่ง เต้า เถา หม่าน ต่อย.
• ¹⁴ เฒี้ยว อ๋อย เถง นิ่น เญย แปะ ฝีง แหธง สี่,
• หย่า ค้อ-เลี่ยน นิ่น เญย หฒวัง โปว.
• ¹⁵ กั้น ฝีง เมี่ยน เญย หมิ่ว-ฝัง หล่ง เจียม หล่ง ญ่าน โหฒว,
• เซ เมี่ยน เญย ปั์ว โหฒว ต้าย. * สีง ฑูง 115:4-8 ; หล่าว ย่าง 9:20
• ¹⁶ น้าย เต๋ย หมิ่ว-ฝัง ม่าย ฑุ่ย มป่า ไม้ ไฮ่ ก๊อง หว่า,
• ม่าย มฒีง มป่า หมั่ง ไม้ ปวัด.
• ¹⁷ นิ่น บัว ม่าย มน่อม มป่า นิ่น บัว หมวัง ไม้ ไฮ์,
• นิ่น บัว เญย ฑุ่ย ไม้ ม่าย เหยียด เต๋ย เท้า เญย เฉีย.
• ¹⁸ โหฒว น้าย เต๋ย หมิ่ว-ฝัง เญย เมี่ยน ฯฒฯ ฮนั้ง น้าย เต๋ย หมิ่ว-ฝัง นอ.
• ตะฟ่าน เขา หมิ่ว-ฝัง เญย เมี่ยน หย่า ฟี่ ฮนั้ง เญย.
• ¹⁹ โอ อิ^สะ^ลา^เอน เญย เฒ้ย-ฟุน อ้า!
  อ๋อย หฒุ เธง เฒี้ยว.
• โอ อา^โลน เญย เฒ้ย-ฟุน อ้า!
  อ๋อย หฒุ เธง เฒี้ยว.
• ²⁰ โอ เล^วี เญย เฒ้ย-ฟุน อ้า!
  อ๋อย หฒุ เธง เฒี้ยว.
• ท่าย เฒี้ยว เญย เมี่ยน อ้า!
  อ๋อย หฒุ เธง เฒี้ยว.
• ²¹ อ๋อย หฒุ เยียม สิ^โอน เธง เฒี้ยว,
• เซ เยียม เย^ลู^ซา^เลม ฒี่ง เญย เฒี้ยว.
• อ๋อย หฒุ เธง เฒี้ยว.