สีง ฑูง 132

โท้ เฒี้ยว เหธย ฟุ ปุน สีง ติ่น

ยั่ง ฝาว เญย ฑูง

• ¹ โอ เฒี้ยว อ่า, โท้ เม่ย จั๋ง เจี๊ยน ดา^วิด,
• ต้ง นิ่น เตี๊ย เญย เหยียด ฒู้ง โค้ว หน่าน.
• ² จั๋ง เจี๊ยน นิ่น ฮนั้ง หาย นอ เหธา เฒี้ยว โฮ้ว เจี๊ยน แล์ง หว่า,
• เซ เหธา ยา^โค้บ เญย เน่น เจี๋ย เญย ทิน-ฮู่ง.
• ³ ``เยีย ฒู้ง ไม้ เปียะ เยีย เญย เปย๊า
• หย่า ไม้ ฝาว เยีย เญย โหธว.
• <sup>4</sup> เยีย ไม้ ปุน เยีย เญย มฒีง มฌ่อม,
• หย่า ไม้ ปุน มฒีง-ด๊บ ฌิบ.
• <sup>5</sup> ฒั้ว เถา เยีย เหว่ย เฒี้ยว ล์อ ตุ๊ ต๋อง เยียม,
• เซ ล์อ ต๋อง ปุน ยา^โค้บ เญย เน่น เจี๋ย เญย ทิน-ฮู่ง.''
• <sup>6</sup> หมวัง ก๋า, เยีย บัว ไฮ์ ก๊อง แล์ง แหง่ง หว่า ฟาง เยียม เอ^ฟา^ทา,
• เยีย บัว ล์อ ปวัด เยียม ยา^อา * เซ คี^ลิ^ย้าด^เย^อา^ลิม. เญย เด่ย. * 2 ฒุ่น ต่อย โต้ว 6:41-42
• <sup>7</sup> ``บัว อ๋อย หฒุ เปียะ นิ่น เยียม เญย ต๋อง,
• เยียม นิ่น หลอง เหฒา เญย ต๋อง ป๋าย.
• ⁸ เฒี้ยว อ่า, ต้าย ม่าะ! เลี่ยม เม่ย เหธา
• ปิ๋ว เม่ง เม่ย เญย ชะ วั้ว นอม แล์ง แหง่ง หว่า ฟาง
• ต้าย เปียะ เม่ย ฮิด ขวน เญย ต๋อง.
• ⁹ โท้ ปุน เม่ย เญย ไซ เมี่ยน หฒั่นๆ โหฒว หอบ, * ฮิบ^ลู หว่า ก๊อง ``ฒุ เจี๊ยน โหฒว หอบ เญย เจ๊า''.
• หย่า โท้ ปุน เม่ย เญย ธีง-เหฑ่ง แปะ ฝีง เฌียน-โย่ว เญย เห่ว.''
• <sup>10</sup> โท้ เหว่ย เม่ย เญย โปว, ดา^วิด,
• ไม้ ตู๋ง เฆ่ม กวั่ง * ฟาน หฒะ ก๊อง เนี้ยว เฮมียน ไม้ หมั่ง. เม่ย หล่ง โย่ว ออน ต้าย วั้ว เต้า.
• <sup>11</sup> เฒี้ยว ตอง เจี๊ยน ดา^วิด เหฒียบ ฒัวะ เญย แล์ง แหง่ง หว่า,
• นิ่น หย่า ไม้ ไฮ่ ถุย. นิ่น ก๊อง,
• ``เยีย อ๋อย เหลียบ เต้า เม่ย กั้น เญย ตอน
• เฒว์ย เจี๊ยน เม่ย เญย เหว่ย. * 2 ซา^มู^เอน 7:12-16 ; 1 ฒุ่น ต่อย โต้ว 17:11-14 ; สีง ฑูง 89:3-4 ; กง-โฒ่ 2:30
• ¹² สี ก๊อง เม่ย เญย ตอน บัว เอย เจี๊ยน เยีย แล์ง เญย แหง่ง หว่า,
• หย่า กัน เยีย อ๋อย หฌาว นิ่น บัว เญย เหยียด ฒู้ง หว่า,
• นิ่น บัว เญย เฒ้ย-ฟุน ฯฒฯ ตุ๊ เหยียด ลิ์ว
• เฒว์ย เจี๊ยน เม่ย เญย เหว่ย.''
• ¹³ เหว่ย หฒุ เฒี้ยว กิ๊น สิ^โอน.
• นิ่น อ๋อย หล่ง เหว่ย โหฒว นิ่น เยียม เญย ต๋อง.
• ¹⁴ นิ่น ก๊อง, ``น้าย เซ เยีย เหยียด ลิ์ว ฮิด เญย ต๋อง,
• เยีย อ๋อย เยียม น้าย. น้าย เซ เยีย เญย เอ๋ย.
• ¹⁵ เยีย อ๋อย เหธย ฟุ ปุน น้าย นอม ฒี่ง เญย ล่าง หฒิ ปู๋ง-หฒัวะ,
• หย่า ปุน น้าย นอม ฒี่ง เญย เมี่ยน จ่ม เมี่ยน ตุ๊ หญั่น เป๊ว.
• ¹⁶ เยีย อ๋อย ปุน นิ่น เญย ไซ เมี่ยน ตุ๊ * ฮิบ^ลู หว่า ก๊อง ฒุ.
  เหฌียว เอน.
• นิ่น เญย แปะ ฝีง หย่า อ๋อย เฌียน-โย่ว เญย เห่ว.
• ¹⁷ เยีย อ๋อย ปุน ดา^วิด เญย เหยียด เต้า เฒ้ย-ฟุน เยียม วั้ว โหฒว ฮู่ง.
• เยีย เหว่ย เยีย หล่ง โย่ว ออน ต้าย วั้ว เต้า เหลียบ เต้า หฑิบ เจี๊ยน โหฒว ฮู่ง. * ฮิบ^ลู หว่า ก๊อง, เหลียบ นอม ตัง. * 1 ฮู่ง โต้ว 11:36
• ¹⁸ เยีย อ๋อย ปุน นิ่น เญย วิน-วั้ง หฒุ ไญ้,
• มป่า นิ่น กั้น ด๋ง เญย ฮู่ง นี้ง อ๋อย แอ๊ง ธ้วด ฌัง.