สีง ฑูง 125

เฒี้ยว เว่ย ก๋อม นิ่น เญย แปะ ฝีง

ยั่ง ฝาว เญย ฑูง.

• ¹ ตะฟ่าน เขา เฒี้ยว เญย เมี่ยน ฮนั้ง สิ^โอน บง
• ไม้ หฒุ ดั่น ต์ง, ฒู้ง เยียม เถา เหยียด ลิ์ว.
• ² หฒวัง บง ฮนั้ง หาย นอ เว่ย ก๋อม เย^ลู^ซา^เลม,
• เฒี้ยว ฮนั้ง วั้ว นอ เว่ย ก๋อม นิ่น เญย แปะ ฝีง,
• เยียม น้าย มี่ง เถา เหยียด ลิ์ว.
• ³ เอ๊าะ เมี่ยน ไม้ ตุ๊ เหยียด ลิ์ว กุ๊น
• พ้าย ปุน คู้ เมี่ยน เญย ป่วน เต่ย-ปูง.
• เฑ่า เหย คู้ เมี่ยน
• ไฮ่ ซูง ปั์ว โหฒว เอ๊าะ สี่.
• ⁴ โอ เฒี้ยว อ่า, โท้ โหฒว หลง ปุน หลง เญย,
• เหธา เฮญี้ยว หฒีง เญย เมี่ยน.
• ⁵ มป่า หาย เต้า ฮวิน มี่ง กัน เฮญี้ยว ฌ้วด เมี่ยน เญย เจ๊า,
• เฒี้ยว อ๋อย ต้อ นิ่น บัว เหธา เจี๊ยน เอ๊าะ เมี่ยน เหยียด เจ๊า มี่ง.
• โท้ ปุน อิ^สะ^ลา^เอน ตุ๊ แป้ง ออน.