สีง ฑูง 118

ตอ-เหฒี่ย เหว่ย หฒุ เฒี้ยว
เหฌียว นิ่น เญย แปะ ฝีง

• ¹ อ๋อย หฒุ ตอ-เหฒี่ย เฒี้ยว เหว่ย หฒุ นิ่น หลง ไห่.
• นิ่น เหยียด ลิ์ว เหฒียบ ฒัวะ เญย ฮนั้ม เมี่ยน. * 1 ฒุ่น ต่อย โต้ว 16:34 ;
  2 ฒุ่น ต่อย โต้ว 5:13 ; 7:3 ; เอ^สะ^ลา 3:11 ; สีง ฑูง 100:5 ; 106:1 ; 107:1 ; 136:1 ; เย^เล^มี 33:11
• ² ปุน อิ^สะ^ลา^เอน เมี่ยน ก๊อง,
• ``นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.''
• <sup>3</sup> ปุน อา^โลน เญย เฒ้ย-ฟุน ก๊อง,
• ``นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.''
• ⁴ ปุน เหยียด ฒู้ง ท่าย เฒี้ยว เญย เมี่ยน ก๊อง,
• ``นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.''
• <sup>5</sup> หฒุ โค้ว หน่าน วั้ว หฒั่น เยีย เห่ว เฒี้ยว.
• เฒี้ยว เตา เยีย หย่า ปู๋ง ฆอย เยีย.
• <sup>6</sup> ม่าย เฒี้ยว เถง เยีย, เยีย ฯฒฯ ไม้ กั้ม เหฑีย.
• ป้าม เมี่ยน ไฮ่ โหฒว หาย หญู่ง ปุน เยีย? * ฮิบ^ลู 13:6
• <sup>7</sup> เฒี้ยว เหธา เยีย เยียม หย่า เถง เยีย,
• เยีย ฯฒฯ หมั่ง ปวัด ฑอง เยีย วั้ว เต๋ย วิน-วั้ง หฒุ เซวย.
• <sup>8</sup> ด้าว เขา เฒี้ยว เซ เก้า หลง
• เขา ป้าม เมี่ยน.
• <sup>9</sup> ด้าว เขา เฒี้ยว เซ เก้า หลง
• เขา โหฒว โฮล เญย เมี่ยน.
• <sup>10</sup> หม่าน กั๊วะ เญย เมี่ยน เว่ย ก๋อม เยีย.
• เยีย เต๊ง เฒี้ยว เญย บั๋ว เหมียด นิ่น บัว.
• <sup>11</sup> นิ่น บัว เว่ย ก๋อม เยีย, เฝย-ปูง เว่ย ก๋อม เยีย.
• เยีย เต๊ง เฒี้ยว เญย บั๋ว เหมียด นิ่น บัว.
• <sup>12</sup> นิ่น บัว ฮนั้ง เมว์ย นอ, เว่ย ก๋อม เยีย.
• นิ่น บัว ฮนั้ง ปั๊ว ฌิ้ม-หล่ม เญย โต์ว ไต่ เซี้ยบ.
• เยีย เต๊ง เฒี้ยว เญย บั๋ว เหมียด นิ่น บัว.
• <sup>13</sup> เยีย หฒุ นิ่น บัว ฟ้ง เสย เญย, ปุน เยีย ค้า เต๋ย ดอบ,
• มป่า เฒี้ยว เถง เยีย.
• <sup>14</sup> เฒี้ยว เซ เยีย เญย ชะ เหธา เยีย เญย ฑูง,
• นิ่น เป๋น เยีย เญย เหฌียว เอน. * ธ้วด อี^ยิบ 15:2 ; อิ^สะ^ยา 12:2
• <sup>15</sup> หมวัง ม่าะ! เยียม คู้ เมี่ยน เญย ด๊บ-ลิ่ว
• ม่าย เฌียน-โย่ว เหธา ฮี่ง เจี๋ย เญย เฉีย แอ๊ง ธ้วด ก๊อง,
• `` เฒี้ยว เญย บย่าว เจี๊ยะ ปั์ว เถง ฮี่ง เจี๋ย.
• ¹⁶ เฒี้ยว ซูง นิ่น เญย บย่าว เจี๊ยะ ปั์ว ฝาว ฮลัง.
• เฒี้ยว ซูง นิ่น เญย บย่าว เจี๊ยะ ปั์ว เถง ฮี่ง เจี๋ย.''
• ¹⁷ เยีย ฯฒฯ ไม้ ไต่ มป่า ตุ๊ เฒี่ยง เจี๊ยน
• หย่า ฒุ่น เฒี้ยว โหฒว เญย สี่.
• ¹⁸ เฒี้ยว ตี่ง เยีย เญย ฒุ์ย เฮนี้ย เญย
• มป่า ไม้ ปุน เยีย หฒุ ไต่.
• ¹⁹ เถง เยีย คอย ฆอย หฒั่ง ทิน-ฮู่ง เญย แก้ง * ฟาน หฒะ เซ ``คู้ เมี่ยน เปียะ เญย แก้ง.'' เอ๋ย เล์ย เซ ``หฒั่ง ทิน-ฮู่ง เญย แก้ง''.
• เหว่ย ปุน เยีย ไฮ่ เปียะ มี่ง ตอ-เหฒี่ย เฒี้ยว.
• ²⁰ น้าย เซ เฒี้ยว เญย แก้ง.
• คู้ เมี่ยน ตุ๊ ยั่ง น้าย เปียะ.
• ²¹ เยีย ตอ-เหฒี่ย เม่ย เหว่ย หฒุ เม่ย เตา เยีย.
• หย่า เป๋น เยีย เญย เหฌียว เอน.
• ²² ก๊ม เปย๊า หฒั่ง เฆ่ม ธ้วด วั้ว นอม
  หละเปย๊ย,
• ฒู้ง เป๋น อัน เปย๊า-เก๊าะ เก้า หล่ง เจี๊ยน เจี๋ย วั้ว นอม. * มัด^ทาย 21:42 ;
  มา^โค 12:10-11 ; ลู^กา 20:17 ; กง-โฒ่ 4:11 ; 1 ปี^เต 2:7
• ²³ น้าย เซ เฒี้ยว โหฒว เญย สี่.
• หฒิว เยีย บัว เญย มฒีง หมั่ง, เยีย บัว ปวัด บัวะ ฮ่อง ไห่.
• ²⁴ น้าย เซ เฒี้ยว เหลียบ ต้าย เญย ฮนอย.
• เยีย บัว อ๋อย หฒุ เยียม น้าย นอม ฮนอย เฌียน-โย่ว, อะเฮน้ย.
• ²⁵ โอ เฒี้ยว อ้า! เหฌียว เยีย บัว ม่าะ! * มัด^ทาย 21:9 ; มา^โค 11:9 ; โย^ฮัน 12:13
• โอ เฒี้ยว อ้า! โท้ เถง เยีย บัว ไฮ่ โหฒว ตุ๊ เหฒียง เญย.
• ²⁶ โท้ เหธย ฟุ ปุน เต๊ง เฒี้ยว เญย บั๋ว เปียะ ต้าย เญย เมี่ยน. * มัด^ทาย 21:9 ; 23:39 ; มา^โค 11:9 ; ลู^กา 13:35 ; 19:38 ; โย^ฮัน 12:13
• เยีย บัว เยียม เฒี้ยว เญย เปย๊า โท้ เฒี้ยว เหธย ฟุ ปุน เม่ย บัว.
• ²⁷ เฒี้ยว เซ ต้ง ทิน-ฮู่ง.
• นิ่น หย่า เหธย ฌัง ปุน เยีย บัว.
• หล่ง ฮลาง โด้ เจี๊ยน ฝ่ง ห่อ เหฒี่ย เหว่ย เจี๋ย ฒิบ เญย แซง-คู้ หย่า ต้อ มี่ง เถา เหฒี่ย-ต้อง เญย จอง. * น้าย เหยี่ยม เญย ฮิบ^ลู หว่า อะ ตุ๊ เม่ง แปะ. ม่าย เต๋ย ก๊อง ``อ๋อย หฒุ นั้น เจี๊ยน เดี๋ยง-ฆว่า เจี์ย กอน เจี๋ย ฒิบ, มี่ง เถา เหฒี่ย-ต้อง เญย จอง''.
• ²⁸ เม่ย โหฒว เยีย เญย ทิน-ฮู่ง. เยีย อ๋อย ตอ-เหฒี่ย เม่ย.
• เม่ย โหฒว เยีย เญย ทิน-ฮู่ง. เยีย อ๋อย ท่าย เม่ย เว่ย โฮล.
• ²⁹ อ๋อย หฒุ ตอ-เหฒี่ย เฒี้ยว เหว่ย หฒุ นิ่น หลง ไห่.
• นิ่น เหยียด ลิ์ว เหฒียบ ฒัวะ เญย ฮนั้ม เมี่ยน.