เล^มู^เอน ก๊อง เญย หว่า

¹ น้าย เซ เล^มู^เอน ฮู่ง โต่ว เญย หว่า, * เป๊ย หมั่ง ธง-เม่ง หว่า 30:1 . เซ นิ่น เญย มา หฌาว นิ่น วั้ว เต๋ย หว่า.

• ² ``โอ เยีย เญย ตอน อ้า! โอ เยีย ยู์ง เญย ตอน อ้า!
• เยีย แล์ง แหง่ง หว่า ตุ๊ ต้าย เญย ตอน อ้า!
• เยีย อ๋อย หฒุ หฌาว หาย หญู่ง เม่ย?
• <sup>3</sup> ไม้ ตู๋ง เฒาะ เม่ย เญย ชะ ปุน เหฑ่ง มเซียะ ตอน,
• ไม้ ตู๋ง ปุน น้าย หญู่ง เจ๊า ห่อย ฮู่ง เตี๋ย หฒุ ป่าย.
• <sup>4</sup> ``โอ เล^มู^เอน อ้า! ฮู่ง เตี๋ย ไม้ หอบ หฒุ,
• ฮู่ง เตี๋ย ไม้ หอบ หฒุ ฮบ อะหงุ่น ติ๊ว.
• โหฒว โฮล กุ๊น วั้ว เต้า ไม้ หอบ หฒุ ม่าย เฮญี้ยว อ๋อย ฮบ ติ๊ว-คู้.
• ⁵ เหฑีย ฮบ ลิ์ว ฯฒฯ หละคุ เล์ย-หลัด,
• หย่า ปุน หฒุ โค้ว เญย เหยียด ฒู้ง เมี่ยน หอบ หฒุ ตุ๊ เญย เล์ย เพียน มี่ง.
• ⁶ ปุน ติ๊ว-คู้ อ๊า ลั่ม ไต่ เญย เมี่ยน ฮบ,
• ปุน อะหงุ่น ติ๊ว เฮญี้ยว เฑ่า โค้ว เญย เมี่ยน.
• ⁷ ปุน นิ่น บัว ฮบ ฯฒฯ หละคุ จ่ม เญย เจ๊า,
• ไม้ แอ๋ง จั๋ง นิ่น บัว เญย โค้ว หน่าน.
• ⁸ ``อ๋อย หฒุ เถง หฮงง,
  ไม้ ไฮ่ ก๊อง หว่า เญย เมี่ยน ก๊อง,
• หย่า เปว เจี๊ยน เหยียด ฒู้ง โต้ หน่าน เญย เมี่ยน หอบ หฒุ ตุ๊ เญย เล์ย.
• ⁹ อ๋อย หฒุ เถง ก๊อง หย่า แป้ง ฟิม เญย ตุ๋น สี่.
• อ๋อย หฒุ เปว เจี๊ยน จ่ม เญย เมี่ยน เหธา ตั๋ง-ต๋น เมี่ยน หอบ หฒุ ตุ๊ เญย เล์ย.''

เธง เฒี่ยง ฮ่อง เญย เอ๊า

• ¹⁰ หาย เต้า ไฮ่ ล์อ ตุ๊ เฒี่ยง ฮ่อง เญย เอ๊า?
• เฒี่ยง ฮ่อง เญย เอ๊า เก้า จ๋าย เจี๋ย หละเปย๊ย-จ๋าย. * ธง-เม่ง หว่า 31:10-31 หล่ง ฮิบ^ลู หว่า เญย เหยียด นอม เจี๋ย เหยียด นอม หฑั่ง-หม่า โหฒว เหยียด เหยี่ยม เหยียด เหยี่ยม เญย หฑั่ง-กอน.
• ¹¹ นิ่น เญย โหฆ เขา ตุ๊ หฒุ นิ่น,
• หย่า ไม้ ด๊อด ป๊วน อ๊ะ.
• ¹² นิ่น เหยียด เสย โหฒว หลง ปุน นิ่น เญย โหฆ,
• เหยียด ลิ์ว ไม้ โหฒว หาย หญู่ง ห่อย.
• ¹³ นิ่น ล์อ ปะกี ยู่ง เปยย เหธา ล่าม่า,
• อะเฮน้ย หล่ง ปั์ว โหฒว กง.
• ¹⁴ นิ่น ฮนั้ง โหฒว แซง-เอ๋ย เญย ฑั้ง นอ,
• หว่วน นิ่น เญย หญั่น ฮบ เยียม โก เญย ต้าย.
• ¹⁵ ลู่ง ไม้ แก้ง ฌัง นิ่น เจี์ย ซิน ต้าย
• เบ่น หญั่น ฮบ ปุน ฮมวั้ง ต่อย,
• หย่า พ้าย กง ปุน นิ่น เญย มเซียะ โปว.
• ¹⁶ นิ่น สัม หมั่ง ลี่ง เต่ย หย่า ม์าย ต้าย.
• นิ่น หล่ง กั้น เญย ปั์ว หฒ่อน ต้าย เญย ญ่าน โหฒว หฮวีง หฒวัง อะหงุ่น เปี๊ยว.
• ¹⁷ นิ่น ธ้วด ชะ โหฒว กง เจี้ยน,
• หย่า ปุน นิ่น เญย ปั์ว เฮ้น.
• ¹⁸ นิ่น ฮิ้ว ตุ๊ นิ่น โหฒว ต้าย เญย หัว ม่าย จ๋า-ฒิ่น,
• นิ่น ลู่ง ม์วน ปั๊ว ตัง โหฒว กง เล่า เญย. * ฟาน หฒะ ก๊อง ``นิ่น เญย ตัง เฒี่ยง ม์วน ไม้ ไต่''.
• <sup>19</sup> นิ่น เหว่ย กั้น แปง สุย
• หย่า เหว่ย กั้น ดั๊ด เดีย. * ฟาน หฒะ ก๊อง ``นิ่น นั้น เจี๊ยน แปง สุย เญย จา-สี่, ปั์ว-โด๊ะ หย่า นั้น เจี๊ยน ดั๊ด เดีย เญย กะน้าย''.
• ²⁰ นิ่น ธ้วด ฟิม เฑีย เมี่ยน จ่ม เมี่ยน,
• หย่า ซูง ปั์ว เถง ตั๋ง-ต๋น เมี่ยน.
• ²¹ ตุ้ย ซอง เญย เฒี่ยง โห่ นิ่น ไม้ เฑ่า นิ่น เญย เปย๊า ฒง เมี่ยน,
• เหว่ย หฒุ นิ่น เญย เฒี่ยง เปย๊า เมี่ยน ม่าย ลุย-เซี้ยว * ฮิบ^ลู หว่า ก๊อง ลุย-ซิ. ฒุ.
• ²² นิ่น โหฒว ติ่ม โหธว เญย เดีย,
• หย่า หล่ง ล่าม่า เดีย-หม่วน เหธา เซ้ด หลัวะ เญย เดีย โหฒว กั้น เญย ลุย-โหว.
• ²³ นิ่น เญย โหฆ เหธา ป๊วน-เต่ย เมี่ยน โก๋ เฒว์ย ฒี่ง แก้ง เญย เฒี่ยง โห่,
• หฒวัง เมี่ยน ฮิ้ว ตุ๊ นิ่น เญย โหฆ.
• ²⁴ นิ่น หล่ง ล่าม่า เดีย-หม่วน โหฒว ลุย-โหว หม่าย,
• หย่า ฝูง หละซิน หม่าย ปุน แซง-เอ๋ย เมี่ยน.
• ²⁵ นิ่น ม่าย ชะ หย่า ตุ๊ เมี่ยน ท่าย, * ฟาน หฒะ ก๊อง ``ต้ม ชะ เหธา ฌัง-หล่าง เป๊ย นิ่น เญย ลุย-โหว''.
• นิ่น หย่า จั๊ด โฮ์ ฆาง เญย ฮนอย-เหญียะ.
• <sup>26</sup> นิ่น เญย ฑุ่ย ก๊อง ธง-เม่ง หว่า.
• นิ่น หย่า หล่ง ส่วน เญย เฮญี้ยว หฌาว.
• <sup>27</sup> นิ่น ฒ้าง หลง นิ่น เญย จา-ตี้ง,
• ไม้ ชบ เจี๊ยน ปั์ว เยียม.
• <sup>28</sup> นิ่น เญย ฝุเจว๊ย เจี์ย ต้าย ก๊อง นิ่น ม่าย ฟุ,
• นิ่น เญย โหฆ หย่า เธง นิ่น ก๊อง,
• <sup>29</sup> ``ม่าย เฒี่ยง ฮ่อง เญย มเซียะ ตอน ธั้ม เญย,
• มป่า เม่ย เก้า เฒี่ยง ฮ่อง เจี๋ย.''
• ³⁰ เมี่ยน ม่าย หยัวะ เฟย มป่า ไฮ่ จ๊า เญย.
• เหฑว่ย เญย เจ๊า หย่า ไฮ่ เจี๋ย.
• มป่า ท่าย เฒี้ยว เญย มเซียะ ตอน ผุย ตุ๊ เธง.
• ³¹ โท้ ปุน นิ่น ตุ๊ ฒี่ง เหญ่ย หฒิว นิ่น เญย ปั์ว โหฒว เญย กง,
• หย่า ปุน นิ่น โหฒว เญย กง เยียม วั้ว ฒี่ง แก้ง ตุ๊ เมี่ยน เธง.