โอ^บา^ดี
ปิ๋ว เม่ง หว่า
น้าย ป๊วน โอ^บา^ดี โซว
เซ นั้ง เญย. เย^ลู^ซา^เลม บาง ลิ์ว, ฆะฮ้า โอ^บา^ดี เฟี้ย ต้าย. เฟี้ย เญย เฒี่ยง โห่ เหฑีย เยียม เย^ซู ไม้ แก้ง ธ้วด เสย ฒิ่น ด่าง 586 หฮญัง เญย ต๋อง. เอ^โดม เมี่ยน เหธา อิ^สะ^ลา^เอน เมี่ยน เป๋น วิน-วั้ง ต้าย เล่า อ๊ะ. เฟี้ย น้าย ป๊วน โซว เญย เฒี่ยง โห่, เอ^โดม เมี่ยน ไม้ ตาน อะเฮน้ย ปวัด เย^ลู^ซา^เลม บาง ฮนั้ง. นิ่น บัว กั้น มี่ง ลู้ วั้ว นอม ฒี่ง หย่า เถง เจี๊ยน ธ้าง ฒี่ง เญย เมี่ยน. โอ^บา^ดี โต่ว หว่า ก๊อง เอ^โดม เมี่ยน อ๋อย หฒุ ตี่ง ฒุ์ย, หฒุ เซวย. เหธา อิ^สะ^ลา^เอน เมี่ยน ม่าย วิน วั้ว เต๋ย ฟี่ ฮนั้ง เญย อ๋อย หฒุ เซวย.
| โซว ก๊อง |
| 1-14 |
เอ^โดม หฒุ เฒี้ยว
ตี่ง ฒุ์ย |
| 15-21 |
เฒี้ยว
เญย ฮนอย |
โอ^บา^ดี 1
เฒี้ยว
อ๋อย ตี่ง เอ^โดม เญย ฒุ์ย
เฒี้ยว
ก๊อง นิ่น อ๋อย แอ๋ง ต้าย
1 น้าย เซ โอ^บา^ดี ปวัด หล่าว ย่าง เญย สี่.
เฒี้ยว ทิน-ฮู่ง
ฮนั้ง น้าย ก๊อง เอ^โดม.
- เฒี้ยว
พ้าย เต้า โต่ว เฝียน เมี่ยน มี่ง นอมๆ กั๊วะ.
- เยีย บัว หย่า ตุ๊ ไฮ์ นิ่น โต่ว ต้าย เญย เฝียน. นิ่น ก๊อง,
- ``เจี์ย ต้าย ม่าะ! บัว อ๋อย หฒุ มี่ง เหธา เอ^โดม เบ๊าะ จ๋า.''
-
2 เฒี้ยว
ก๊อง บั๋ว เอ^โดม,
- ``เยีย อ๋อย ปุน เม่ย เยียม หม่าน กั๊วะ บุด๋ง โหฒว ไฝ,
- เม่ย อ๋อย หฒุ เมี่ยน หมั่ง เผีย เถา เดี๊ย.
-
3 เม่ย เญย เฮญี้ยว โหฒว เหมา ดั๊ว เม่ย กั้น.
- เม่ย เยียม แบ๋ง-ฉัง,
- โหฒว เม่ย เญย เปย๊า เยียม ฮลัง เญย ต๋อง.
- เม่ย เยียม เฮญี้ยว ฮนั้ม,
- `หาย เต้า ไฮ่ แปง เยีย เหฌี่ย เถา เดา?'
-
4 ไม้ กุ๊น เม่ย ฮนั้ง ต้ม จ๊าง ได๋ ฮลัง,
- เยียม เหฮลย บุด๋ง โหฒว เล์า,
- เยีย ฒู้ง อ๋อย แปง เม่ย เหฌี่ย ต้าย.''
- น้าย เซ เฒี้ยว
ก๊อง เญย หว่า.
-
5 เฒี้ยว
ก๊อง,
- ``สี ก๊อง จั๋น-หฒะ มี่ง เถา เม่ย หน่าย,
- ไฟ ลู้ เมี่ยน เญย เมี่ยน ลู่ง ม์วน หฒั่น ต้าย,
- เม่ย หฒะเก้ง อ๋อย หฒุ เหมียด เหฑ่ง.
- นิ่น บัว ไม้ เฒ์ย ขูง เฒาะ เก๋า นิ่น บัว กั้น อ๋อย หล่ง เญย ไฟ?
- แก๊ะ อะหงุ่น เปี๊ยว เญย เมี่ยน มี่ง เถา เม่ย หน่าย,
- นิ่น ไม้ เฒ์ย อ๋อย เลี่ยว เต๋ย เปี๊ยว ปุน เมี่ยน เฑ์า ไฟ?
-
6 มป่า เอ^ซาว เญย เฒ้ย-ฟุน อ๋อย หฒุ ลู้ เหฑ่ง,
- นิ่น ปี๋ง จ๋าย เญย กะน้าย ฒู้ง หฒุ เว้ด ธ้วด มี่ง.
-
7 เหธา เม่ย ต้ง เฮญี้ยว กั๊บ ชะ เญย เมี่ยน
ดั๊ว เม่ย,
- หฒุ่น เม่ย ธ้วด เถา กั๊บ-จ๋าย.
- เหธา เม่ย หอบ เญย เมี่ยน
- ฒู้ง อ๋อย ฮี่ง เม่ย.
- เหธา เม่ย จวั่ง แธง หฮนาง หญั่น เญย เมี่ยน,
- อ๋อย แฒง โขว ฮลบ เม่ย.
- น้าย เต๋ย สี่ ไม้ ม่าย หาย เต้า เปียะ เฮญี้ยว.''
เอ^โดม เหว่ย หาย ติ่ว หฒุ ตี่ง ฒุ์ย
-
8 เฒี้ยว
ก๊อง, ``เถา วั้ว ฮนอย
- เยีย อ๋อย เหมียด เยียม เอ^โดม เญย ธง-เม่ง เมี่ยน
- เหธา เยียม เอ^ซาว บง ม่าย ว่วน ฒาง เญย เมี่ยน.
-
9 โอ เท^มาน อ่า, เม่ย เญย เบ๊าะ จ๋า เฮ้น เญย เมี่ยน เก้ง! อ๋อย หฒุ กั้ม เหฑีย อ๊ะ.
- เอ^ซาว บง เญย เหยียด ฒู้ง เมี่ยน
- อ๋อย หฒุ ไพ กวั่ง, หฒุ ไต๋ เหฑ่ง.
เอ^โดม เหว่ย หาย ติ่ว หฒุ ตี่ง ฒุ์ย
-
10 ``เหว่ย เม่ย โหฒว โตะ ห่อย
เม่ย เญย โย์ว, ยา^โค้บ,
- เม่ย ฯฒฯ หฒุ ไญ้ อ๊ะ,
- เหยียด ลิ์ว หฒุ ไพ กวั่ง.
-
11 กั้น กั๊วะ เมี่ยน เปียะ มี่ง ลู้ นิ่น เญย ฒิ่น ฒ่อย วั้ว ฮนอย,
- เม่ย โซ้ว เจี๊ยน วั้ว ไม้ เกวน ไม้ สี่ เญย.
- กั้น ฝีง เมี่ยน เปียะ นิ่น เญย ฒี่ง แก้ง
- เหว่ย เย^ลู^ซา^เลม ตี่ง แหม่ง หมั่ง,
- เม่ย หย่า ฮนั้ง เต้า วั้ว เต๋ย เมี่ยน นอ.
-
12 เม่ย เญย โย์ว หฒุ เหฒะ หน่าน เญย ฮนอย-เหญียะ
- เม่ย ไม้ หอบ หฒุ ปู๋ง มฒีง อะเฮน้ย เญย หมั่ง ฮนั้ง.
- ยู^ดา เมี่ยน หฒุ เหมียด เญย ฮนอย,
- เม่ย ไม้ หอบ หฒุ เฌียน-โย่ว อะเฮน้ย.
- นิ่น บัว หฒุ โค้ว เญย ฮนอย,
- เม่ย ไม้ หอบ หฒุ ปู๋ง หว่า-เหมา.
-
13 เยีย เญย แปะ ฝีง หฒุ เหฒะ หน่าน เญย
ฮนอย-เหญียะ,
- เม่ย ไม้ หอบ หฒุ เปียะ นิ่น บัว เญย
ฒี่ง แก้ง.
- เยียม นิ่น หฒุ เหฒะ หน่าน เญย ฮนอย-เหญียะ,
- เม่ย ไม้ หอบ หฒุ ขูง ปู๋ง มฒีง อะเฮน้ย เญย หมั่ง ฮนั้ง.
- นิ่น หฒุ เหฒะ หน่าน เญย ฮนอย
- เม่ย ไม้ หอบ หฒุ ธ้าง นิ่น บัว เญย ฒิ่น ฒ่อย.
-
14 เม่ย ไม้ หอบ หฒุ โซ้ว เจี๊ยน เจ๊า-หธา
- เหว่ย เฒาะ อ๋อย เปย๋า วั้ว เต๋ย.
- เยียม นิ่น บัว หฒุ โต้ หน่าน เญย ฮนอย,
- เม่ย ไม้ หอบ หฒุ เฒาะ เหฒ่ง เหฌี่ย เญย เมี่ยน จิว ปุน นิ่น บัว เญย วิน-วั้ง.
ทิน-ฮู่ง อ๋อย เซี้ยม หม่าน กั๊วะ เมี่ยน
-
15 `` เฒี้ยว
เซี้ยม หม่าน กั๊วะ เญย ฮนอย เถา ฟัด อ๊ะ.
- เอ^โดม อ่า, เม่ย ฮนั้ง หาย นอ โหฒว ปุน เมี่ยน,
- เมี่ยน ฯฒฯ ฮนั้ง วั้ว นอ โหฒว ปุน เม่ย.
- เม่ย โหฒว เญย สี่ ฒู้ง อ๋อย วิ่น หฑวน
ปุน เม่ย.
-
16 เม่ย เยียม เยีย เญย ธีง-เหฑ่ง บง ฮนั้ง หาย นอ ฮบ หฒุ เสี่ยว โค้ว เญย ฒ้าน,
- เว่ย ก๋อม เญย หม่าน กั๊วะ เมี่ยน หย่า อ๋อย หฒุ ฮนั้ง วั้ว นอ ฮบ.
- นิ่น บัว ฮบ ลิ์ว ลู่งๆ ไล่ๆ เญย มี่ง,
- ฯฒฯ หฒุด หมี่ อ๊ะ, ฮนั้ง ไม้ ม่าย เจี๋ย นิ่น บัว นอ.
อิ^สะ^ลา^เอน เมี่ยน ตุ๊ ฮี่ง เจี๋ย
-
17 ``มป่า เยียม สิ^โอน บง
ม่าย เต๋ย เมี่ยน ตุ๊ เปย๋า ดุ๊ด.
- วั้ว นอม บง ฒู้ง อ๋อย เป๋น ธีง-เหฑ่ง บง.
- ยา^โค้บ เญย เฒ้ย-ฟุน
- หย่า ตุ๊ หฑิบ นิ่น บัว ฒิ่น ด่าง หฑิบ เญย ป่วน เดา หฑวน.
-
18 ยา^โค้บ เญย เฒ้ย-ฟุน ฯฒฯ ฮนั้ง โต์ว,
- โย^เซ้บ เญย เฒ้ย-ฟุน ฮนั้ง โต์ว-เบียด.
- เอ^ซาว เญย เฒ้ย-ฟุน อ๋อย ฮนั้ง เบย้า ฆ้าว กอน,
- หฒุ โต์ว ปั๊ว นิ่น บัว ชุย เหฑ่ง.
- เอ^ซาว เญย เฒ้ย-ฟุน ไม้ ม่าย เหยียด เต้า
- ตุ๊ ธ้วด สีง แหม่ง.''
- น้าย เซ เฒี้ยว
ก๊อง เญย หว่า.
-
19 เยียม เน^เกบ
เญย เมี่ยน
- ตุ๊ เอ^ซาว บง เป๋น นิ่น บัว เญย ป่วน.
- เยียม ไฟ ปูง บง-จั๊วะ เมี่ยน
- ตุ๊ ฟี^ลิ^สะ^เตีย เต่ย เป๋น นิ่น บัว เญย ป่วน.
- นิ่น บัว ตุ๊ เอ^ฟา^อิม เหธา สะ^มา^เลีย เต่ย เป๋น นิ่น บัว เญย ป่วน,
- เบน^ยา^มิน ฝีง หย่า ตุ๊ หฑิบ กิ^เล^อาด เต่ย.
-
20 เยียม คา^นา^อัน หฒุ ธ้าง มี่ง เญย อิ^สะ^ลา^เอน เมี่ยน
- ตุ๊ หฑิบ ฟี^นี^เซีย
ฝาว มี่ง ป๊ะ ปูง เถา
สา^เล^ฟัด.
- เยียม เย^ลู^ซา^เลม หฒุ ธ้าง มี่ง เส^ฟา^ล้าด เญย เมี่ยน,
- ตุ๊ หฑิบ เยียม เน^เกบ เต่ย เญย ฒี่ง.
-
21 ตุ๊ ฮี่ง เญย เมี่ยน ฯฒฯ ฝาว สิ^โอน บง
- เหว่ย กุ๊น เอ^ซาว บง.
- วั้ว นอม กั๊วะ ฯฒฯ เป๋น เฒี้ยว
เญย.
